(ខេត្តស្វាយរៀង) ÷ លោក ម៉ែន អេង អភិបាលរងខេត្តស្វាយរៀងជំរុញដល់លោកអភិបាលរងក្រុងបាវិតទាំងពីរដែលទើបតែងតាំងថ្មី ត្រូវមានភាពស្មោះត្រង់ជាមួយមន្ត្រីក្រោមឱវាទ និងថ្នាក់លើជាពិសេសជាមួយរាជរដ្ឋាភិបាល។
ថ្លែងនៅក្នុងឱកាសនេះ ធ្វើឡើងនៅរសៀលថ្ងៃទី០៧ខែតុលាឆ្នាំ២០២២ក្នុងពិធីប្រកាសចូលកាន់មុខដំណែងលោករេ”ត រក្សា ឋានន្តរស័ក្កិអន្តរក្រមថ្នាក់លេខ៤ ជាអភិបាលរងក្រុងបាវិត លោក បែ”ន ភារុណ មានឋានន្តរស័ក្តិនាយក្រមថ្នាក់ទី៦ ជាអភិបាលរងក្រុងបាវិត ។
កម្មវិធីនេះ មានការអញ្ជើញចូលរួមពីលោក លឹមសៀងហេង អភិបាលក្រុងបាវិត អភិបាលរងក្រុងបាវិត អស់លោកប្រធានក្រុមប្រឹក្សាក្រុង លោក លោកស្រីប្រធានអនុប្រធាន តំណាងមន្ទីរអង្គភាពនានាក្នុងខេត្ត កងកម្លាំងទាំង ៣ចំណុះសាលាក្រុងបាវិត។
លោកលឹម សៀងហេង អភិបាលក្រុងបាវិតបានអានរបាយការណ៍ដែលរដ្ឋបាលក្រុងបាវិតសម្រេច ក្នុងការកសាងអភិវឌ្ឍន៍រីកចំរើននូវហេដ្ឋារចនាសម្ពន់នានា ក្រុងបាវិតព្រមអនុវត្តផែនការការពារទប់ស្កាត់ភូមិឃុំមានសុវត្ថភាពទាំង៩ចំណុចរបស់រាជរដ្ឋាភិបាលកម្ពុជា ទប់ស្កាត់ការលែងល្បែងស៊ីសងខុសច្បាប់គ្រប់ប្រភេទ ស្របតាមអនុសាសន៍របស់ប្រមុខរាជរដ្ឋាភិបាលកម្ពុជា បង្ក្រាបល្បែងស៊ីសងខុសច្បាប់តាមរបៀភ្លៀងរលឹម ធ្វើឲក្រុងបាវិតទទួលបាននូវសុខសុវត្ថភាពជូនប្រទេសជាតិនិងប្រជាពលរដ្ឋ។
លោក ម៉ែន អេង អភិបាលរងខេត្តស្វាយរៀង បានបន្ថែមថាលោកលោកជាអភិបាលរងស្រុកថ្មីទាំងពីរនាក់ត្រូវឈ្វេងយល់អំពីច្បាប់នានា ត្រូវរៀនសូត្រពីការងារជាក់ស្ដែង រៀនសូត្រពីចាស់ទុំដើម្បីធ្វើឱ្យការងារទទួលបានជោគជ័យកាន់តែប្រសើឡើង។ ដោយពិនិត្យទៅលើលក្ខណៈសម្បត្តិ ចំណេះដឹង បទពិសោធន៍ និងអតីតភាពការងារកន្លងមក ទើបរដ្ឋបាលខេត្ត បានលើកសំណើទៅក្រសួងមហាផ្ទៃ និង រាជរដ្ឋាភិបាល ដើម្បីស្នើសុំតែងតាំងអស់លោកមកកាន់តំណែងជាអភិបាលរងក្រុងបាវិតដើម្បីបំរើការងារក្រុងបាវិត មានសណ្តាប់ធ្នាប់សង្គម រក្សាបាននូវសន្តិសុខសណ្តាប់ធ្នាប់សាធារណះល្អជូនប្រជាពលរដ្ឋ និងចូលរួមការអភិវឌ្ឍរីកចម្រើនលើគ្រប់វិស័យជាបន្តបន្ទាប់ទៀត ៕
