នៅថ្ងៃព្រហស្បតិ៍ទី៦ ខែតុលា ឆ្នាំ២០២២ រដ្ឋបាលក្រុងបាវិត មានរៀបចំកម្មវិធីអបអរសាទរទិវាទេសចរណ៍ពិភពលោកឆ្នាំ២០២២ ក្រោមប្រធានបទ “ការគិតគូរឡើងវិញពីទេសចរណ៍ Rethinking Tourism”។
កម្មវិធីនេះប្រារពឡើងនៅក្នុងបរិវេណវិទ្យាល័យចំណេះទូទៅ និងបច្ចេកទេសបាវិត ក្រោមអធិបតីភាពរបស់ លោក សុខា រ៉ាម អភិបាលរងខេត្តស្វាយរៀង តំណាងដ៏ខ្ពង់ខ្ពស់ឯកឧត្តម ម៉ែន វិបុល អភិបាលខេត្តស្វាយរៀង និងមានការអញ្ជើញចូលរួមផងដែរ ពីលោកប្រធាន អនុប្រធានមន្ទីរទេសចរណ៍ខេត្តស្វាយរៀងនិងសហការី លោក ណេប សារ៉ុន ប្រធានក្រុមប្រឹក្សាក្រុងបាវិត លោក លឹម សៀងហេង អភិបាលក្រុងបាវិត លោក លោកស្រីអភិបាលរងក្រុង លោក លោកស្រីសមាជិកក្រុមប្រឹក្សាក្រុង កងកម្លាំងប្រដាប់អាវុធទាំង៣ មន្ត្រីរាជការសាលាក្រុង តំណាងអគ្គិសនីបាវិត និងជីភូ លោក លោកស្រីសមាជិកក្រុមប្រឹក្សាសង្កាត់បាវិត និងមេភូមិ តំណាងក្រុមហ៊ុនប្រមូលសំរាម ហាយប៊្រីដហ្គាប៊ែឆ ប្អូនៗសហភាពសហព័ន្ធយុវជនកម្ពុជា(ស.ស.យ.ក) លោកគ្រូអ្នកគ្រូនិងក្មួយៗសិស្សានុសិស្សនៃវិទ្យាល័យចំណេះទូទៅនិងបច្ចេកទេសបាវិត ប្រមាណ ៣៧០នាក់។លោក សុខា រាមអភិបាលរងខេត្តស្វាយរៀង សំដែងការកោតសរសើរទៅដល់អាជ្ញាធរ ក្រុងបាវិត និងក្រុមហ៊ុន ហាយប៊្រីដហា្គប៊ែន ដែលបានខិតខំបំពេញការងារបានល្អការ កែលំអរ នូវសោភណ្ឌ័ភាព រួមទាំងសម្អាតអនាម័យ បរិស្ថានបានល្អប្រសើ នៅទឹកដីក្រុងបាវិត ឲមាន ទេសភាពល្អ ទាក់ទាញភ្ញៀវជាតិអន្តរជាតិដែលធ្វើដំណើរឆ្លងកាត់នៃទឹកដីខេត្តស្វាយរៀងមានកោតសរសើរ។លោកអភិបាលរងបានអំពាវទៅដល់បងប្អូនប្រជាពលរដ្ឋទាំងអស់ត្រូវចូលរួមគ្នាក្នុងការចូលរួមថែរក្សាអនាម័យបរិស្ថានឲបានល្អគ្រប់ទីកន្លែងដើម្បីលើកកំពស់សោភ័ណ្ឌភាពបរិស្ថានប្រទេសកម្ពុជាជាប្រទេស ដែលចង់រស់នៅ ជាប្រទេសយើងដែល មានជាតិអន្តរជាតិដែលចូលចិត្តមកទេសចរណ៍ក្នុងប្រទេសកម្ពុជា ក្នុងនាមឯកឧត្តមអភិបាលរងខេត្តសូមអំពាវទៅដល់ អាជ្ញាធរគ្រប់លំដាប់ថ្នាក់ កងម្លាំងប្រដាប់អាវុធបងប្អូនប្រជាពលរដ្ឋក៍ដូច ក្មួយៗកម្មកកម្មការនីរោងចក្រ សូមមេតាចូលរួម ថែរក្សាអនាម័យ ទាំងអស់គ្នាដើម្បីឲក្រុងបាវិតជាទីដែលមានសោភ័ណ្ឌភាពស្រស់បំព្រង ជាទីក្រុងដែលចង់រស់នៅ៕
