ខេត្តបន្ទាយមានជ័យ ៖ នៅព្រឹកថ្ងៃព្រហស្បតិ៍ ១១កើត ខែអស្សុជ ឆ្នាំខាលចត្វាស័ក ព.ស ២៥៦៦ត្រូវនឹងថ្ងៃទី០៦ ខែកញ្ញា ឆ្នាំ២០២២នេះ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ដឹកនាំកម្លាំងក្រោមឱវាទ អមដំណើរ និង ការពារសុវត្ថិភាព ឯកឧត្តម នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿញញៀន និងជាប្រធានក្រុមការងារថ្នាក់ជាតិ ចុះជួយខេត្តបន្ទាយមានជ័យ និងក្រុមការងារ អញ្ជើញចុះសួរសុខទុក្ខបងប្អូនប្រជាពលរដ្ឋមកទីទួលសុវត្ថិភាព និងនាំយកអំណោយសម្តេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ទៅចែកជូនដល់ពលរដ្ឋរងគ្រោះដោយទឹកជំនន់និងកំពុងស្នាក់នៅទីទួលសុវត្ថិភាព ចំនួន១១២គ្រួសារ ក្នុងក្រុងសិរីសោភ័ណ មកពីសង្កាត់ព្រះពន្លា ចំនួន៩៩គ្រួសារ សង្កាត់ភ្នៀត ចំនួន ១០គ្រួសារ សង្កាត់អូរបំបិល ចំនួន ១គ្រួសារ និងសង្កាត់កោះពងសាត់ចំនួន ២គ្រួសារ ។
ពលរដ្ឋរងគ្រោះដោយទឹកជំនន់ មកទីទួលសុវត្ថិភាព ចំនួន ១១២ គ្រួសារ ក្នុង០១គ្រួសារទទួលបានឃីត១កញ្ចប់
១.អង្ករ១០គីឡូក្រាម
២-មី១កេស
៣-ត្រីខ ៥កំប៉ុង
៤-ទឹកស៊ីអ៊ីវ ៣ដប
៥-ទឹកត្រី៣ដប
៦-ធូបមូស៥ប្រអប់
៧-សារុង១
៨-មុង១
៩-ទឹកសុទ្ឋ ៣ដប
១០-សាប៊ូដុសខ្លួន២ដុំ
១១-ថ្នាំពេទ្យ(ប៉ារ៉ា+បេតាឌីន)១កញ្ចប់ ១២-ថវិកា២ម៉ឺនរៀល
១៣-ឧបត្ថម្ភកំលាំងនគរបាល ៥០ម៉ឺនរៀល
១៤-ឧបត្ថម្ភកំលាំងអាវុធហត្ថ ៥០ម៉ឺនរៀល
១៥-ឧបត្ថម្ភប្រជាការពារ៥០ម៉ឺនរៀល ១៦-ឧបត្ថម្ភក្រុមគ្រូពេទ្យ ៥០ម៉ឺនរៀល ១៧-ឧបត្ថម្ភកំលាំងយោធា៥០ម៉ឺនរៀល
១៧-ជូនប្រជាពលរដ្ឋដែលមានសមាជិកស្លាប់ដោយទឹកជំននចំនួន០១ គ្រួសារ ថវិកា៥០ម៉ឺនរៀល
១៨-ឧបត្ថមមេឃុំមានជំងឺ ៥០មុឺនរៀល
១៩-ជូនថវិកា ក្មេងៗ ម្នាក់ ១មុឺនរៀលផងដែរ ។
ឆ្លៀតក្នុងឱកាសនោះ ឯកឧត្តម នាយឧត្តមសេនីយ៍ កែ គឹមយ៉ាន បានជម្រុញឲ្យអាជ្ញាធរ និង ជំនាញពាក់ពន្ធ័ ត្រូវបន្តការយកចិត្តទុកដាក់ក្នុងជួយសង្គ្រោះមនុស្ស និងត្រូវរកគ្រប់មធ្យោបាយរំដោះទឹកនៅតំបន់ជន់លិចខ្លាំងជូនពលរដ្ឋ និងបញ្ចៀសការខូចខាតហេដ្ឋារចនាសម្ព័ន្ធនានា តាមដែលអាចធ្វើបាន។ ឯកឧត្តម ក៏បានអំពាវនាវដល់ពលរដ្ឋត្រូវណែនាំ និងហាមប្រាមកូនចៅកុំឲ្យលែងទឹក ព្រោះពេលនេះទឹកកំពុងជន់ខ្លាំងអាចនាំឲ្យ មានគ្រោះថ្នាក់ដល់ជីវិត៕
