ក្មេងស្រីម្នាក់បានស្លាប់បាត់បង់ជីវិតខណៈពេលដែលលិចទូកដចម្លង ១កន្លែង ស្ថិតនៅស្រុកកោះសូទិន ខេត្តកំពង់ចាម
(កំពង់ចាម)៖ កាលពីរសៀលថ្ងៃទី២៤ ខែកញ្ញា ឆ្នាំ២០២២ មានករណីលិចទូកដ១កន្លែង បានកើតឡើងនៅចំណុចស្ពានអូងគោ ស្រុកកោះសូទិន ខេត្តកំពង់ចាម (ទីតាំងនេះគឺជាព្រំប្រទល់រវាងស្រុកកោះសូទិន ខេត្តកំពង់ចាម និងស្រុកត្បូងឃ្មុំ ខេត្តត្បូងឃ្មុំ) បណ្តាលឱ្យក្មេងស្រីម្នាក់បានស្លាប់បាត់បង់ជីវិតខណៈពេលដែលទូកកំពុងចម្លងមនុស្សស្រីប្រុសប្រមាណជិត ២០នាក់ និងម៉ូតូចំនួន ៦គ្រឿង ។
បេីតាមការបញ្ជាក់ពីប្រជាពលរដ្ឋនៅតំបន់នោះបានឱ្យដឹងថា នៅពេលទឹកឡេីងម្តងៗតែងតែមានទូកដចំលងនៅចំណុចកេីតហេតុនេះ ដោយទូកដនោះ គេធ្វេីអំពីឈេី និងក្រងឬស្សីយកទូក ២ភ្ជាប់គ្នាដេីម្បីចម្លងមនុស្ស និងម៉ូតូ ។ ប្រភពដដែលបានបញ្ជាក់ដែរថា ជាអកុសលនៅថ្ងៃខែឆ្នាំខាងលើស្រាប់តែទូកដបានលិចទំនងអាចមកពីទូកផ្ទុកមនុស្ស និងម៉ូតូហួសលើសកំណត់ទើបបណ្តាលឱ្យកេីតហេតុយ៉ាងដូច្នេះ ។
បច្ចុប្បន្នក្មេងស្រីវ័យ១២ឆ្នាំ ដែលបានស្លាប់បាត់បង់ជីវិតនោះ ត្រូវបានសមត្ថកិច្ចប្រគល់ជូនក្រុមគ្រួសារយកធ្វេីបុណ្យតាមប្រពៃណីហើយ ៕
