លោកវរសេនីយ៍ឯក ជឹម ស៊ីថា ប្រជុំផ្សព្វផ្សាយស្តីអំពីការ ការពារសន្តិសុខ សណ្តាប់ធ្នាប់ បង្ក្រាបល្បែងស៊ីសងខុសច្បាប់
(ភ្នំពេញ)៖ នៅថ្ងៃចន្ទ ១កើត ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៦ ខែកញ្ញា ឆ្នាំ២០២២២ វេលា ម៉ោង ៧.០០នាទី ព្រឹក លោក វរសេនីយ៍ឯក ជឹម ស៉ីថា អធិការនគរបាលខណ្ឌដង្កោ បាន ប្រជុំកម្លាំងគោរព ទង់ជាតិ នៅអធិការដ្ឋាននគរបាលខណ្ឌដង្កោ ដោយមាន ការ ចូលរួម ពីលោក លោក ស្រី អធិការរង លោក នាយផ្នែក នាយប៉ុស្ដិ៍ និងមន្ត្រី ក្រោម ឱវាទទាំងអស់។
ឆ្លៀតក្នុងឱកាសនោះ លោកអធិការបានណែនាំដល់ផ្នែកជំនាញត្រូវយកចិត្ដទុកដាក់លើការងារជំនាញរបស់ខ្លួននីមួយៗ ត្រៀមអន្តរាគមន៍ និងចេញល្បាតការពារសន្តិសុខ សុវត្ថិភាព ជូនប្រជាពលរដ្ឋ ទប់ស្កាត់ កុំឲ្យមានបទល្មើសកើតឡើង ចុះបង្រ្កាបល្បែងស៉ីសងខុសច្បាប់គ្រប់ប្រភេទ និងចុះត្រួតពិនិត្យតាមបណ្តាខុនដូរ អាផាតមិន និងសណ្ឋាគារ នូវចំនួនជនបរទេសគ្រប់សញ្ជាតិ ដែលបានស្នាក់នៅក្នុងមូលដ្ឋានខណ្ឌដង្កោ ។
បន្ថែមលើនេះលោកអធិការបានផ្សព្វផ្សាយផែនការរបស់ឯកឧត្តម ឧត្តមសេនីយ៍ឯក អគ្គស្នងការ រង និង ជា ស្នងការ នគរបាល រាជធានី ភ្នំពេញ សម្រាប់យក ទៅ អនុវត្ត តាម ផែន នីមួយៗ ឲ្យទទួលបាន ជោគជ័យ ពិសេស ការ ពារ សន្តិសុខ សណ្តាប់ ធ្នាប់ ជួយសម្រួលចរាចរណ៍កុំឲ្យមានការកកស្ទះ ជូន ប្រជាពលរដ្ឋ នៅ ក្នុង ភូមិ សាស្ត្រ ខណ្ឌ ដង្កោ។ ក្នុងឱកាសនោះផងដែរ លោកអធិការក៏បានកោតសរសើរដល់បងប្អូនកងកម្លាំងយើងទាំងអស់ដែលបានខិតខំបំពេញតួនាទីភារកិច្ច ក្នុងអំឡុងពេលរដូវបុណ្យភ្ជុំបិណ្ឌ គឺបានជួយសម្រួលចរាចរណ៍ ជូនបងប្អូនប្រជាពលរដ្ឋអ្នកធ្វើដំណើរទាំងអស់តាមដងផ្លូវ និងវត្តអារាមនានា។
ជាកិច្ចបញ្ចប់លោកអធិការបានណែនាំដល់មន្ត្រីទាំងអស់ត្រូវចូលរួមប្រុងប្រយ័ត្ន និងអនុវត្តវិធានការសុខាភិបាលដេីម្បីបង្ការ ទប់ស្កាត់ការឆ្លងរាលដាលវីរុសកូវីដ១៩ និងជំងឺឆ្លងអុតស្វា៕
