ឯកឧត្តម គង់ សោភ័ណ្ឌ អភិបាលខេត្តកណ្តាល និងលោកជំទាវ បានអញ្ជើញចូលរួមពិធីកាន់បិណ្ឌវេនទី១៤នៅវត្តព្រះវិហារសួគ៌

(ខេត្តកណ្តាល)៖ នាព្រឹក ថ្ងៃសៅរ៍ ១៤រោច ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៤ ខែកញ្ញា ឆ្នាំ២០២២ ឯកឧត្តម គង់ សោភ័ណ្ឌ អភិបាល នៃគណ:អភិបាលខេត្តកណ្តាល និងលោកជំទាវ ព្រមទាំងក្រុមគ្រួសារ បានចូលរួមក្នុងពិធីកាន់បិណ្ឌវេនទី១៤ ធ្វើបទនមស្ការព្រះរតនត្រៃ សមាទានសីល ពិធីរាប់បាត និងប្រគេនទេយ្យវត្ថុប្រគេនជូន ដល់ព្រះចៅអធិការវត្តចំនួន៣វត្ត រួមមានវត្តសុវណ្ណវត្តី ឃុំព្រែកតាមាក់ វត្តព្រះវិហារសួគ៌ ឃុំវិហារសួគ៌ និងវត្តម៉ែបាន ឃុំស៊ីធរ ស្រុកខ្សាច់កណ្តាល ខេត្ត កណ្ដាល និងបន្ទាប់មកបានជួបសំណេះសំណាលជាមួយកីឡាករចំណុះទូកង «ម៉ែបាន សោភ័ណ្ឌ សែនជ័យ» ដើម្បីត្រៀមមកចូលរួមការប្រណាំងទូកនៅក្រុងតាខ្មៅ ខេត្តកណ្តាល ខាងមុខឆាប់ៗនេះ។

ក្នុងឱកាសដ៏អធិកអធមនេះ ឯកឧត្តម គង់ សោភ័ណ្ឌ អភិបាល នៃគណ:អៈបាលខេត្តកណ្តាល និងលោកជំទាវ ព្រមទាំងសហការី សូមឧទ្ទិសកុសលផលបុណ្យ ជូន លោក លោកស្រី លោកយាយ លោកតា ពុទ្ធបរិស័ទ និងមន្ត្រីរាជការទាំងអស់ សូមទទួលបាននូវមគ្គផល កុសលផលបុណ្យ តាមសទ្ធាជ្រះថ្លារៀងៗខ្លួន និងសូមជួបប្រកបតែនូវពុទ្ធពរ ទាំង៥ប្រការ គឺអាយុ វណ្ណ: សុខ: ពល: និងបដិភាណ: កុំបីឃ្លៀងឃ្លាតឡើយ៕