រដ្ឋបាលខណ្ឌដូនពេញ ដែលចុះដោយផ្ទាល់ពីលោក ជា ខេមា អភិបាល នៃគណ:អភិបាលខណ្ឌដូនពេញនឹងកងកម្លាំងទាំង៣ បានដឹកកម្លាំងចុះបង្ក្រាបទីតាំងល្បែងមួយកន្លែងស្ថិតក្នុងខណ្ឌ
ភ្នំពេញ/ បន្ទាប់ពីប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន បានចេញបញ្ជាដាច់ណាត់ត្រូវតែបង្ក្រាបល្បែងសុីសងគ្រប់ប្រភេទអោយអស់ ភ្លាមៗបន្ទាប់ពីទទួលបានសារសម្លេងរបស់របស់សម្តេចតេជោ រដ្ឋបាលរាជធានីភ្នំពេញបានបើកកិច្ចប្រជុំបន្ទាន់ដែលមានការចូលរួមពីអភិបាលភិបាលរងរាជធានី ស្នងការនគរបាលរាជធានីភ្នំពេញ មេបញ្ជាការអាវុធហត្ថរាជធានីភ្នំពេញ អភិបាលខណ្ឌទាំង១៤ អធិការខណ្ឌទាំង១៤ ប្រធានផ្សារទាំងអស់ក្នុងរាជធានីភ្នំពេញ និងមន្ត្រីពាក់ពន្ធនានាធ្វើយ៉ាងណាចុះបង្ក្រាប់ល្បែងសុីសងអោយអស់។
ដោយអនុវត្តតាមបទបញ្ជាដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងយោងស្មារតីអង្គប្រជុំគណៈបញ្ជាការឯកភាពរដ្ឋបាលរាជធានីភ្នំពេញ….
នៅថ្ងៃអាទិត្យ ៨រោច ខែភទ្របទ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី១៨ ខែកញ្ញា ឆ្នាំ២០២២ កម្លាំងគណៈបញ្ជាការឯកភាពខណ្ឌដូនពេញ ដឹកនាំដោយលោក ជា ខេមា អភិបាល នៃគណ:អភិបាលខណ្ឌដូនពេញ និងកងកម្លាំង ទាំង៣ ចម្រុះ បានបន្តចុះត្រួតពិនិត្យទីតាំងល្បែងស៊ីសងគ្រប់ប្រភេទក្នុងមូលដ្ឋានខណ្ឌដូនពេញ ជាលទ្ធផលពិនិត្យជាក់ស្តែងឃើញថាមិនមានទីតាំងណាលបលួចបើកទៀតឡើយ និងបានធ្វើកំណត់ហេតុណែនាំបិទទីតាំងល្បែងស៊ីសងគ្រប់ប្រភេទនៅមុខផ្ទះអាជីវកម្មនោះ ដោយហាមដាច់ខាតមិនអោយមានការលបលួចបើកជាល្បែងស៊ីសងខុសច្បាប់ឡើយ។
