(ភ្នំពេញ) :ទីតាំងល្បែងហ្គេមបាញ់ត្រី និងបង្កប់ល្បែងផ្សេងៗទៀតនៅសង្ក្រាត់ផ្សារដេប៉ូទី៣ នៅលើផ្លូវលេខ ២២៥ ទល់មុខសណ្ឌាគារចុងសិញ
ប្រជាពលរដ្ឋបានកត់សម្គាល់ថាល្បែងហ្គេមបាញ់ត្រីនិង ល្បែងសុីសង នៅក្នុងសង្កាត់ផ្សារដេប៉ូទី៣ បានស្ងប់ស្ងាត់ក្រោយពេលសមត្ថកិច្ចបង្ក្រាប ប៉ុន្តែល្បែងហ្គេមបាញ់ត្រី និងសុីសង កំពុងកើតឡើងយ៉ាងពេញបន្ទុក។ លោក អធិការនគរបាលខណ្ខទួលគោក និងអភិបាលខណ្ខទួលគោក បានរក្សាភាពស្ងៀមស្ងាត់នៅពេលល្បែងហ្គេមបាញ់ត្រី កំពុងកើតឡើងស្ទើរគ្រប់ច្រកល្ហកក្នុងខណ្ខទួលគោករាជធានីភ្នំពេញ ធ្វើឲ្យប៉ះពាល់យ៉ាងខ្លាំងដល់សន្តិសុខសង្គម។
ប្រភពពីប្រជាពលរដ្ឋនៅសង្ក្រាត់ផ្សារដេប៉ូទីរាជធានីភ្នំពេញ បានឲ្យដឹងថាក្នុងមូលដ្ឋានពួកគាត់ល្បែងទូរហ្គេមបាញ់ត្រី និងល្បែងផ្សេងៗទៀតកាន់តែរាលដាល ហើយមន្រ្តីអាជ្ញាធរ និងសមត្ថកិច្ចមូលដ្ឋានមិនចាត់វិធានការទប់ស្កាត់នោះទេ។ ប្រជាពលរដ្ឋបានកត់សម្គាល់ថារយៈពេលប៉ុន្មានឆ្នាំចុងក្រោយនេះមានការផ្លាស់ប្ដូរតំណែងអភិបាលនៃគណ:អភិបាលខណ្ខរាជធានីភ្នំពេញជាបន្តបន្ទាប់ ប៉ុន្តែល្បែងស៊ីសងនៅតែកើតឡើងយ៉ាងរាលដាលដូចមុនដដែល។ប្រការនេះធ្វើឲ្យប្រជាពលរដ្ឋព្រួយបារម្ភយ៉ាងខ្លាំងពីបញ្ហាអសន្តិសុខសង្គម ព្រោះនៅពេលល្បែងស៊ីសងនៅតែកើតឡើងពេញទំហឹងគឺអំពើចោរកម្ម អំពើហិង្សាក្នុងគ្រួសារ និងបទល្មើសផ្សេងៗ ក៏កើតឡើងគួរឲ្យភ័យខ្លាចដែរ។
ប្រជាពលរដ្ឋបានអំពាវនាវឲ្យលោក ឃួង ស្រេង អភិបាលក្រុងភ្នំពេញ និងលោកឧត្តមសេនីយ៍ឯក ស ថេត ស្នងការនគរបាលរាជធានីភ្នំពេញ ចាត់វិធានការបង្ក្រាបល្បែងទូរហ្គេមបាញ់ត្រី ក្នុងសង្កាត់ផ្សារដេប៉ូទី៣ និងសង្កាត់ផ្សេងៗទៀតនៅក្រុងភ្នំពេញ ជាបន្ទាន់។ ដោយសារថាមួយរយៈចុងក្រោយនេះល្បែងហ្គេមបាញ់ត្រី កំពុងរាលដាលយ៉ាងពេញទំហឹង ហើយអធិការនគរបាលខណ្ខទួលគោក និងអភិបាលខណ្ខទួលគោក មិនចាត់វិធានការបង្ក្រាបឡើយ។ ប្រជាពលរដ្ឋសង្ស័យថាមន្រ្តីអាជ្ញាធរ និងសមត្ថកិច្ចមូលដ្ឋានទទួលបាលផលប្រយោជន៍ពីអ្នកបើកល្បែងស៊ីសង ទើបបណ្ដាលឲ្យល្បែងស៊ីសងរាលដាលយ៉ាងពេញបន្ទុក មិនខ្វល់ពីការរិះគន់អ្វីទាំងអស់៕សហការី