លោក ជា ខេមា អភិបាលខណ្ឌដូនពេញ បានដឹកនាំកម្លាំងក្រោមឱវាទចុះរៀបចំសណ្តាប់ធ្នាប់និងធ្វើអនាម័យក្នុងមូលដ្ឋានខណ្ឌ

(ភ្នំពេញ)៖ រសៀលថ្ងៃចន្ទ ២រោច ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១២ ខែកញ្ញា ឆ្នាំ២០២២ លោក ជា ខេមា អភិបាល នៃគណៈអភិបាលខណ្ឌដូនពេញ បានដឹកនាំកម្លាំងគណៈបញ្ជាការឯកភាពខណ្ឌ ចុះរៀបចំសណ្តាប់ធ្នាប់ របៀបរៀបរយសាធារណៈ និងអនាម័យ បរិស្ថាន នៅក្នុងមូលដ្ឋានសង្កាត់ស្រះចក ខណ្ឌដូនពេញ ដើម្បីធានាបាននូវសន្តិសុខ សុវត្ថិភាព ជូនដល់ថ្នាក់ដឹកនាំកំពូល ដែលអញ្ជើញចូលរួមគោរពវិញ្ញាណក្ខន្ធព្រះមហាក្សត្រិយានី អេលីហ្សាប៊ែត ទី២ នៅស្ថានទូតអង់គ្លេសប្រចាំប្រទេសកម្ពុជា។