ខេត្តបន្ទាយមានជ័យ ៖ នៅព្រឹកថ្ងៃទី១៧ ខែសីហា ឆ្នាំ២០១៧នេះ ក្រុមអ្នកសារព័ត៌មាននៅក្រុងប៉ោយប៉ែតរួមមាន៖លោក លី ម៉េង ហ៊ុយ ចាងហ្វាងគេហទំព័រទូរទស្សន៍អនឡាញ«ខ្មែរម្ចាស់ការ»ព្រមទាំងសហការី សហការជាមួយលោក អេង គីមអាន ចាងហ្វាងគេហទំព័រនិងការសែត«៨៩ជាយដែន»ព្រមទាំងសហការី, លោក ហួត សុខុម ចាងហ្វាងគេហទំព័រ«ព្រាប ស»ព្រមទាំងសហការី,លោក កាន់ ស្មារតី តំណាងអោយលោក ទន់ ហួន ចាងហ្វាងគេហទំព័រ«នាគមាស»,លោក សៅ នៅ ភ្នាក់ងារទូរទស្សន៍ TNM,លោក វ៉ៃ វណ្ណៈ តំណាងអោយសមាគមការពារអ្នកសារព័ត៌មានជាយដែននិងមានការចូលរូមពីលោក អ៊ាន សារឿន មេភូមិ និងអនុភូមិក្បាលស្ពាន១ សង្កាត់/ក្រុងប៉ោយប៉ែត ខេត្តបន្ទាយមានជ័យ ។ បាននាំយកអំណោយមួយចំនួនទៅជូនដល់គ្រួសារដែលមានកូនប្រុសស្រីចំនួន៥នាក់ដែរកំព្រាម្តាយ។
សូមជំរាបដែរថា៖ម្តាយក្មេងប្រុស ស្រីទាំង៥នាក់បានទទួលមរណៈភាព បើគិតមកដល់ថ្ងៃនេះចូល១០ថ្ងៃមកហើដោយរោគាពាធ ដោយបន្សល់ទុកនូវកូនប្រុសស្រីចំនួន៥នាក់កំពុងរស់នៅជាមួយឪពុក ដែលកំពុងប្រកបមុខរបររុញរទេះលក់ចេកអាំងតាមចិញ្ជើមផ្លូវដើម្បីចិញ្ចឹមជីវិតដោយរកមួយថ្ងៃសឹងនឹងហូបមិនគ្រប់ ។
សូមបញ្ជាក់ដែរថា ៖ អំណោយដែរក្រុមអ្នកសារព័ត៌មានយកទៅជូនដល់ក្រុមគ្រួសារក្មេងកំព្រាចំនួន៥នាក់នោះ រួមមាន៖អង្ករ១ការ៉ុងទម្ងន់៥០គីឡូគ្រាម,ថវិការចំនួន២០ម៉ឺនរៀល,លុយបាតចំនួន១៣០០បាត ជាថវិការរបស់ក្រុមការងារអង្កភាពសារព័ត៌មានផ្ទាល់តែម្តង។
បើតាមលោក សុខ ឃឿន អាយុ៣៧ឆ្នាំ មានមុខរបរលក់ចេកអាំងដែលជាឪពុកក្មេងទាំង៥នាក់បានឲ្យដឹងថា ៖កូនប្រុសស្រីទាំង៥នាក់នោះរួមមាន៖កូនទី១/ឈ្មោះ ថនស្រីនូ ភេទស្រីអាយុ១០ឆ្នាំ,កូនទី២/ឈ្មោះ ថន ស្រីនាង ភេទស្រីអាយុ៨ឆ្នាំ,កូនទី៣/ឈ្មោះ ថន ស្រីណុច ភេទស្រីអាយុ៦ឆ្នាំ,កូនទី៤/ឈ្មោះ ថន ផានិត ភេទប្រុសអាយុ៣ឆ្នាំនឹងកូនទី៥/ឈ្មោះ ថន ផាន់ណា ភេទប្រុសអាយុ១១ខែរស់នៅជាមួយឪពុក។លោក សុខ ឃឿន បានបន្តថា៖កូនប្រុស ស្រីទាំង ៥ នាក់ខាងលើនេះ មាន២នាក់បានចូលសាលារៀន តែបន្ទាប់ពីម្តាយបានស្លាប់ទៅក៏បានឈប់ទៅវិញ ដោយសារមិនមានថវិកា ។
លោកបានបន្តទៀតថា ៖ បន្ទាប់ពីប្រពន្ឋបានទទួលមរណៈភាពទៅ គឺគាត់បានទទួលអំរ៉ែកយ៉ាងធ្ងន់ធ្ងរ ដោយមើលថែកូនផងនិងដើររុញរទេះលក់ចេកអាំងតាមចិញ្ជើមផ្លូវផងដើម្បីរកថវិកាផ្គត់ផ្គង់ជីវភាពព្រមទាំងឲ្យថ្លៃផ្ទះជួលផងដែរ។
លោកបានបញ្ជាក់ទៀតថា ៖ បច្ចុប្បន្ននេះ លោកព្រមទាំងក្មេងប្រុសស្រី៥នាក់រស់នៅក្នុងផ្ទះជួលមួយកន្លែងដោយជួលក្នុងតំលៃមួយខែ១៣០០បាតដែលមានទីតាំងស្ថិតនៅក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ទន្ទឹមនឹងអ្នកសារព័ត៌មានបានយកអំណោយក៏ដូចជាធ្វើការផ្សព្វផ្សាយរកសប្បុរសជនផងនោះលោក សុខ ឃឿន ដែលជាឪពុកក្មេងប្រុសស្រីទាំង៥នាក់នោះបានអំពាវនាវដល់សប្បុរសជនមេត្តាជួយដល់ពួកគាត់បន្តទៅទៀត ខណៈដែលកំពុងតែមានការខ្វះខាតជាខ្លាំងនិងពិសេសកូនៗមិនបានចូលសាលារៀននឹងគេនោះទេ។ជុំវិញនូវការខ្វះខាតនិងដង្ហោយហៅសុំឲ្យសប្បុរសជនជួយនេះដែរ បើសិនជាសម្តេច ទ្រង់ ឯកឧត្តម លោកឧកញ្ញា លោកជំទាវ លោក លោកស្រី អ្នកនាងកញ្ញាមានចំណាប់អារម្មណ៍ចង់ជួយដល់ពួកគាត់សូមអញ្ជើញទំនាក់ទំនងទៅលោក សុខ ឃឿន ដែលជាឪពុកក្មេងប្រុសស្រីទាំង៥នាក់ដោយផ្ទាល់តាមរយះទូរសព្ទ័លេខ ០៩៦-៨៦ ៦៧ ៤០៨ សូមអគុណ!៕
