គណៈបញ្ជាការឯកភាពខណ្ឌចំការមន ដឹកនាំដោយលោក កៀង ល័ក្ស បានចុះអន្តរាគមន៍ពន្លត់អគ្គីភ័យ នៅខុនដូរ ជាន់ទី៤
(ភ្នំពេញ)៖ នៅរសៀលថ្ងៃអាទិត្យ ១រោច ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១១ ខែកញ្ញា ឆ្នាំ២០២២ គណៈបញ្ជាការឯកភាពរដ្ឋបាលខណ្ឌចំការមន ដឹកនាំដោយលោក កៀង ល័ក្ស អភិបាល នៃគណៈអភិបាលខណ្ឌចំការមន បានចុះអន្តរាគមន៍ពន្លត់អគ្គីភ័យ នៅខុនដូរ ០១កន្លែង ជាន់ទី៤ (បន្ទប់ដាក់សំភារៈ) នៅវេលាម៉ោង ១៥:៤០នាទីរសៀល ដែលស្ថិតនៅច្រកមហាវិថីព្រះនរោត្តម ភូមិ០៧ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយមូលហេតុ កំពុងស្រាវជ្រាវ ហើយពេលនេះអគ្គីភ័យខាងលើ បច្ចុប្បន្នក្រុមការងារបានគ្រប់គ្រងស្ថានភាពរលត់ បាន១០០%ហេីយ នៅវេលាម៉ោង ១៦:១៥នាទីរសៀល បានខូចខាតនូវសម្ភារៈខាងក្នុងបន្ទប់មួយចំនួន ហេីយចំពោះមនុស្ស វិញ ពុំមានរករបួស រឺស្លាប់នោះទេ។
ក្នុងប្រតិបត្តិការពន្លត់អគ្គីភ័យខាងលើនេះ មានរថយន្តបង្ការ និងពន្លត់អគ្គីភ័យ ចំនួន ០៥គ្រឿង៖
-ការិយាល័យបង្ការ និងពន្លត់អគ្គីភ័យ រាជធានីភ្នំពេញ ចំនួន ០៣គ្រឿង និងប្រេីប្រាស់ ០០គ្រឿង
-ទីក្រុងកោះពេជ្រ ចំនួន ០២ គ្រឿង និងប្រេីប្រាស់ ទឹកអស់ ០២គ្រឿង។
