ខេត្តបន្ទាយមានជ័យ ៖ ដោយសាជម្លោះរឿងម៉ូតូ ឈានដល់កាប់គ្នាលើទឹកដីថៃនៅខេត្តប៉ាធំថានបានធ្វើឲ្យពលករម្នាក់បានស្លាប់នៅនិងកន្លែងនិង២នាក់ផ្សេងទៀតរបួសធ្ងន់។
ជនរងគ្រោះឈ្មោះ ភិនផាតភេទប្រុសអាយុ២៥ឆ្នាំជាកម្មកររោងចក្រសាច់មាន់មានលំនៅភូមិឆ្កែខាំប្រិស ឃុំព្រែកជីក ស្រុកមោងឬស្សី ខេត្តបាត់ដំបង ។ ជនរងគ្រោះត្រូវបានឃាតករកាប់ដាច់ដៃស្តាំនិងរបួសក្បាលជាច្រើនកន្លែង បណ្តាលឲ្យស្លាប់ក្នុងថ្លុកឈាម ខណៈជនរងគ្រោះ២នាក់ទៀតដែរមានឈ្មោះ ភិនផេងភេទប្រុសអាយុ២១ឆ្នាំ(ជាប្អូនបង្កើតជនរងគ្រោះដែរស្លាប់ខាងលើ)និងឈ្មោះរុន ភេទប្រុសអាយុជាង២០ឆ្នាំជាបងប្អូនជីដូនមួយជនរងគ្រោះទាំង២ ។
បើតាមឈ្មោះ ផែ ភិន អាយុ៤៥ឆ្នាំជាឪពុកបង្កើតជនរងគ្រោះឈ្មោះ ភិន ផាត និងឈ្មោះ ភិន ផេន បានឲ្យថា៖ជម្លោះខាងលើនេះបានផ្តើមចេញពីរឿងម៉ូតូមួយគ្រឿងដែលថៅកែថៃឲ្យយកមកជិៈរួមគ្នា ។
លោកបន្តថា៖ខណៈពេលម៉ូតូខូចកូនរបស់គាត់ធ្វើពេលជនសង្ស័យយកទៅជិៈមិនធ្វើហើយពេលកូនគាត់ស្តីបន្ទោសក៏កើតជាហឹង្សាគឺត្រូវជនសង្ស័៤នាក់ជាពលកររួមអាជីពជាមួយគ្នាទាញកាំបិតព្រួតកាប់បណ្តាលឲ្យស្លាបនិងរបួសតែម្តង ។
បុរសជាឪពុកទៀតថា ៖ ក្រោយហេតុការណ៍កើតឡើង សមត្ថកិច្ចថៃក៏ចុះដល់កន្លែងកើតហេតុភ្លាមៗ ប្រហែលជាង៤០នាក់ព័ទ្ធចាប់ជនសង្ស័យចំនួន៤នាក់ជាមួយវត្ថុតាងកាំបិតយកទៅចាត់ការតាមផ្លូវច្បាប់។
លោកបានបញ្ជាក់ថា ៖ ជនរងគ្រោះដែលរងរបួសត្រូវបានសមត្ថកិច្ចថៃជួយបញ្ជូនទៅព្យាបាលនៅមន្ទីរពេទ្យក្នុងខេត្តកើតហេតុខាងលើ ។ លោកបានបញ្ជាក់ទៀតថា៖ហេតុការហឹង្សានេះបានកើតឡើងកាលពីម៉ោង៩និង៣០យប់ថ្ងៃទី១៣ខែសីហាឆ្នា២០១៧។
លោកបានបញ្ជាក់បន្ថែមទៀតថា៖ជនសង្ស័យទាំង៤នាក់ជាអ្នកស្រុកថ្មពួក ខេត្តបន្ទាយមានជ័យហើយពេលនេះសមត្ថកិច្ចថៃឃុំខ្លួនហើយ ។ ចំណែកសពដែលស្លាប់ក្នុងជម្លោះហឹង្សាខាងលើត្រូវបានភាគីថៃបញ្ជូនឲ្យសាច់ញាតិតាមច្រកទ្វារអន្តរជាតិប៉ោយប៉ែតនៅម៉ោងជាង៤រសៀលថ្ងៃទី១៤ខែសីហាឆ្នាំ២០១៧ដើម្បីយកទៅធ្វើបុណ្យតាមប្រពៃណីយ៍៕
