រដ្ឋបាលខេត្តស្វាយរៀងបានកោតសរសើរដល់វិទ្យាស្ថានពហុបច្ចេកទេសភូមិភាគតេជោសែនស្វាយរៀង និងក្រុមហ៊ុន ខាតថាយអឺរ ខេមបូឌៀ ដែលបានបំពេញឲ្យគ្នាទៅវិញទៅមក ក្នុងការលើកកម្ពស់ផលិតភាពការងារនិងការអប់រំបណ្ដុះបណ្ដាលឯកទេសនិងវិជ្ជាជីវៈ

ខេត្តស្វាយរៀង ÷ ឯកឧត្តម រស់ ផារិទ្ធិ អភិបាលរងខេត្តស្វាយរៀងតំណាងឯកឧត្តម ម៉ែន វិបុលអភិបាលនៃគណៈអភិបាលខេត្ត បានអញ្ជើញចូលរួមជាគណៈអធិបតី វិជ្ជាស្ថានពហុបច្ចេកទេសភូមិភាគតេជោសែនស្វាយរៀង និងក្រុមហ៊ុនថៃអឺរ ខេមបូឌៀ ដែលបានបំពេញឲ្យគ្នាទៅវិញទៅមកក្នុងការលើកកម្ពស់ផលិតភាពការងារនិងការអប់រំបណ្ដុះបណ្ដាលបច្ចេកទេស និងវិជ្ជាជីវៈ។ កិច្ចប្រជុំនេះធ្វើនៅព្រឹកថ្ងៃទី២៨ ខែសីហា ឆ្នាំ២០២២ នៅតំបន់សេដ្ឋកិច្ចពិសេសឈីលូ ស្ថិតនៅក្រុងស្វាយរៀងខេត្តស្វាយរៀង។ឆ្លៀតក្នុងឱកាសនោះឯកឧត្តម រស់ ផារិទ្ធ អភិបាលរងខេត្តស្វាយរៀងបានថ្លែងថា ក្នុងនាមរដ្ឋបាលខេត្តសូមថ្លែងនូវការកោតសរសើរចំពោះវិទ្យាស្ថានបច្ចេកទេសភូមិភាគតេជោសែនស្វាយរៀង ដែលកន្លងមកបានខិតខំធ្វើការអប់រំបណ្ដុះបណ្ដាលជំនាញបច្ចេកទេសវិជ្ជាជីវៈ ការអភិវឌ្ឍន៍សមត្ថភាព កម្លាំងជំនាញប្រកបដោយ គុណភាព និងប្រសិទ្ធភាព ឆ្លើយតបទៅនឹងតម្រូវការទីផ្សារការងារនៅក្នុងស្រុក និងក្រៅប្រទេស ដោយមានកិច្ចសហការល្អពីវិស័យឯកជនផងដែរ។ ឯកឧត្តម រស់ ផារិទ្ធ ក៏បានសូមថ្លែងអំណរគុណយ៉ាងជ្រាលជ្រៅផងដែរដល់ក្រុមហ៊ុនរោងចក្រសហគ្រាសទាំងអស់ដែលបានវិនិយោគនៅក្នុងខេត្តស្វាយរៀង បង្កើតបង្កើតការងារជូនប្រជាពលរដ្ឋបានប្រមាណជាង ១០មុឺន ៤ពាន់នាក់។ វិទ្យាស្ថានបានបណ្ដុះបណ្ដាលជំនាញបច្ចេកទេសចាប់ពីកម្រិតបញ្ញាបត្រ រហូតដល់កម្រិតវិស្វករ បរិញ្ញាបត្របច្ចេកវិទ្យា លើជំនាញជាច្រើនដូចជា អគ្គិសនី អាឡិចត្រូនិច មេកាត្រូនិក មេកានិចឧស្សាហកម្ម វិទ្យាសាស្រ្តកុំព្យូទ័រ មេកានិករថយន្ត បរិក្ខាត្រជាក់ គណនេយ្យ គ្រប់គ្រង អក្សរសាស្ត្រអង់គ្លេស និងមានជំនាញជាច្រើនទៀត ស្របតាមតម្រូវការទីផ្សារ។ ឯកឧត្តមបានបន្តទៀតថា ការអភិវឌ្ឍគ្រប់វិស័យនេះ គឺអរគុណសន្តិភាព ក្រោមម្លប់សុខសន្តិភាព តាមរយៈនយោបាយឈ្នះឈ្នះ ក្រោមការដឹកនាំប្រកបដោយគតិពិតរបស់ សម្ដេចតេជោនាយករដ្ឋមន្ត្រី បានធ្វើឱ្យខេត្តស្វាយរៀង មានការអភិវឌ្ឍន៍រីកចម្រើនគ្រប់វិស័យ បច្ចុប្បន្នមានប្រជាពលរដ្ឋសរុប ៦សែន ៥មុឺន ៣ ពាន់ ៧៦៦នាក់ ស្មើនិង ១សែន ៥មុឺន ៦ពាន់ ០៥១គ្រួសារ ចាប់ពីអាយុ១៨ឡើងសរុប ៤សែន ២មុឺន ៥ពាន់ ៦៣៤នាក់។ឯកឧត្តម រស់ ផារិទ្ធ ក៏បានបញ្ជាក់ថា តំបន់សេដ្ឋកិច្ចពិសេសមាន ១២កន្លែងកំពុងដំណើរការ កន្លែងបង្កើតរោងចក្រ សហគ្រាស គ្រឹះស្ថានឯកជន គ្រឹះស្ថានមីក្រូហិរញ្ញវត្ថុ សរុប ២៥៣ កន្លែងផងដែរ៕