ខេត្តឧត្តរមានជយ័ ៖ តាមសេចក្តីរាយការណ៍បានឲ្យដឹងថា៖ខណៈដែលទីផ្សារឈើប្រណិតនៅប្រទេសវៀតណាមកំពុងតែមានហាងឆេងនោះត្រូវបានក្រុមហ៊ុនអភិវឌ្ឍន៍ដំណាំកសិឧស្សារហកម្មឈ្មោះ ហួត ម៉េងរីតា របស់លោក ឧកញ្ញា ជយ័ ដែលមានទីតាំងស្ថិតនៅតាមបណ្ដោយផ្លូវជាតិ 67 B ក្នុងភូមិអូតាម៉េង ឃុំអន្លង់វែង ស្រុកអន្លង់វែង ខេត្តឧត្តមានជយ័។កំពុងតែកក្រើកឡើងសារជាថ្មីក្នុងការប្រមូលទិញឈើប្រណិតប្រភេទឈើធ្នង់យ៉ាងគគ្រឹកគគ្រេងមិនមានការរំខានពីអាជ្ញាធរនិងមន្ត្រីជំនាញឡើយ ។
បើតាមសមត្ថកិច្ចបានឲ្យដឹងថា៖លោក ឧកញ្ញា ជយ័ អគ្គនិយកក្រុម ហ៊ុន ហួត ម៉េងរីតា ក្រោយពីទទួលបានដីសម្ទានសេដ្ឋកិច្ចពីរដ្ឋាភិបាលនៅស្រុកអន្លង់វែងខេត្តឧត្តរមានជយ័ពេលណាមកគឺបានធ្វើអាជីវកម្មបទល្មើសឈើជ្រកក្រោមស្លាកក្រុមហ៊ុនរហូត ។ ដូចជាប្រមូលទិញឈើក្រញូងនៅតាមបន្ទាត់ព្រំដែនទាំងមូលដូចជា ៖ ស្រុកអន្លង់វែង ស្រុកត្រពាំងប្រាសាទនិងសង្កាត់កូនគ្រាល។ក្រោយពីក្រុមហ៊ុនមួយនេះមានភាពស្ងប់ស្ងាត់មួយរយះក្នុងការប្រមូលទិញឈើប្រណិតពេលនេះបានកក្រើកឡើងសារជាថ្មីទៀតហើយក្នុងការប្រមូលទិញឈើធ្នង់ដោយមានមេការឈ្មោះ ខ្យា ដែលជានាក់ប្រមូលទិញនិងបំផុសបំផលដល់ឈ្មួញតូចតាចនិងពលរដ្ឋក្នុងស្រុកអន្លង់វែងកាប់អាឈើប្រមូលយកទៅលក់អោយខាងក្រុមហ៊ុន។ការប្រមូលទិញឈើប្រណិតរបស់ក្រុមហ៊ុនហួតម៉េងរីតាធ្វើជាមុខជុំនួញត្រូវបានគេសង្សយ័ថាមានការឃុបឃិតនិងត្រូវរ៉ូវគ្នាជាមួយនិងមន្ត្រីជុំនាញសមត្ថកិច្ចនិងអាជ្ញាធរស្រុកអន្លង់វែងនិងខេត្តឧត្តរមានជយ័ទាំងមូលទើបបានប្រព្រឹត្តទៅយ៉ាងរលូនបែបនេះ ។
តំណាងក្រុមហ៊ុនឈ្មោះ ខ្យា បានអោយដឹងថា ៖ ក្រុមហ៊ុនបានធ្វើការប្រមូលទិញឈើធ្នង់ពីពលរដ្ឋដឹកតាមម៉ូតូនិងរទេះបន្ដិចបន្តួចតែប៉ុណ្ណោះ ។
ជុំវិញករណីខាងលើនេះដែរអង្គភាពយើងរងចាំការបំភ្លឺពីក្រុមហ៊ុនហួតម៉េងរីតារបស់លោកឧកញ្ញា ជ័យនិងលោក សូត ស៊ីសុឃាង ប្រធានមន្ទីកសិកម្ម ខេត្តឧត្តរមានជយ័ រាល់ម៉ោងធ្វើការ៕
