កែប ៖ ពពែជាពពួកសត្វមួយប្រភេទងាយស្រួលចិញ្ចឹម ថែមទាំងមានតម្លៃក្នុងទីផ្សាគ្រាន់បើ ជាងតម្លៃសត្វចិញ្ចឹមក្នុងស្រុកដ៏ទៃទៀត។នេះបើតាមការបកស្រាយពីសំណាក់អ្នកចិញ្ចឹមសត្វពពែម្នាក់ក្នុងខេត្តកែប។
លោក ពូតេង ដែលជាម្ចាស់សត្វពពែបានលើកឡើងយ៉ាងដូច្នេះថា ការចិញ្ចឹមសត្វស្រុកផ្សេងៗដូចជា ជ្រូក មាន់ ទាជាដើម គឺមិនដូចការចិញ្ចឹមសត្វពពែទេ ហើយការជ្រើសរើសយករបរខាងលើ បន្ទាប់ពីតម្លៃសត្វពពែកាន់តែមានសន្ទុះជាងមុន ម្យ៉ាងទៀតក្នុងពេលបច្ចុប្បន្នពេលមានរៀបចំពិធីជប់លៀង ឬពិធីផ្សេងៗគេច្រើនតែមកកម្ម៉ង់សត្វពពែពីគាត់ សម្រាប់យកសាច់ធ្វើម្ហូបអាហារ ហើយតម្លៃក្នុងទីផ្សារចាប់ពី៧ដុល្លាឡើងទៅ ក្នុង១គីឡូក្រាម(ថ្លឹងទាំងមូល)ហើយសត្វពពែមួយក្បាលមានទម្លន់មោនក្រោម៣០គីឡូក្រាមនោះទេ។លោកពូបានបញ្ជាក់ទៀតថា ការចិញ្ចឹមពពែមិនពិបាកមើលថែដូចគោ ក្របីឡើយ ដោយគ្រាន់តែជិះម៉ូតូដេញហ្វូងវាឲ្យស៊ីស្មៅតាមចិញ្ចើមផ្លូវ រួចដេញបញ្ចូលក្រោលជាការស្រេច ។
លោកពូលើកឡើងទៀតថា ទោះបីគាត់ចិញ្ចឹមពពែនៅក្នុងតំបន់ទេសចរណ៍ តែគាត់តាមមើលវារហូត គឺមិនបណ្តែតបណ្តោយឲ្យវាដើរពាសពេញផ្លូវរំខានដល់អ្នកដំណើរនោះទេ។
ទោះជាបែបនេះក្តី ការចិញ្ចឹមសត្វពពែនៅក្នុងតំបន់ខេត្តកែប ដែលជារមណីយដ្ឋានទេសចរណ៍ដ៏ប្រណិតនោះ ក៏មានមហាជនមួយចំនួនសម្តែងការរិះគន់ ពីផលប៉ះពាល់នានា ទាក់ទិននឹងហានិភ័យកើតឡើង ខណៈសត្វប្រភេទនេះដើរពាសវាលពាលកាលតាមដងផ្លូវសាធារណៈ ពិសេសរាំងស្ទះដល់ការធ្វើចរាចរណ៍ពីសំណាក់ក្រុមអ្នកទេសចរណ៍ ដែលតែងតែធ្វើដំណើរទៅមកមិនដាច់នោះ។ប៉ុន្តែបញ្ងានេះ ប្រសិនបើម្ចាស់សត្វមានការស្វែងយល់ពីកត្តាដូចខាងលើ គួរតែគ្រប់គ្រង ថែរក្សាវាក្នុងលក្ខណៈដ៏ប្រុងប្រយ័ត្នខ្ពស់បំផុត ដោយពុំអាចទុកឲ្យពពួកសត្វនេះ ដើររហេតរហូតពេញដងផ្លូវសាធារណៈឡើយ ៕
ណារិទ្ធ
