កិច្ចប្រជុំគណៈអភិបាលខណ្ឌដូនពេញ ប្រចាំខែសីហា ឆ្នាំ២០២២

(ភ្នំពេញ)៖ នៅថ្ងៃសុក្រ ១៤រោច ខែស្រាពណ៍ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី២៦ ខែសីហា ឆ្នាំ២០២២ វេលាម៉ោង ១០,០០នាទីព្រឹក នៅរដ្ឋបាលខណ្ឌដូនពេញ មានបេីកកិច្ចប្រជុំគណៈអភិបាលខណ្ឌដូនពេញ ប្រចាំខែសីហា ឆ្នាំ២០២២ ក្រោមអធិបតីភាព លោក ជា ខេមា អភិបាល នៃគណៈអភិបាលខណ្ឌដូនពេញ។

កិច្ចប្រជុំនេះមានការអញ្ជើញចូលរួមពី លោក- លោកស្រីអភិបាលរង, គណៈនាយករដ្ឋបាល, លោក ប្រធានការិយាល័យទាំង១១, លោក-លោកស្រីចៅសង្កាត់ទាំង១១, លោក-លោកស្រីប្រធានទីរួមផ្សារទាំង៣។
ក្នុងរបៀបវារៈ រួមមាន ៖
១- ការងាររៀបចំការពារសន្តិសុខ សណ្ដាប់ធ្នាប់ របៀបរៀបរយសាធារណៈ និងអនាម័យបរិស្ថាន ក្នុងមូលដ្ឋានខណ្ឌដូនពេញ។
២-ឆ្លងរបាយការណ៍ប្រចាំខែសីហា និងទិសដៅខែកញ្ញា ស្ដីពីការអនុវត្តការងាររបស់រដ្ឋបាលខណ្ឌដូនពេញ។
៣-ឆ្លងសេចក្តីព្រាងប្រាក់រង្វាន់លើកទឹកចិត្តដែលបានមកពីការផ្ដល់សេវារដ្ឋបាលសម្រាប់ឧបត្ថម្ភជូនមន្ត្រី បុគ្គលិកនៃរដ្ឋបាលខណ្ឌដូនពេញសម្រាប់ខែសីហា ឆ្នាំ២០២២។
៤-ឆ្លងសេចក្តីព្រាងការបែងចែកតួនាទីភារកិច្ចគណៈអភិបាលខណ្ឌដូនពេញ។
៥-ការងារផ្សេងៗ
ក/ការងារមន្រ្តី ។
ខ/ការងារយន្តការច្រកចេញ-ចូលតែមួយខណ្ឌដូនពេញ។