ខេត្តត្បូងឃ្មុំ ៖ រថយន្តឡិចស៊ីស RX300 មួយគ្រឿង ដែលប្រើស្លាកលេខ ក្លែងក្លាយ ត្រូវប៉ូលិសសេដ្ឋកិច្ច ខេត្តត្បូងឃ្មុំ ស្ទាក់ចាប់បាន កាលពីវេលាម៉ោង ៨និង១០ នាទី ថ្ងៃទី៤ ខែសីហា ឆ្នាំ២០១៧ នៅចំនុច ភូមិចំបក់ភ្លោះ ឃុំក្រែក ស្រុកពញាក្រែក ខេត្តត្បូងឃ្មុំ ហើយភ្លាមៗនោះ ម្ចាស់រថយន្ត បានគេចខ្លួនបាត់។
សមត្ថកិច្ច បានឲ្យដឹងថា រថយន្តដឺកឈើ ប្រភេទគ្រញូង ដែលឃាត់ចាប់បាន ម៉ាកឡិចស៊ីស RX300 ពណ៌ត្រាវ ពាក់ស្លាកលេខ ភ្នំពេញ 2P0752 ជាស្លាកលេខ ក្លែងក្លាយ ។
បច្ចុប្បន្នសមត្ថកិច្ច នគរបាល បានសហការ ជាមួយព្រះរាជអាជ្ញា និងជំនាញ រដ្ឋបាលព្រៃឈើខណ្ឌ ដើម្បីកសាង សំណុំរឿង ចាត់ការតាមនីតិវិធី ៕
