(ស្វាយរៀង)
លោក ប៊ុន សាវ៉ាន់ តំណាង ឯកឧត្តមម៉ែន វិបុល ប្រធានគណៈកម្មាធិការគណបក្សប្រជាជនកម្ពុជាខេត្តស្វាយរៀងនៅថ្ងៃទី១២ ខែសីហា ឆ្នាំ២០២២នេះ បានស្នើដល់មន្ត្រីក្រុមប្រឹក្សាឃុំ/សង្កាត់ និងផ្នែកពាក់ព័ន្ធត្រូវប្រតិបត្តិការងារឱ្យមានខ្សែសង្វាក់ច្បាស់លាស់ក្រឹត្យក្រមនៃច្បាប់ ដើម្បីផ្ដល់សេវាជូនពលរដ្ឋដោយតម្លាភាពនិងទទួលខុសត្រូវ ។
ការថ្លែងនិងមានប្រសាសន៍លើកឡើងរបស់មន្ត្រីគណបក្សរូបនេះ បានធ្វើឡើងក្នុងពេល ឯកឧត្តម អញ្ជើញបើកវគ្គបណ្ដុះបណ្ដាលពង្រឹងសមត្ថភាពក្រុមប្រឹក្សាសង្កាត់អាណត្តិទី៥ និងមន្ត្រីពាក់ព័ន្ធនៅទីស្នាក់ការគណបក្សប្រជាជនកម្ពុជាខេត្តស្វាយរៀង ដោយមានការអញ្ជើញចូលរួមពីឯកឧត្តម លោកជំទាវលោក លោកស្រីនៅក្នុងក្រុមប្រឹក្សាខេត្ត ថ្នាក់ដឹកនាំក្រុងនិងមន្ត្រីក្រុមប្រឹក្សាសង្កាត់ចំណុះឲ្យសាលាក្រុងស្វាយរៀងប្រមាណជិត១០០នាក់ផងដែរ។
ឯកឧត្តមបានបញ្ជាក់ថា ប្រទេសសជាតិ និងពលរដ្ឋមានសណ្ដាប់ធ្នាប់ល្អ អាស្រ័យលើការដឹកនាំរបស់ រាជរដ្ឋាភិបាល និងច្បាប់ ដើម្បីធានាឲ្យច្បាប់មានសុក្រឹត្យភាព លោក លោកស្រី ដែលជាមន្ត្រីក្រុមប្រឹក្សាសង្កាត់ ត្រូវប្រត្តិបត័ អនុវត្តការងារប្រចាំថ្ងៃ ដោយផ្អែកលើច្បាប់និងមានខ្សែសង្វាក់មុននិងសម្រេចកិច្ចការអ្វីមួយ នៅតាមមូលដ្ឋាន ពិសេសមុនពេលផ្តល់សេវាអ្វីមួយជូនពលរដ្ឋ និងសហគមន៏ ។
ដើម្បីឆ្ពោះទៅកាន់ការបោះឆ្នោតជាតិនៅឆ្នាំ២០២៣ ខាងមុខ ច្បាមយកប្រៀបខ្លាំងប្រៀបឈ្នះជូនគណបក្សប្រជាជនកម្ពុជា ក្នុងនាមគណៈកម្មាធិការគណៈបក្សប្រជាជនកម្ពុជាខេត្ត ស្វាយរៀង ឯកឧត្តមប៊ុន សាវ៉ាន់ បានស្នើដល់មន្ត្រីក្រុមប្រឹក្សាសង្កាត់ លោកមេភូមិ និងផ្នែកពាក់ព័ន្ធ ក្រោយពីទទួលបានខ្លឹមសារ គោលការណ៍របស់គណបក្សប្រជាជនកម្ពុជា ក្នុងវគ្គបណ្តុះបណ្តាលពេលនេះ ត្រូវសហការប្រត្តិបត័ការងារតាមឋានានុក្រម ដោយធ្វើការកែប្រែឥរិយាបទផ្សារភ្ជាប់ ប្រាស្រយ័ទំនាក់ទំនងល្អ និងធ្វើការឆ្លើយតបសេវា ជូនពលរដ្ឋនិងសហគមន៍ដោយតម្លាភាពសមភាព និងរួសរាយរាក់ទាក់ ។