ខេត្តបន្ទាយមានជ័យ ៖កម្លាំងនគរបាលប្រឆាំង បទល្មើសសេដ្ឋកិច្ចខេត្តបន្ទាយ មានជ័យមានវិធានការយ៉ាង ក្តៅគគុកចំពោះរថយន្តណា ដែលដឹកសំពីងសំពោងពេល យប់និងពេលថ្ងៃបង្កប់ទំនិញ គេចពន្ធខុសច្បាប់ ។
នៅខេត្តបន្ទាយមានជ័យ រាល់យប់និងថ្ងៃ នៅតាមផ្លូវ ជាតិលេខ ៥ គេឃើញមាន រថយន្តនីសាន់ និងរថយន្តច្នៃ បានដឹកទំនិញសំពីងសំពោង គ្មានសណ្តាប់ធ្នាប់យ៉ាងច្រើន ទំនិញដែលដឹកសំពីងសំពោង គឺឈ្មួញបានឃុបឃិតជាមួយ មន្ត្រីស្ថាប័នជំនាញដែលដាក់ ប៉ុស្តិ៍កុងត្រូលលើផ្លូវ ។ មាន រថយន្តទំនើបៗដែលដឹកទំនិញគេចពន្ធរាល់យប់ចេញពីក្រុង ប៉ោយប៉ែត ស្រុកម៉ាឡៃ និង ច្រកបឹងត្រកួនហើយអ្នកដែល រកស៊ីដឹកទំនិញខុសច្បាប់នេះ ភាគច្រើនជាសាច់ញាតិមន្ត្រី គយទើបហ៊ានដឹកទំនិញលោត ឆ័ត្របែបនេះ ។
ក្រុមឈ្មួញរកស៊ីដឹកទំនិញ សំពីងសំពោងពេលយប់បាន ប្រាប់ថាគាត់ដឹងថាដឹកទំនិញ សំពីងសំពោងបែបនេះ គឺវា ខុសនឹងច្បាប់ដែរ តែបើមិនឱ្យ ដឹកបែបនេះទេ វាមិនរួចថ្លៃ បង់ឱ្យសមត្ថកិច្ចដាក់ប៉ុស្តិ៍តាម ផ្លូវនោះទេ ។ គ្រាន់តែចេញពី ក្រុងប៉ោយប៉ែត ដល់ក្រុងសិរី សោភ័ណមានប៉ុស្តិ៍ច្រើនដែល ត្រូវបង់ក្នុងមួយជើងៗចំណាយ លុយអស់ច្រើនសម្រាប់បង់ឱ្យ សមិត្ត កិច្ចទាំងនេះ ។
លោក ចាប សុផារិទ្ធ នាយការិយាល័យនគរបាល ប្រឆាំងបទល្មើសសេដ្ឋកិច្ច ខេត្តបន្ទាយមានជ័យបានប្រាប់ ថា លោកនឹងមានវិធានការ ចំពោះរថយន្តដែលដឹកទំនិញ សំពីងសំពោងដែលលួចបង្កប់ ទំនិញគេចពន្ធដែលឈ្មួញលួច នាំចូលដឹកដោយខុសច្បាប់ រាល់យប់និងរថយន្តទំនើប ដែលដឹកទំនិញខុសច្បាប់ពេល ថ្ងៃ និងយប់ដែលហ៊ានរកស៊ី ដោយខុសច្បាប់លោកសុំ ច្បាប់លោកឧត្តមសេនីយ៍ត្រី អាត់ ខែម ស្នងការនគរបាល ខេត្តបន្ទាយមានជ័យចាត់ វិធានការតាមច្បាប់ ៕
