ខេត្តមណ្ឌលគីរី-រតនគិរី៖ ឈ្មោះ ហ៊ីវ ជនជាតិវៀតណាម ដឹកញ្ជូនព្រៃឈើប្រណិតយ៉ាងអនាធិបតេយ្យប្រភេទ ឈើប្រភេទធ្នង់សុក្រំនិងកកោះជាច្រើនកំណាត់ដែលដឹងថា ដឹកចេញពីស្រុកកោះញែកខេត្តមណ្ឌលគិរីយកទៅស្តុកទុកខាងក្រោយផ្ទះប្រជាពលរដ្ឋមានព្រំប្រទល់ជាប់គ្នា ស្ថិតនៅតំបន់វៃថ្មក្នុងភូមិអូរល្វាក់ឃុំជ័យឧត្តមស្រុកលំផាត់ ខេត្តរនគីរីនិងបន្តទៅស្រុកអូរយ៉ាដាវ គ្មានអ្នកបង្ក្រាប។
ប្រភពព័ត៌មានបានអោយដឹងថា ឈើទាំងអស់ខាងលើនោះ តែងតែដឹកតាមរយៈរថយន្តឡង់គ្រីសឺជាច្រើនគ្រឿង ចេញពីស្រុកកោះញែកចូលមកចំនុចវ៉ៃថ្មទម្លាក់ចុះ រួចលើកឡើងរថយន្តផ្សេងទៀត ដើម្បីដឹកជញ្ជូនបន្តឆ្លងកាត់ខេត្តទៅប្រទេសវៀតណាម ។
ប្រភពបន្តថាម្ចាស់ឈើនោះ ត្រូវស្គាល់ឈ្មោះ ហ៊ីវ ជាជនជាតិវៀតណាម បានប្រមូលទិញឈើប្រណីតគ្រប់ភេទ ហើយជួលជនខ្មែរជាអ្នកដឹកនឹងរត់ការទៅអោយសមត្ថកិច្ច ដើម្បីដឹកចេញយ៉ាងរលូន។
ប្រភពអោយដឹងទៀតថា ចំនុចខាងលើគឺចំនុចក្តៅនៃការដឹកជញ្ជូននិងស្តុកទុកឈើប្រណិតគ្រប់ប្រភេទ ប៉ុន្តែគេមិនឃើញមន្ត្រីជំនាញពាក់ព័ន្ធចេញទៅបង្ក្រាបទេទុកបណ្តោយអោយអ្នកដឹកឈើចេញព្រោងព្រាតយ៉ាងអនាធិបតេយ្យគេសង្ស័យថា សមត្ថកិច្ចប្រហែលអាចបានទទួលលាភសក្ការៈធំដុំ ជាប្រព័ន្ធ ទើបមិនបង្ក្រាប ។
ទាក់ទងនឹងការស្តុកឈើប្រណីត ដែលអត់ឃើញសមត្ថកិច្ចចេញបង្ក្រាបខាងលើនេះ អ្នកយកព័ត៌មានយើងពុំមានលេខទំនាក់ទំនងសុំការបំភ្លឺពីមន្ត្រីបរិស្ថាននៅជិតនោះបានឡើយ ៕
