ខេត្តឧត្តរមានជ័យ ៖ ឈ្មោះ ខ្វៀង ធីម៉ៃ ហៅ យាយ ម៉ាយឈ្មួញឈើគ្រញូងដុះស្លែប្រចាំស្រុកអន្លុងវែង គ្មានអ្នកបង្ក្រាប ដោយមានភ្នាក់ងារទូរទស្សន៍ម្នាក់ជាអ្នករត់ការបង់លុយដល់សមត្ថកិច្ចនិងអ្នកសារព័ត៌មានប្រចាំខេត្តបានដំណើរការដឹកជញ្ជូនយ៉ាងរលូន។
ប្រភពបានឲ្យដឹងថា រថយន្តឆ្លាមពណ៌ស្ករដឹកឈើគ្រញូង កាលពីព្រឹកថ្ងៃទី១៩ ខែធ្នូ ឆ្នាំ២០១៦ ចេញពីចំណុចអូរស្វាយជុំស្រុកអន្លង់វែង ដោយរលូនដែលអ្នកផងឲ្យដឹងថា ជារថយន្តដឹកឈើគ្រញូងរបស់យាយម៉ាយ គ្មានសមត្ថកិច្ចតាមដងផ្លូវណាហ៊ានកាក់សួរនាំឬឃាត់រថយន្តនេះឡើយ ។
គួរបញ្ជាក់ផងដែររថយន្តស៊ីទែនពាក់ស្លាកលេខភ្នំពេញ3c5610ដឹកឈើគ្រញូងប្រហែល១០តោនរបស់ឈ្មោះ ខ្វៀង ធីម៉ៃ ហៅ យាយ ម៉ាយបើកឆ្លងកាត់ខេត្តសៀមរាប ត្រូវបានសមត្ថកិច្ចចំរុះបង្ក្រាបបានកាលពីព្រឹកថ្ងៃទី២០ខែវិច្ឆិកាឆ្នាំ២០១៦ម្តងហើយ នៅចំណុចមុខសង្កាត់រដ្ឋបាលព្រៃឈើកន្ទួតខ្នារក្រៅឃុំឃុនរាមស្រុកបន្ទាយស្រីខេត្តសៀមរាប។
បច្ចុប្បន្ន ឈ្មួញឈើគ្រញូងជនជាតិវៀតណាមឈ្មោះ ខ្វៀង ធីម៉ៃ ហៅ យាយ ម៉ាយបានដើរប្រមូលទិញឈើដើម្បីដឹកជញ្ជូនទៅលក់ប្រទេសវៀតណាមដោយគ្មានសមត្ថកិច្ចណាក្នុងខេត្តឧត្តរមានជ័យហ៊ានបង្ក្រាបឡើយ៕
