ខេត្តបន្ទាយមានជ័យ ៖ រថយន្តធុនធំប្រភេទដឹកទំនិញដឹកទម្ងន់៥០ ទៅ៧០ តោន បើកតាមបណ្ដោយផ្លូវជាតិលេខ ៥ តែងឆ្លងកាត់ជញ្ជីងមួយកន្លែង ស្ថិតនៅភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ដែលបណ្តាលឲ្យផ្លូវខូចខាត មិនបានឃាត់ផាកពិន័យឬរើទំនិញទំលាក់ចុះទេគឺយកលុយហើយអោយទៅតែម្តង ។
ប្រភពពីម្ចាស់រថយន្តដឹកខ្សាច់ ២ នាក់ប្ដីប្រពន្ធបានប្រាប់ថា រថយន្តដឹកខ្សាច់គាត់ត្រូវគែឃាត់ទុករឿងបញ្ហាផាកពិន័យតាមការថ្លឹងលើសទម្ងន់ពីរថយន្តផ្ទុកចំនួន ៦ តោននោះ មិនថា អ្វីទេ ឲ្យតែធ្វើការអនុវត្តតាមច្បាប់ទាំងអស់គ្នា ។ តែអ្វីដែលមានការតវ៉ាមកលើប្រធានស្ថានីយ៏ថ្លឹងរថយន្តនេះ គឺមកពីម្ចាស់រថយន្តបានឃើញរថយន្ដដទៃទៀត មិនចូលថ្លឹងហើយបានចូលឲ្យលុយប្រធានស្ថានីយ៏នោះ បើកឲ្យរថយន្ដដទៃទៀតទៅបាន ។ ដូច្នេះទើបមានការទំនាក់ទំនងរកអ្នកសារព័ត៌មានឲ្យជួយដឹងឭពីបញ្ហានេះ ។ ថាចុះមានរថយន្តដទៃគេលើសទម្ងន់ដូចគ្នាហេតុដូចម្ដេចគេឲ្យលុយហើយបើកទៅបាននេះជាការឆ្ងល់។
យោងតាមសម្ដីម្ចាស់រថយន្ដដឹកខ្សាច់ធ្វើបទសម្ភាសន៏យ៉ាងខ្លីមាន ដូច្នេះថា រូបលោកទាំង២ នាក់ ប្ដីប្រពន្ធបានសំរាកនៅទីនោះចំនួន ២ យប់បានឃើញផ្ទាល់នឹងភ្នែកដោយនិយាយថា កន្លែងស្ថានីយ៏ថ្លឹងរថយន្ដកូនដំរីមានការលំអៀងមកលើម្ចាស់រថយន្ដដឹកទំនិញធ្ងន់ៗ ដូចគ្នាមានរថយន្ដផ្ទុកទំងន់លើសតោនដល់ ៦ តោន ៧ តោន ក៏មានបានឲ្យលុយ ហើយបានទៅមានរថយន្ដដឹកទំនិញខ្លះទៀតមិនចូលជញ្ជីងទេ ម្ចាស់រថយន្ដចុះមកបង់លុយហើយបើកទៅ ។ ដូច្នេះម្ចាស់រថយន្ដដឹកខ្សាច់ មានរូបភាពនេះ សំណូមពរដល់អង្គភាពស្ថានីយ៏ថ្លឹងរថយន្ដទាំងអស់ មេត្តាកុំលំអៀង បើលើសទំងន់បង់លុយទាំងអស់គ្នា បើឃាត់រថយន្ដសូមឃាត់ទាំងអស់គ្នានេះជាការសំណូមពរដល់ម្ចាស់រថយន្ដដឹកខ្សាច់ ។
លោក ព្រំ វីរៈ ប្រធានស្ថានីយ៏ថ្លឹងរថយន្ដ បានដើរចេញមកពីកន្លែងធ្វើមុខជូរ បានជួបនិងអ្នកសារព័ត៌មានបាននិយាយថា ធ្វើការតាមច្បាប់របស់រដ្ឋបាល រថយន្ដណាដឹកលើសទំងន់ និងរថយន្ដទាំងឡាយណាកែខុសទ្រង់ទ្រាយដើម ចូលជញ្ជីងឃើញថា លើសជាបទល្មើសក្នុងការដឹកជញ្ជូនតាមផ្លូវគោក ដូច្នេះជននោះត្រូវបង់ផាកពិន័យតាមច្បាប់រដ្ឋបាល ដោយគ្មានប្រកែកបាន ។
តាមពិតទៅ មិនមែនលើស៦តោន ឲ្យជននោះបង់២លាន៥០សែនរៀលទេ គឺ១៥លានរៀលឯណោះ ការនិយាយនេះទំនងរាងខឹងផង !! ឈឺចិត្តផង !! ពីព្រោះកន្លែងនេះធ្លាប់ធ្វើអញ្ចឹងយូរហើយ !!! ឥឡូវមានរឿងកើតឡើង ។
ការផ្ដល់បទសម្ភាសន៏រវាងលោក ព្រំ វីរៈ និងអ្នកសារព័ត៌មានតាមរយៈទូរស័ព្ទដៃនាពេលថ្មីៗនេះ លោកឆ្លើយថា រឿងហ្នឹងបានបង់ផាកពិន័យចប់សព្វគ្រប់អស់ហើយ ។ អ្នកសារព័ត៌មានសុំចុះផ្សាយលោកឆ្លើយថាចុះទៅ ហើយបិទទូរស័ព្ទ ។
ប្រភពអ្នកបច្ចេកទេសថ្លឹងជញ្ជីងរថយន្តបានបញ្ជាក់ថា បើចង់ស៊ីក្រៅផ្លូវការ ទោះជាដាក់កាំម៉ារ៉ានៅស្ថានីយ៍ក៏គេផាកពិន័យស៊ីក្រៅបានដែរ ពេលឃើញរថយន្តពីចម្ងាយបិទកាំម៉ារ៉ា ឬក៏បិទភ្លើងដោយរាយការណ៍ថា ភ្លើងរអាក់រអួល ឬខុសបច្ចេកទេសជាដើម ៕
