ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
កម្លាំងក្រុមអន្តរាគមន៍ បង្ការ បង្ក្រប សហការជាមួយកម្លាំងអធិការដ្ឋាន នគរបាលក្រុងបាត់ដំបង ចុះប្រតិបត្តិការ បង្ក្រាប ករណី លួចដោយប្រើហិង្សា និងបង្ខាំងជនរងគ្រោះ នៅក្នុងផ្ទះសំណាក់... ==> អាវុធហត្ថរាជធានីភ្នំពេញ បញ្ចប់បេសកកម្មចូលរួមការពារសន្តិសុខ សុវត្ថិភាព រក្សាសណ្តាប់ធ្នាប់ជូន ថ្នាក់ដឹកនាំជាតិ-អន្តរជាតិ អញ្ជើញចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ ដោយជោគជ័យ! ==> ឯកឧត្តមអភិសន្តិបណ្ឌិត ស សុខា បង្ហើបពីការរកឃើញមន្រ្តីនគរបាល ២ ៣៣២នាក់ ខុសឈ្មោះ អក្ខរាវិរុទ្ធ និងភេទ ==> អាវុធហត្ថរាជធានីភ្នំពេញ ចុះអន្តរាគមន៍ឃាត់ខ្លួនបុរសបែកថ្នាំម្នាក់កាន់កាំបិតប៉័ងតោគំរាមកំហែងបង្កការភ័យខ្លាចដល់ប្រជាពលរដ្ឋ! ==> ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានគូសបញ្ជាក់ថា គិតចាប់តាំងពីថ្ងៃបើកសម្ពោធជាផ្លូវការនូវរូបសំណាក «បង្កងបាញ់ទឹក» នៅសួនច្បារមាត់បឹងតាកែវ ក្រុងដូនកែវកាលពីថ្ងៃទី៣០ ខែតុលា រហូតមកដល់ថ្ងៃទី១៥ ខែវិច្ឆិកា ឆ្នាំ២០២៦ កន្លងទៅនេះ ខេត្តតាកែវ បានទទួលស្វាគមន៍ភ្ញៀវទេសចរជាតិ និងអន្តរជាតិ សរុបប្រមាណជិត ៣លាននាក់ ដែលបានអញ្ជើញមកកម្សាន្ត និងទស្សនាសមិទ្ធផលទេសចរណ៍ ដ៏ទាក់ទាញថ្មីនេះ។ ==> ក្រសួងរៀបចំដែនដី និងរដ្ឋបាលខេត្តស្វាយរៀង រៀបចំសិក្ខាសាលាបំពាក់បំប៉នសមត្ថភាព ស្តីពី «ការងាររៀបចំដែនដី និងនគរូបនីយកម្ម» ដើម្បីជំរុញការអភិវឌ្ឍន៍ ==> ព្រះរាជសុន្ទរកថាទាំងស្រុងរបស់ ព្រះមហាក្សត្រកម្ពុជា ឱកាសយាងបើកកិច្ចប្រជុំកំពូលហ្វ្រង់កូហ្វូនីលើកទី២០ ដែលជាកិច្ចប្រជុំលើកដំបូងនៅកម្ពុជា ==> ប្រធានាធិបតីបារាំង និងភរិយា អញ្ជើញដល់ប្រទេសកម្ពុជា បើកទំព័រថ្មី នៃចំណងមេត្រី​ភាព​កម្ពុជា-បារាំង ==> សូមស្វាគមន៍ ឯកឧត្តម To Lam ប្រធានរដ្ឋវៀតណាម មកកាន់ព្រះរាជាណាចក្រកម្ពុជា ក្នុងឱកាសចូលរួមកិច្ចប្រជុំកំពូលហ្វ្រង់កូហ្វូនី លើកទី២០ ==> អង្គការយូណេស្កូបន្តគាំទ្រ និងផ្ដល់ជំនួយដល់​កម្ពុជា លើការអភិរក្សបេតិកភណ្ឌវប្បធម៌

​កម្លាំង​នគរបាល​រាជធានី​ភ្នំពេញ​គ្រោង​បញ្ជូន​ថៅកែ​ក្លឹប​និង​បុគ្គលិក​ជនជាតិ​ចិន​ទៅ​តុលាការ​

​កម្លាំង​នគរបាល​រាជធានី​ភ្នំពេញ​គ្រោង​បញ្ជូន​ថៅកែ​ក្លឹប​និង​បុគ្គលិក​ជនជាតិ​ចិន​ទៅ​តុលាការ​

​ដោយ ៖ គេហទំព័រ «កម្ពុជាអភិវឌ្ឍន៍ | Aphiwat Kampuchea» |

http://kehaktompor-aphivatkampuchea.com.kh

Tel: 077 79 79 52 / 088 77 97 952 | WhatsApp: 012 58 04 55

(​ភ្នំពេញ​)៖ ថៅកែ​ក្លឹប​ម្នាក់ និង​បុគ្គលិក​ជា​ជនជាតិ​ចិន​ចំនួន ១០​នាក់ (​ស្រី​០២​នាក់​) ត្រូវបាន​សមត្ថកិច្ច​រៀប​ចំ​សំណុំរឿង​បញ្ជូន​ទៅ​តុលាការ នៅ​ព្រឹកស្អែក ត្រូវ​នឹង​ថ្ងៃទី​២២ ខែ​ឧសភា ឆ្នាំ​២០២១ និង ភ្ញៀវ​ចំនួន​៣៤​នាក់​ទៀត (​ស្រី​១៨​នាក់ ) ត្រូវបាន​ពិន័យ​ក្នុង​ម្នាក់​ចំនួន ៥​លាន​រៀល ក្នុង​ប្រតិបត្តិការ​បង្ក្រាប​ក្លឹប​កំសាន្ត​មួយ​កន្លែង​ក្នុង​ខណ្ឌ​បឹង​កេងកង កាលពី​យប់​ថ្ងៃ​ទី​១៨ ខែ​ឧសភា ឆ្នាំ​២០២១​។​
​
គេ​នៅ​ចាំបាន​ថា​កិច្ចប្រតិបត្តិការណ៍ប​ង្ក្រា​ប​ក្លឹប​កំសាន្ត​មួយ​កន្លែង​តាម​បណ្តោយ​មហាវិថី​ព្រះមុនីវង្ស សង្កាត់​បឹង​កេងកង​២ ខណ្ឌ​បឹង​កេងកង កាលពី​រំលងអធ្រាត្រ​យប់​ថ្ងៃ​ទី​១៨ ខែ​ឧសភា ឆ្នាំ​២០២១ ក្រោម​ការដឹកនាំ​បញ្ជា​ដោយ​ផ្ទាល់​របស់​ឯកឧត្តម ឧត្តមសេនីយ៍ឯក ស ថេត អគ្គស្នងការ​រង និង​ជា​ស្នងការ​នគរបាល​រាជធានី​ភ្នំពេញ បាន​ធ្វេី​ការឃាត់ខ្លួន​មនុស្ស​សរុប​ចំនួន ៤៥​នាក់ ( បញ្ជូន​អ្នកពាក់ព័ន្ធ​ចំនួន ១១​នាក់ ទៅ​តុលាការ និង​ពិន័យ​ជា​ប្រាក់​ក្នុង​ម្នាក់​ចំនួន​៥​លាន​រៀល ចំនួន​៣៤​នាក់ ចំពោះ​អ្នក​ចូល​កំសាន្ត​ដែល​ល្មើស​ទៅ​នឹង​បម្រាម​របស់​រដ្ឋបាល​រាជធានី​ភ្នំពេញ ស្តី​ពី​ការបង្ការ និង​ទប់ស្កាត់​ការឆ្លង​រាលដាល​វីរុស​កូវី​ដ​១៩ ។​
​
ក្រោម​ការដឹកនាំ​បញ្ជា​ដោយ​ផ្ទាល់​របស់ ឯកឧត្តម ឧត្តមសេនីយ៍ឯក ស ថេត អគ្គស្នងការ​រង និង​ជា​ស្នងការ​នគរបាល​រាជធានី​ភ្នំពេញ និង​មាន​ការឯកភាព​ពី​លោក ប្លង់ សុផល ព្រះរាជអាជ្ញារ​រង​អម​សាលាដំបូង​រាជធានី​ភ្នំពេញ កាលពី​យប់​រំលង​អធ្រាត​ថ្ងៃ​ទី​១៨ ឈានចូល​ថ្ងៃ​ទី​១៩ សមត្ថកិច្ច​ចម្រុះ​នៃ​ស្នងការដ្ឋាន​នគរបាល​រាជធានី​ភ្នំពេញ បាន​ធ្វើ​ការចុះ​បង្ក្រាប​ទីតាំង​ក្លឹប​មួយ​នៅ​តាម​បណ្តោយ​ផ្លូវ​ព្រះមុន្នីវង្ស សង្កាត់​បឹង​កេងកង​២ ខណ្ឌ​បឹង​កេងកង ដោយ​បាន​ធ្វើ​ការឃាត់ខ្លួន​មនុស្ស​សរុប​ចំនួន ៤៥​នាក់ ដោយ​មាន​ជនជាតិ​ចិន​ចំនួន ២៦​នាក់ (​ស្រី ៧​នាក់ ) ជនជាតិ​វៀតណាម​ចំនួន ៧​នាក់​ស្រី ជនជាតិ​កូរ៉េ​ចំនួន​០១​នាក់​ប្រុស ជនជាតិ​ម៉ាឡេស៊ី​ចំនួន​០១​នាក់​ប្រុស និង​ជនជាតិខ្មែរ​ចំនួន ១០​នាក់ ( ស្រី ៥​នាក់ ) ព្រមទាំង​បាន​ដកហូត​វត្ថុតាង​មួយចំនួន និង​សារធាតុ​ញៀន​សរុប​ចំនួន ៣៧៩.៣២ ក្រាម និង ៨០ មី​លី​លីត្រ​។​
​
បន្ទាប់​ពី​ដំណើរការ​ធ្វើ​តេស្តរ​កមេ​រោគកូ​វីដ​-១៩ ដោយ​ក្រុម​គ្រូពេទ្យ ជា​លទ្ធផល​គឺ​អវិជ្ជមាន​ទាំងអស់ ជំ​ហ៊ាន​បន្ទាប់​សមត្ថកិច្ច​ជំនាញ​នៃ​ការិយាល័យ​ប្រឆាំង​គ្រឿងញៀន បាន​ធ្វើតេស្ត​រក​សារធាតុ​ញៀន​រួចមក ជា​លទ្ធផល​បាន​រកឃើញ​អ្នក​ដែល​មាន​វិជ្ជមាន​សារធាតុ​ញៀន​ចំនួន ៦​នាក់ និង​អ្នកពាក់ព័ន្ធ ចំនួន​៥​នាក់​ទៀត​ពាក់ព័ន្ធ​នឹង​ការប្រេីប្រាស់ ចែកចាយ សារធាតុ​ញៀន ហេ​ី​យ​សមត្ថកិច្ច​កំពុងតែ​រៀបចំ​សំណុំរឿង​បញ្ជូន​ជន​ទាំង​១១​នាក់​នេះ​ទៅ​តុលាការ​ដើម្បី​អនុវត្ត​បន្ត​តាម​នីតិវិធី​ច្បាប់​។​
​
ចំណែកឯ​ភ្ញៀវ​ចំនួន ៣៤​នាក់ ( ស្រី​១៨​នាក់​) រួម​មាន​ជនជាតិ​ចិន ១៥​នាក់ ជនជាតិ​វៀតណាម ០៧​នាក់ ជនជាតិខ្មែរ ១០​នាក់ ជនជាតិ​កូរ៉េ ១​នាក់ និង​ជនជាតិ​ម៉ាឡេសុី​ម្នាក់ ដែល​បាន​ទៅលេង​នៅ​ក្លឹប​កំសាន្ត​នោះ ដែល​ល្មើស​ទៅនឹង​វិធានការ​សុខាភិបាល គឺ​ត្រូវ​បាន​ធ្វើ​ការពិន័យ​ជា​ទឹកប្រាក់​ចំនួន ៥​លាន​រៀល​ក្នុង​ម្នាក់ និង​បាន​ធ្វើ​កិច្ចសន្យា​ណែនាំ​អប់រំ​ឲ្យ​ត្រឡប់​ទៅ​គេហដ្ឋាន​វិញ ៕

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.