នៅពេលនឹកទោដល់ ៣ឆ្នាំ ៨ខែ ២០ថ្ងៃ ក្នុងរបបប៉ុល ពត គឺដូចជា ឃើញនៅក្នុងទារុណកម្មយ៉ាងសាហាវ ក្នុងមន្ទីរស ២១ ឬហៅថា គុកទួលស្លែង ហើយត្រូវបានកវីនិពន្ធជាអតីតអ្នកកាសែតមួយរូប បាននិពន្ធអំពីសោក នាដកម្មដ៏ជូរចត់ក្នុងគុកទួលស្លែង ។
បណ្តាំទួលស្លែង បានដង្ហោយទៅតាមសំនៀងដ៏រណ្តំចិត្ត ឱ្យញាប់ញ័រ នឹងមិនអាចបំភ្លេចបាននោះឡើយ ។ ទំនូញត្អូញត្អែរស្ទើរទប់ទឹកភ្នែកមិនបាន គឺជាសូរសំនៀងបំពេរៀបរាប់ផ្តែផ្តាំឱ្យចងចាំជានិច្ចនូវទារុណកម្ម ក្នុងគុកទួល ស្លែង ។
លោក អ៊ិន សុផារ៉ា ដែលមានវ័យជ្រេបន្តិចទៅហើយ បានប្រាប់ថា ក្នុងឆ្នាំ២០១៥ នេះមានមហាជនគាំទ្រ ច្រើនដោយឱ្យលោកឡើងច្រៀងបទបណ្តាំទួលស្លែង នៅស្ទើរតែគ្រប់ស្ថានីយ៍ទូរទស្សន៍មុនថ្ងៃរំលឹកខួបអនុស្សាវរីយ៍ ថ្ងៃជ័យជំនះ ៧មករា ឆ្នាំ ១៩៧៩-២០១៥ ។
លោក អ៊ិន សុផារ៉ា បន្តថា បទបណ្តាំទួលស្លែង ដែលរូបលោកនិពន្ធ និងច្រៀងដោយខ្លួនផ្ទាល់អស់រយៈពេល ជាង ៣០ឆ្នាំមកហើយ លើកញ្ចក់ទូរទស្សន៍ ហើយក្នុងឆ្នាំ២០១៥ ឃើញថា ប្លែកដោយមានអ្នកគាំទ្រច្រើន ក្នុងគ្រា ដែលរូបគាត់កាន់តែមានវ័យជ្រេទៅហើយនោះ ។
ក្នុងឱកាសអបអរសាទរខួបអនុស្សាវរីយ៍លើកទី ៣៦ ទិវាជ័យជំនះ ៧មករា ២០១៥ លោក ហ៊ុន សុខា ប្រធានក្លឹបអ្នកកាសែតឯករាជ្យ បានឧបត្ថម្ភដល់លោក អ៊ិន សុផារ៉ា ចំនួន ៦០ម៉ឺនរៀល ក្នុងនាមរូបលោកជាអ្នក កាសែតចាស់ទុំ ព្រមជាមួយនេះក៏បានឧបត្ថម្ភប្រាក់ចំនួន ១០០ដុល្លារទៀត ដែលរូបលោក អ៊ិន សុផារ៉ា ឡើងច្រៀង បទបណ្តាំទួលស្លែង រំលឹកពីសោកនាដកម្មប្រល័យពូជសាសន៍ប៉ុល ពត ។
គួរបញ្ជាក់ថា លោក អ៊ិន សុផារ៉ា ពុំត្រឹមតែជាម្ចាស់បទបណ្តាំទួលស្លែងនោះទេ ក៏ជាអ្នកនិពន្ធបទ សាវតាក្មេងវត្ត ដែលទទួលបានការគាំទ្រពីសម្តេចតេជោ ហ៊ុន សែន នាសតវត្សរ៍ទី ៩០ផងដែរ ៕
