ប្រជានេសាទបានសំដែងការគាំទ្រ និងពេញចិត្តចំពោះការចុះធ្វើការបង្ក្រាប បទល្មើសនេសាទដែលដឹកនាំដោយលោកប៉ែនវណ្ណរិទ្ធនាយខ័ណ្ឌរដ្ឋបាលជលផលខេត្តកំពង់ធំក្នុងរដូវបិទនេសាទនៅចំណុចឃុំផាត់សណ្តាយ ស្រុកកំពង់ស្វាយ ខេត្តកំពង់ធំ ។
ដោយពួកគាត់និយាយថា ជាការរក្សាពូជត្រីធម្មជាតិឲ្យបានសម្បូរណ៍ឡើងវិញ និងទុកសម្រាប់កូនចៅស្រករក្រោយ ហើយម្យ៉ាងវិញទៀត ថ្វីត្បិតតែពួកគាត់ជាអ្នកនេសាទប៉ុន្តែអ្នកនេសាទល្មើសច្បាប់ទាំងនោះមិនមែនជាអ្នកនេសាទជាទូទៅនោះទេគឺជាមនុស្សមួយក្រុមតូចតែប៉ុណ្ណោះ ដែលគេមានលុយសម្រាប់ទំនាក់ទំនង ។
គាត់បានសុំឲ្យមានការចុះបង្ក្រាបនេះជាបន្តបន្ទាប់ដើម្បីងនុវត្តន៍ស្តីពីច្បាប់ជលផលឲ្យមានប្រសិទ្ធភាពខ្ពស់ ។
លោក ប៉ែន វណ្ណរិទ្ធ បានប្រាប់សារពត័មានឲ្យដឹងថា ការចុះបង្រាបនេះ ដោយមានការសហការជាមួយ លោកនាយផ្នែករដ្ឋបាលជលផលផាត់សណ្តាយនិងកងកម្លាំងប្រដាប់អាវុធបានធ្វើការចុះបង្ក្រាបរយះពេល2ថ្ងៃគិតចាប់ពីថ្ងៃទី1ទី2 ខែសីហានៅចំណុចចុងព្រែកឆ្កោក ព្រែករុំបែងចែសនិងព្រែកពោធិ៍ជ្រៃ នៅក្នុងភូមិសាស្ត្រឃុំផាត់សណ្តាយ គឺបានបង្ក្រាបបទល្មើសនេសាទក្នុងនោះមានរបាំងសាច់អួន ចំនួន8របាំង សរុបប្រវែង2600ម៉ែត្រ លូចំនួន27មាត់ បង្គោលចំនួន2200ដើមចាក់លែងកូនត្រីស្រស់130គីឡូក្រាមនិងកសាងសុំណុំរឿង3ករណី ។
គួរបញ្ជាក់ផងដែលថា នៅរដូវបិទនេសាទឆ្នាំនេះប្រជាពលរដ្ឋសង្កេតឃើញថា សមត្ថកិច្ចរដ្ឋបាលជលផល កំពង់ធំបានមន្ថែមល្បឿននិងមានសន្ទុះខ្លាំង ក្នុងការបង្ក្រាបបទល្មើសនេសាទ ក្នុងដែនសមត្ថកិច្ចរបស់ខ្លួន ជាពិសេសបេសសកម្មដែលដឹកនាំដោយលោក ប៉ែន វណ្ណរិទ្ធ នាយខ័ណ្ឌរដ្ឋបាលជលផលកំពង់ធំ។
