ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
កម្លាំងក្រុមអន្តរាគមន៍ បង្ការ បង្ក្រប សហការជាមួយកម្លាំងអធិការដ្ឋាន នគរបាលក្រុងបាត់ដំបង ចុះប្រតិបត្តិការ បង្ក្រាប ករណី លួចដោយប្រើហិង្សា និងបង្ខាំងជនរងគ្រោះ នៅក្នុងផ្ទះសំណាក់... ==> អាវុធហត្ថរាជធានីភ្នំពេញ បញ្ចប់បេសកកម្មចូលរួមការពារសន្តិសុខ សុវត្ថិភាព រក្សាសណ្តាប់ធ្នាប់ជូន ថ្នាក់ដឹកនាំជាតិ-អន្តរជាតិ អញ្ជើញចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ ដោយជោគជ័យ! ==> ឯកឧត្តមអភិសន្តិបណ្ឌិត ស សុខា បង្ហើបពីការរកឃើញមន្រ្តីនគរបាល ២ ៣៣២នាក់ ខុសឈ្មោះ អក្ខរាវិរុទ្ធ និងភេទ ==> អាវុធហត្ថរាជធានីភ្នំពេញ ចុះអន្តរាគមន៍ឃាត់ខ្លួនបុរសបែកថ្នាំម្នាក់កាន់កាំបិតប៉័ងតោគំរាមកំហែងបង្កការភ័យខ្លាចដល់ប្រជាពលរដ្ឋ! ==> ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានគូសបញ្ជាក់ថា គិតចាប់តាំងពីថ្ងៃបើកសម្ពោធជាផ្លូវការនូវរូបសំណាក «បង្កងបាញ់ទឹក» នៅសួនច្បារមាត់បឹងតាកែវ ក្រុងដូនកែវកាលពីថ្ងៃទី៣០ ខែតុលា រហូតមកដល់ថ្ងៃទី១៥ ខែវិច្ឆិកា ឆ្នាំ២០២៦ កន្លងទៅនេះ ខេត្តតាកែវ បានទទួលស្វាគមន៍ភ្ញៀវទេសចរជាតិ និងអន្តរជាតិ សរុបប្រមាណជិត ៣លាននាក់ ដែលបានអញ្ជើញមកកម្សាន្ត និងទស្សនាសមិទ្ធផលទេសចរណ៍ ដ៏ទាក់ទាញថ្មីនេះ។ ==> ក្រសួងរៀបចំដែនដី និងរដ្ឋបាលខេត្តស្វាយរៀង រៀបចំសិក្ខាសាលាបំពាក់បំប៉នសមត្ថភាព ស្តីពី «ការងាររៀបចំដែនដី និងនគរូបនីយកម្ម» ដើម្បីជំរុញការអភិវឌ្ឍន៍ ==> ព្រះរាជសុន្ទរកថាទាំងស្រុងរបស់ ព្រះមហាក្សត្រកម្ពុជា ឱកាសយាងបើកកិច្ចប្រជុំកំពូលហ្វ្រង់កូហ្វូនីលើកទី២០ ដែលជាកិច្ចប្រជុំលើកដំបូងនៅកម្ពុជា ==> ប្រធានាធិបតីបារាំង និងភរិយា អញ្ជើញដល់ប្រទេសកម្ពុជា បើកទំព័រថ្មី នៃចំណងមេត្រី​ភាព​កម្ពុជា-បារាំង ==> សូមស្វាគមន៍ ឯកឧត្តម To Lam ប្រធានរដ្ឋវៀតណាម មកកាន់ព្រះរាជាណាចក្រកម្ពុជា ក្នុងឱកាសចូលរួមកិច្ចប្រជុំកំពូលហ្វ្រង់កូហ្វូនី លើកទី២០ ==> អង្គការយូណេស្កូបន្តគាំទ្រ និងផ្ដល់ជំនួយដល់​កម្ពុជា លើការអភិរក្សបេតិកភណ្ឌវប្បធម៌

ឯកឧត្តម​បណ្ឌិត ប៉ែន ស៊ីម៉ន ដឹកនាំ​ប្រតិភូ​សាស្ត្រាចារ្យ គរុ​សិស្ស និង​និស្សិត​ពេទ្យ ៩៧៣ នាក់ ទៅ​បំពេញ ទស្សនៈកិច្ច​នៅ​ខេត្ត សៀមរាប អង្គរ​

​ដោយ ៖ គេហទំព័រ «កម្ពុជាអភិវឌ្ឍន៍ | Aphiwat Kampuchea» |

http://kehaktompor-aphivatkampuchea.com.kh

Tel: 077 79 79 52 / 088 77 97 952 | WhatsApp: 012 58 04 55

សៀមរាប ៖ លោកគ្រូ អ្នកគ្រូ និង​គរុ​សិស្ស នៃ​សាលា​គរុកោសល្យ​កំពត ចំនួន ២២៧​នាក់ និង​និស្សិត​ពេទ្យ ជា​គិលានុប្បដ្ឋាក គិលានុប្បដ្ឋាយិការ   និង​ពេទ្យឆ្មប​ជនបទ នៃ​សាលា​មធ្យមសិក្សា សុខា ភិបាល​ភូមិភាគ​កំពត ចំនួន ៧៤៦ នាក់ ដឹកនាំ​ដោយ ឯកឧត្តម​បណ្ឌិត ទេសរដ្ឋមន្ត្រី ប៉ែន ស៊ីម៉ន ទីប្រឹក្សា​ផ្ទាល់ សម្តេច​អគ្គ​មហាសេនាធិបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​ទៅ​បំពេញ ទស្សនៈកិច្ច​សិក្សា​រយៈ ពេល ០៨​ថ្ងៃ នៅលើ​ទឹកដី​ប្រវត្តិសាស្ត្រ​នៃ ខេត្តសៀមរាប អង្គរ ចាប់ពី​ថ្ងៃ​ទី ២១ ដល់​ថ្ងៃ ២៩ ខែ មិនា ឆ្នាំ ២០១៦  តប​តាម​អនុសាសន៍​ថ្លៃថ្លា​របស់ សម្តេច​អគ្គ​មហាសេនាធិបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ក្នុងឱកាស​ដែល​សម្តេច​អញ្ជើញ​ជា​អធិបតី​ក្នុង​ពិធី​សម្ពោធ​ផ្ទះ​កុមារ​អង្គការ SOS ស្ថិតនៅក្នុង​ឃុំ​បឹង​ទូក ស្រុក​ទឹកឈូ ខេត្ត​កំពត កាលពីពេល​កន្លង​ទៅ​ដែល​តំរូវអោយ ឯកឧត្តម​បណ្ឌិត ទេសរដ្ឋមន្ត្រី ប៉ែន ស៊ីម៉ន ដឹកនាំ​គណៈប្រតិភូ​ជា​គរុ​សិស្ស និង​និស្សិត​ពេទ្យ ទាំង​៩៧៣​នាក់​ទៅ​កំសាន្ត​សប្បាយ​នៅ​ខេត្ត សៀមរាប ។​

​ក្នុង​ដំណើរ​ទស្សនៈកិច្ច​សិក្សា​នេះ​ដែរ ឯកឧត្តម​បណ្ឌិត ទេសរដ្ឋមន្ត្រី ប៉ែន ស៊ីម៉ន បាន​ដឹកនាំ​គណប្រតិភូ​តាម​វគ្គ​ជា​បន្តបន្ទាប់​ទៅ​ទស្សនា​នៅតាម​ប្រាង្គ​ប្រាសាទ​នានា ដែល​ជា​កេរ្តិ៍មរតក​ដូនតា​ខ្មែរ​យើង​តាំងពី​យូរលង់​ដែលជា​ដួងព្រលឹង​ជាតិ​ខ្មែរ មិន​អាច​កាត់ថ្លៃ​បាន ។​

​ឆ្លៀត​ក្នុង​ដំណើរ​ទស្សនៈកិច្ច​ខាងលើ ឯកឧត្តម​បណ្ឌិត ទេសរដ្ឋមន្ត្រី ប៉ែន ស៊ីម៉ន បាន​បញ្ជាក់​ជូន​ដល់​ក្រុម​គរុ​សិស្ស តាម​ប្រាសាទ​នានា​ដូចជា ប្រាសាទបាយ័ន​បាន​កសាង នៅ​ចុង ស​ត្ស​វត្ស​ទី ១២ ដែល​មាន​លក្ខណៈ ជា​ប្រាង្គ និង​ចេតីយ៍ ដើម្បី​ឧទ្ទិស​ដល់​វិរៈបុរស និង​យុទ្ធជន​ពលី នា សម័យបុរាណ និង​រំលឹក​ផងដែរ ពី​ព្រហ្មវិហារ​ធម៌​របស់ បុរស​ពិសេស ពី​ព្រហ្មវិហារ​ធម៌​របស់​ឳ​ពុក ។​

​នៅ​ទី​លានជល់ដំរី ឯកឧត្តម​បណ្ឌិត ប៉ែន ស៊ីម៉ន បានអោយដឹង​ថា​គឺជា​កន្លែង បង្កក់​ប្រសិទ្ធី​តាំងពី​សម័យ​បុរាណកាល​នៃ​ការ​លើកទ័ព​និង រេពល​ទៅ​ធ្វើ​សឹក​សង្គ្រាម​កាល សម័យអង្គរ ហើយ​នៅ​ទីនោះ​ក៏​មាន​ចំលាក់​បង្ហាញ​អំពី​គន្លង​ធម៌​របស់​ព្រះរាជា​នា​សម័យ នោះ​ដែល​ជួនកាល​គេ​ទៅ​ជា​និយាយ​ពី​ស្តេច​គំលង់​ទៅវិញ  ។ ក្នុងនោះដែរ ប្រតិភូ​ក៏​បាន​ទស្សនា​ប្រាសាទនាគព័ន្ធ គឺជា​កន្លែង​បញ្ជាក់​ពី​ការរីកចម្រើន​នៃ​វិស័យ​សុខាភិបាល​នា សម័យ​នោះ​ផងដែរ ។ ដោយឡែក ចំពោះ​ប្រាសាទតាព្រហ្ម​វិញ​ដែល​ព័ទ្ធ​ទៅ​ដោយ​ស្តង់​ធំៗ ត្រូវបាន​កសាងឡើង​ដោយ ព្រះបាទ​ជ័យ​វរ័​ន្មទី ៧ ដើម្បី​ឧទ្ទិស​ថ្វាយ​ព្រះ​មាតា​របស់​ព្រះអង្គ​ដែល​ទ្រង់​អា​ពាធ ដោយ​ជម្ងឺឃ្លង់ (​កាមរោគ​?) ដែល​ជំនាន់​នោះ​ត្រូវបាន​គេ​ចាត់ទុកថា​ជា​អកុសលកម្ម របស់លោក ។ នៅ​រសៀល​ថ្ងៃ​ដដែល​នោះ​ដែរ ក្រុម​គរុ​សិស្ស​ក៏​បាន​បន្តដំណើរ​ទៅ​ទស្សនា​នៅ​ប្រាង្គ​ប្រាសាទ​អង្គរវត្ត​ដែន​មាន​រោង​ជាងទង សីលា ចរិក ជ័យ​ន​ន្ទ និង​ចំលាក់   ឯទៀត មាន​ជាន់​បាកណៈ ព្រះ​ពាន់ ដែល​នៅ​ជាប់​និង​ប្រាសាទគក់ទ្រូង ។​

​ចំណែកឯ​ប្រាសាទបន្ទាយស្រី​ឯណេះ​វិញ ឯកឧត្តម​បណ្ឌិត ទេសរដ្ឋមន្ត្រី ប៉ែន ស៊ីម៉ន បាន បញ្ជាក់ថា ប្រាសាទ​នេះ​បាន​សាងសង់ឡើង​ចុងក្រោយ​នា​ស​ត្ស​វត្ស​ទី ១២ ដែលមាន រូបចំលាក់ ដិត​ជ្រៅ ឆ្មា​រ និង​រស់​រវើក ប្រកប​ដោយ​សិរី ឬ​បង្ហាញ​ពី​ចរិត​ល្វេ​ល្វន់ របស់ ស្ត្រី​ផង​ដែរ ។ គួរ​បញ្ជាក់​ផង​ដែរ​ថា ក្រោយ​បញ្ចប់​វគ្គ​ទស្សនៈកិច្ច​និមួយៗ ឯកឧត្តម​បណ្ឌិត ទេសរដ្ឋមន្ត្រី ប៉ែន ស៊ីម៉ន បាន​រៀបចំ​ពិធី​បាយ​សាមគ្គី និង​រាំ​កំសាន្ត​ផង​ដែរ ៕

 

20160403b (1)

20160403b (2)

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.