ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
កម្លាំងក្រុមអន្តរាគមន៍ បង្ការ បង្ក្រប សហការជាមួយកម្លាំងអធិការដ្ឋាន នគរបាលក្រុងបាត់ដំបង ចុះប្រតិបត្តិការ បង្ក្រាប ករណី លួចដោយប្រើហិង្សា និងបង្ខាំងជនរងគ្រោះ នៅក្នុងផ្ទះសំណាក់... ==> អាវុធហត្ថរាជធានីភ្នំពេញ បញ្ចប់បេសកកម្មចូលរួមការពារសន្តិសុខ សុវត្ថិភាព រក្សាសណ្តាប់ធ្នាប់ជូន ថ្នាក់ដឹកនាំជាតិ-អន្តរជាតិ អញ្ជើញចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ ដោយជោគជ័យ! ==> ឯកឧត្តមអភិសន្តិបណ្ឌិត ស សុខា បង្ហើបពីការរកឃើញមន្រ្តីនគរបាល ២ ៣៣២នាក់ ខុសឈ្មោះ អក្ខរាវិរុទ្ធ និងភេទ ==> អាវុធហត្ថរាជធានីភ្នំពេញ ចុះអន្តរាគមន៍ឃាត់ខ្លួនបុរសបែកថ្នាំម្នាក់កាន់កាំបិតប៉័ងតោគំរាមកំហែងបង្កការភ័យខ្លាចដល់ប្រជាពលរដ្ឋ! ==> ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានគូសបញ្ជាក់ថា គិតចាប់តាំងពីថ្ងៃបើកសម្ពោធជាផ្លូវការនូវរូបសំណាក «បង្កងបាញ់ទឹក» នៅសួនច្បារមាត់បឹងតាកែវ ក្រុងដូនកែវកាលពីថ្ងៃទី៣០ ខែតុលា រហូតមកដល់ថ្ងៃទី១៥ ខែវិច្ឆិកា ឆ្នាំ២០២៦ កន្លងទៅនេះ ខេត្តតាកែវ បានទទួលស្វាគមន៍ភ្ញៀវទេសចរជាតិ និងអន្តរជាតិ សរុបប្រមាណជិត ៣លាននាក់ ដែលបានអញ្ជើញមកកម្សាន្ត និងទស្សនាសមិទ្ធផលទេសចរណ៍ ដ៏ទាក់ទាញថ្មីនេះ។ ==> ក្រសួងរៀបចំដែនដី និងរដ្ឋបាលខេត្តស្វាយរៀង រៀបចំសិក្ខាសាលាបំពាក់បំប៉នសមត្ថភាព ស្តីពី «ការងាររៀបចំដែនដី និងនគរូបនីយកម្ម» ដើម្បីជំរុញការអភិវឌ្ឍន៍ ==> ព្រះរាជសុន្ទរកថាទាំងស្រុងរបស់ ព្រះមហាក្សត្រកម្ពុជា ឱកាសយាងបើកកិច្ចប្រជុំកំពូលហ្វ្រង់កូហ្វូនីលើកទី២០ ដែលជាកិច្ចប្រជុំលើកដំបូងនៅកម្ពុជា ==> ប្រធានាធិបតីបារាំង និងភរិយា អញ្ជើញដល់ប្រទេសកម្ពុជា បើកទំព័រថ្មី នៃចំណងមេត្រី​ភាព​កម្ពុជា-បារាំង ==> សូមស្វាគមន៍ ឯកឧត្តម To Lam ប្រធានរដ្ឋវៀតណាម មកកាន់ព្រះរាជាណាចក្រកម្ពុជា ក្នុងឱកាសចូលរួមកិច្ចប្រជុំកំពូលហ្វ្រង់កូហ្វូនី លើកទី២០ ==> អង្គការយូណេស្កូបន្តគាំទ្រ និងផ្ដល់ជំនួយដល់​កម្ពុជា លើការអភិរក្សបេតិកភណ្ឌវប្បធម៌

សិប្បកម្ម​កែឆ្នៃ​ឈើ ជាច្រើន​កំពុង​ធ្វើ​សកម្មភាព​តាម បណ្តោយ​ផ្លូវ ជាតិ​លេខ​៧៦

​ដោយ ៖ គេហទំព័រ «កម្ពុជាអភិវឌ្ឍន៍ | Aphiwat Kampuchea» |

http://kehaktompor-aphivatkampuchea.com.kh

Tel: 077 79 79 52 / 088 77 97 952 | WhatsApp: 012 58 04 55

មណ្ឌលគិរី ៖​សិប្បកម្ម​កែឆ្នៃ​ឈើ ជាច្រើន​កំពុង​ធ្វើ​សកម្មភាព​អារ ជ្រៀក និង​កែឆ្នៃ ជា​របស់របរ​ផ្សេងៗ​យ៉ាង​អនាធិបតេយ្យ បើទោះបី ជា ខេត្តមណ្ឌលគិរី​កំពុងតែ​ធ្វើ​យុទ្ធនាការ​ក្តៅបង្ក្រាប​បទល្មើស​ព្រៃឈើ​ក៏​ដោយ​។​

​រោង​សិប្បកម្ម​កែឆ្នៃ​ឈើ​ទាំងនោះ ត្រូវ​គេ​ឃើញ​ថា បានដាក់​ដំណើរការ​រាយប៉ាយ ក្រោយ​ផ្ទះ​ប្រជាពលរដ្ឋ​រាប់សិប​កន្លែង តាម បណ្តោយ​ផ្លូវ ជាតិ​លេខ​៧៦ ចាប់តាំងពី​ភូមិ​ពូ​ជ្រៃ រហូត​ដល់​ភូមិ​ដេ អេ នៃ​ឃុំ​ពូ​ជ្រៃ ស្រុក​ពេជ្រា​ដា និង​ក៏​ស្ថិតក្នុង​តំបន់​ព្រៃ កា​ពារ​មណ្ឌលគិរី ផងដែរ​។​

​សេចក្តីរាយការណ៍​បានអោយដឹងថា គេ​តែងតែ​ឃើញ​មាន​សមត្ថកិច្ច​ចូល​ទៅ​ដល់​ដែរ ប៉ុន្តែ​មិនដឹង​ជំនាញ​ខាង​ណា ចុះ​ទៅ​ចំនុច​ទាំងនោះ ម្យ៉ាងទៀត​ហាក់ដូចជា មិន​មាន​វិធានការណ៍​បង្ក្រាប​អ្វី​នោះ​ទេ មកដល់​ក៏​ត្រឡប់​ទៅ​វិញ​។​ហើយ​មួយវិញទៀត​មាន​ការលើកឡើង​ថា មន្ត្រី​ដែល​ស្ថិត ក្នុង​ស្នាក់ការ​នៃ​តំបន់​ព្រៃ​កា​ពារ​មណ្ឌលគិរី​ដែល​គ្រប់គ្រង​ដោយ​លោក ឡុង ប៊ុង ហាក់​មាន​ចេតនា មិន​បង្ក្រាប ដោយ​គេ សង្កេត ឃើញថា ទីតាំង​រោង​សិប្បកម្ម​ទាំងនោះ បាន​ដំណើរការ​យូរយារ​ណាស់​ទៅ​ហើយ ប៉ុន្តែ​មិន​មាន​ការបង្ក្រាប​អ្វី​ទាល់ តែ​សោះ​។​

​សិប្បកម្ម​កែឆ្នៃ​ទាំងនោះ ត្រូវបាន​គេ​និយាយថា មានការ​ស្តុក​ទុក​ឈើប្រណិត​រួម​និង​ឈើ​ប្រភេទ​លេខ​១ សំរាប់​កែឆ្នៃ​ជា​ទ្វា បង្អួច គ្រែ​ជា​ដើម និង​ដាក់​អោយ​រថយន្ត​ប្រភេទ​សាំ​យ៉ុង ដឹង​ចេញ​ទាំង​យប់​ទាំង​ថ្ងៃ​កាត់ ក្រុង​សែន​មនោ​រម្យ ស្រុក​ពេជ្រា​ដា ស្រុក​អូ​រាំង ស្រុក​កែវ​សីមា និង​កាត់​តំបន់​អភិរក្ស​ជីវចំរុះ​សីមា ឆ្ពោះ​ទៅ​បណ្តា ខេត្ត​ដទៃ​ព្រមទាំង​ទីក្រុង​ភ្នំពេញ​ផង​នោះ​ទៀត​។​

​ក្រុមអ្នកតាមដាន​បទ​ល្មើស​ព្រៃឈើ​បាន​លើកឡើង​ថា សកម្មភាព​នេះ​ហាក់​ផ្គើន​ទៅ​និង​ចំណាត់ការ​ក្តៅ​របស់​រដ្ឋាភិបាល ដែល​និង​កំពុង​ចាត់​អោយ​គ​ណះ​កម្មា​ការ​ថ្នាក់ជាតិ ទប់ស្កាត់​និង​បង្ក្រាប​បទល្មើស​ព្រៃឈើ​ចុះ មក​ត្រួតពិនិត្យ​និង​បង្ក្រាប​គ្រប់ បទល្មើស​ព្រៃឈើ​នៅ​ក្នុង​ខេត្តមណ្ឌលគិរី​នេះ​។​

​សេចក្តីរាយការណ៍​មួយទៀត​ពី​ភូមិ​មេ​ម៉ង់ ដែល​ស្ថិត​ក្នុង​ឃុំ​មេ​ម៉ង់ ស្រុក​កែវ​សីមា បានអោយដឹងថា គេ​បាន​ឃើញ​មាន​រោង សិប្បកម្ម​កែឆ្នៃ​ដ៏​ធំ​មួយ មាន​ទីតាំង​មិន​ឆ្ងាយ​ពី​ស្នាក់ការ​ដែនជម្រកសត្វព្រៃ​ភ្នំ​ព្រេច​កំពុង​ធ្វើ​សកម្មភាព​យ៉ាង​រលូន​ផងដែរ​។​

​រោង​សិប្បកម្ម​ខាងលើ​ត្រូវបាន​គេ​ស្គាល់​ថា ជា​កម្ម​សិទ្ធ​របស់​សមាជិក​ក្រុមប្រឹក្សា​ឃុំ​មេ​ម៉ង់​ឈ្មោះ​ទូ ហឿង ហៅ​យាយ​ម៉ាប់ និង​ត្រូវបាន​សមត្ថកិច្ច​ធ្វើការ​បង្ក្រាប​ម្តង​កាលពី​ជាង​២​ឆ្នាំមុន​។​ក្រោយ​មាន​ការបង្ក្រាប​លើក​មុន​នោះ​សព្វថ្ងៃ​សិប្បកម្ម​កែឆ្នៃ​របស់ យាយ​ម៉ាប់​កំពុងតែ​ជញ្ជួន​ប្រភេទ​ឈើ​កម្រ ស្តុក​ទុក​ក្នុងរ​បង​របស់​គេ និង​ពាសពេញ​ព្រៃ ក្បែរៗ​នោះ សំរាប់​ផ្គត់ផ្គង់​អោយ រោង​សិប្បកម្ម​របស់ខ្លួន ។ តែ​ទោះជា​យ៉ាងណា រោង​សិប្បកម្ម​មួយ​នេះ​ដែល​គេ​អះអាង​ថា ពុំមាន​ច្បាប់​សោះ​នោះ មិន​ត្រូវបាន មន្ត្រី​ស្នាក់ការ​ដែនជម្រកសត្វព្រៃ​ភ្នំ​ព្រេច ដែល​ស្ថិតនៅ​ក្បែរ​នោះ​បង្ក្រាប​ឬ​មាន​វិធានការ​អ្វី ដូចគ្នា​និង​រោង​សិប្បកម្ម​នៅ​ឃុំ ពូ​ជ្រៃ​ផងដែរ​។​យ៉ាងណាក៏ដោយ លេខ​ទូរស័ព្ទ​របស់​លោក សំ​រ៉ង់ ឌី​វិចិត្រ នាយក​ដែនជម្រកសត្វព្រៃ​ភ្នំ​ព្រេច​និង​ប្រធាន​ព្រៃ កា​ពារ​មណ្ឌលគិរី​លោក​ឡុង ប៊ុង អ្នក​យក​ព៌ត័មាន មិន​អាច​ខ​ល​ចូល  ដើម្បី​សូម​ការបំភ្លឺ​ក្នុង​ករណី​ខាងលើ បាន​នោះ​ទេ នា​ថ្ងៃ​១៧ មិនា​នេះ ៕
​ដោយ ៖ គឹម ចំរើន​

 

IMG-20160318-WA0000 IMG-20160318-WA0001 IMG-20160318-WA0002

Filed in: ព័ត៌មាន​សំខាន់ៗ, សូម​ជួយ​ស៊ើប​អង្កេត

Recent Posts

Leave a Reply

Submit Comment
Daily Theme designed by Theme Junkie.