មណ្ឌលគិរី ៖ ហេតុការណ៍នេះបានកើ តឡើងនៅរសៀលម៉ោង៣ថ្ងៃទី០១ មិនា ឆ្នាំ២០១៦នេះ ស្ថិតនៅក្នុងភូមិអូរណា ឃុំស្រែខ្ទុម ស្រុកកែវ សីមា ខេត្តមណ្ដលគិរី ។បើតាមសាក្សីក្នុងហេតុការនេះ ប្រាប់អោយដឹងថា មុនពេលមានអគ្គីភ័យឆាបឆេះនេះ គឺកូនប្រុសម្ចាស់ផ្ទះ បានឈ្លោះ ប្រកែកគ្នាជាមួយម្តាយយ៉ាងខ្លាំង ក្រោយកូនប្រុសរូបនោះសុំលុយម្តាយ៥ម៉ឺនរៀលមិនបាន និងបានគំរាមដេញ ម្តាយអោយចេញពីផ្ទះ បើសិនជាគ្មានលុយអោយរូបគេ។ប្រភពបន្តថា ក្នុងពេលឈ្លោះជាមួយម្តាយនោះរូបគេ បានព្យាយាមចាក់សាំងដុតផ្ទះ ម្តងជាពីរដងរួចមកហើយ តែត្រូវបានអ្នកជិតខាងជួយឃាត់ទាន់។មិនបានប៉ុន្មាននាទីផង កូនប្រុសម្ចាស់ផ្ទះរូបនោះ បានរត់ទៅទាញយកសាំងស្រោចលើជញ្ជាំង ហើយដុត រួចរត់គេចបាត់ស្រមោល។
អភិបាលស្រុកកែវសីមាលោក ស៊ិន វណ្ណវុឌ្ឍ បានដឹកនាំសមត្ថកិច្ចចុះទៅដល់ កន្លែងកើតហេតុភ្លាមៗ តែដោយរដូវនេះជារដូវប្រាំង ហើយខ្សែរភ្លើងត្រូវបានកាត់ផ្តាច់ដោយអណ្តាតភ្លើងនោះ រយះពេលជាងម្ភៃនាទីក្រោយផ្ទះដែលមានទំហំ៥គុណ១២ម៉ែត បានឆះ សល់តែផេះតែប៉ុណ្ណោះ ។
ប្រភពពីមន្ត្រីនគរបាលបានអោយដឹងថា ម្ចាស់ផ្ទះមានឈ្មោះទ្រី សារ៉េត ភេទស្រី អាយុ៤១ឆ្នាំ ត្រូវបានកូនប្រុសឈ្មោះ បញ្ញា អាយុ២១ឆ្នាំ គំរាមកំហែងនិងបានដុតផ្ទះម្តាយកម្ទេចចោល ក្រោយសុំលុយចំនួន៥ម៉ឺនមិនបាន។ឈ្មោះបញ្ញា ជាជនបង្ករ ត្រូវបានអ្នករស់នៅក្បែរនោះបញ្ជាក់ថា ជាមនុស្ស ញៀនថ្នាំ ហើយតែងតែសំឡុតម្តាយទាររកប្រាក់ដើម្បីទៅទិញថ្នាំញៀនជាប្រចាំ ពេលនេះគេនៅមិនទាន់ដឹងអំពីទំហំនៃទ្រព្យសម្បត្តិ ដែលរងការឆេះនោះនៅឡើយទេ។ចំណែកឯជនបង្កសមត្ថកិច្ចនៅមិនទាន់ឃាត់ខ្លួនបាននៅឡើយទេ៕
ដោយ ៖ គឹម ចំរើន
