ខេត្តឧត្តមានជ័យ៖ ប្រជាពលរដ្ឋដែលមានភូមិនៅជាប់ជើងភ្នំដងរែក នៅក្នុងភូមិសាស្ត្រច្រកអន្តរជាតិជាំសាង៉ាំ ស្រុកអន្លង់វែង កំពុងជួបនូវបញ្ហាសុខភាព ដែលជាទុក្ខព្រួយប្រចាំជីវិតរបស់ពួកគាត់ ដោយសាក្រុម(ផលសាម៉នខេមរៈអភិវឌ្ឍន៍) បានយកអាជ្ញាប័ណ្ណក្រុមហ៊ុនអភិវឌ្ឍន៍ប្រទេសជាតិ ! មកបើកល្បែង(បាញ់កាំជ្រួច ប្រភេទចម្ងាយ ! ភ្នាល់ចាក់លុយ ) នៅលើខ្នងភ្នំចំណុចជាំសាង៉ាំ ជ្រកកោនក្រោមអាជ្ញាប័ណ្ណក្រសួង ! បានធ្វើឲ្យប៉ះពាល់ដល់សុខភាព ! និងធ្លាក់ទៅលើលំនៅដ្ឋានរបស់ពួកគាត់ទៀតផង ។
ប្រជាពលរដ្ឋបាននិយាយថា រៀងរាល់ថ្ងៃ សុក្រ ! ថ្ងៃសៅរ៍ ! និងថ្ងៃអាទិត្យ ពួកគាត់មិនហ៊ានចេញពីផ្ទះ ទៅចំ ការ ដើម្បីដកដំឡូងមី ឬទៅណាបាននោះទេ ! ព្រោះតែខ្លាចសំបកកាំជ្រួច ដែលបាញ់ភ្នាល់គ្នានៅលើភ្នំធ្លាក់ចំ ! អាច បណ្តាលឲ្យពួកគាត់ គ្រោះថ្នាក់ដល់អាយុជីវិត ! ព្រោះកន្លងមកសំបកកាំជ្រួចទាំងនោះ បានធ្លាក់ទៅលើលំនៅដ្ឋាន ដីចំការពួក គាត់ញឹកញាប់ណាស់ ! សំបកកាំជ្រួចទាំងនោះវាជាប្រភេទបំពង់ទីបជ័រ និងដើមឬស្សី ដែលមានប្រវែង ពី ៥ ទៅ ៦ម៉ែត្រ អាចឆក់យកជីវិតមនុស្សបានយ៉ាងងាយ ។
ប្រជាពលរដ្ឋបានបញ្ជាក់ថា ៖ កន្លងមកពួកគាត់បានរាយការណ៍ទៅអាជ្ញាធរមូលដ្ឋាន ជាញឹកញយផងដែរ ! ក៏ប៉ុន្តែបែជាអាជ្ញាធរនិយាយថា បើមានប៉ះពាល់អ្វីខាងក្រុមហ៊ុនធានាសងទាំងអស់ ។
ប្រជាពលរដ្ឋបន្តែមថា ចាប់តាំងក្រុមហ៊ុនមួយនេះបើកល្បែងបាញ់កាំជ្រួចភ្នាល់គ្នា នៅលើខ្នងភ្នំដងរែក រហូតមក ដល់ពេល នេះមាន រយៈពេលជាង ១ឆ្នាំ កន្លងមកពួកគាត់ស្រូបយកខ្យល់អាកាសផ្សែងធម្មជាតិកាំជ្រូច របស់ក្រុម ហ៊ុនមួយនេះ រហូតមានជម្ងឺផ្សេងៗទៀតផង ! ជាពិសេសក្មេងតូចៗដែលជាទំពាំងស្នងឫស្សីនោះ ។
លោក ហោ ជិនវីរៈយុទ្ធ អភិបាលស្រុកអន្លង់វែង បានបំភ្លឺតាមទូរស័ព្ទថា ៖ ក្រុមហ៊ុនបើកល្បែងបាញ់ កាំ ជ្រូចភ្នាល់ ! ធ្វើឲ្យប៉ះពាល់ដល់ប្រជាពលរដ្ឋ លោកបានជ្រាបជាតំណឹងហើយ ! ព្រោះកន្លងមកនេះមាន ប្រជាពល រដ្ឋមកធ្វើការតវ៉ាឲ្យក្រុមហ៊ុនសងថ្លែខូចខាត ! ដែលកាំជ្រួចបានធ្លាក់ទៅលើលំនៅដ្ឋាន និងផលស្រែចំការ របស់ពួក គាត់ ។ លោកអភិបាលស្រុកបញ្ជាក់ថា ៖ ចំពោះក្រុមហ៊ុនខាងលើបើកទីតាំងបាញ់កាំជ្រួច ភ្នាល់មួយនេះ គឺមាន អាជ្ញាប័ណ្ណគ្រប់គ្រាន់ ចេញដោយក្រសួង ម្យ៉ាងទៀតស្ថិតនៅក្នុងដែនសមត្ថកិច្ចគ្រប់គ្រងរបស់អគ្គស្នងការ ។
តាមការបញ្ជាក់ពីមន្ត្រីទំនាក់ទំនងព្រំដែនប្រចាំច្រកអន្តរជាតិជាំសាង៉ាំម្នាក់ ដែលសុំមិនបញ្ចេញឈ្មោះ បានឲ្យ ដឹងថា ៖ ទីតាំងបាញ់កាំជ្រួចភ្នាល់ ភ្នាល់ចាក់លុយខាងលើ បានលក់សំបុត្រឲ្យអតិថិជនជាអ្នកភ្នាល់ល្បែង ក្នុង ម្នាក់ៗ ៥០០ ប្រាំរយបាត (ថៃ) ស្មើរនឹងប្រាក់ជាង ៥ ម៉ឺនរៀល អតិថិជនទាំងនោះ ! មានកម្ពុជា ! និងជនជាតិថៃ រាប់រយ នាក់ ព្រមទាំងព្រះសង្ឃថៃទៀតផង ។ ប្រភពបញ្ជាក់ទៀតថា ៖ ចំពោះការបើកឲ្យលេងល្បែងបាញ់ កាំជ្រួចភ្នាល់ ខាងលើ នៅក្នុងប្រទេសថៃ គេពុំមានច្បាប់អនុញ្ញាតឲ្យលេងនោះទេ ! ព្រោះគេចាត់ទុកថា ជាល្បែរគ្រោះថ្នាក់ ដល់អាយុជីវិត មនុស្ស និងផ្សែងកាំជ្រួចធ្វើឲ្យប៉ះពាល់ដល់បរិស្ថានផងដែរ ៕
ដោយ ៖ កញ្ញា ឃួន សុគន្ធា-លុច ណាម
