ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
កម្លាំងក្រុមអន្តរាគមន៍ បង្ការ បង្ក្រប សហការជាមួយកម្លាំងអធិការដ្ឋាន នគរបាលក្រុងបាត់ដំបង ចុះប្រតិបត្តិការ បង្ក្រាប ករណី លួចដោយប្រើហិង្សា និងបង្ខាំងជនរងគ្រោះ នៅក្នុងផ្ទះសំណាក់... ==> អាវុធហត្ថរាជធានីភ្នំពេញ បញ្ចប់បេសកកម្មចូលរួមការពារសន្តិសុខ សុវត្ថិភាព រក្សាសណ្តាប់ធ្នាប់ជូន ថ្នាក់ដឹកនាំជាតិ-អន្តរជាតិ អញ្ជើញចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ ដោយជោគជ័យ! ==> ឯកឧត្តមអភិសន្តិបណ្ឌិត ស សុខា បង្ហើបពីការរកឃើញមន្រ្តីនគរបាល ២ ៣៣២នាក់ ខុសឈ្មោះ អក្ខរាវិរុទ្ធ និងភេទ ==> អាវុធហត្ថរាជធានីភ្នំពេញ ចុះអន្តរាគមន៍ឃាត់ខ្លួនបុរសបែកថ្នាំម្នាក់កាន់កាំបិតប៉័ងតោគំរាមកំហែងបង្កការភ័យខ្លាចដល់ប្រជាពលរដ្ឋ! ==> ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានគូសបញ្ជាក់ថា គិតចាប់តាំងពីថ្ងៃបើកសម្ពោធជាផ្លូវការនូវរូបសំណាក «បង្កងបាញ់ទឹក» នៅសួនច្បារមាត់បឹងតាកែវ ក្រុងដូនកែវកាលពីថ្ងៃទី៣០ ខែតុលា រហូតមកដល់ថ្ងៃទី១៥ ខែវិច្ឆិកា ឆ្នាំ២០២៦ កន្លងទៅនេះ ខេត្តតាកែវ បានទទួលស្វាគមន៍ភ្ញៀវទេសចរជាតិ និងអន្តរជាតិ សរុបប្រមាណជិត ៣លាននាក់ ដែលបានអញ្ជើញមកកម្សាន្ត និងទស្សនាសមិទ្ធផលទេសចរណ៍ ដ៏ទាក់ទាញថ្មីនេះ។ ==> ក្រសួងរៀបចំដែនដី និងរដ្ឋបាលខេត្តស្វាយរៀង រៀបចំសិក្ខាសាលាបំពាក់បំប៉នសមត្ថភាព ស្តីពី «ការងាររៀបចំដែនដី និងនគរូបនីយកម្ម» ដើម្បីជំរុញការអភិវឌ្ឍន៍ ==> ព្រះរាជសុន្ទរកថាទាំងស្រុងរបស់ ព្រះមហាក្សត្រកម្ពុជា ឱកាសយាងបើកកិច្ចប្រជុំកំពូលហ្វ្រង់កូហ្វូនីលើកទី២០ ដែលជាកិច្ចប្រជុំលើកដំបូងនៅកម្ពុជា ==> ប្រធានាធិបតីបារាំង និងភរិយា អញ្ជើញដល់ប្រទេសកម្ពុជា បើកទំព័រថ្មី នៃចំណងមេត្រី​ភាព​កម្ពុជា-បារាំង ==> សូមស្វាគមន៍ ឯកឧត្តម To Lam ប្រធានរដ្ឋវៀតណាម មកកាន់ព្រះរាជាណាចក្រកម្ពុជា ក្នុងឱកាសចូលរួមកិច្ចប្រជុំកំពូលហ្វ្រង់កូហ្វូនី លើកទី២០ ==> អង្គការយូណេស្កូបន្តគាំទ្រ និងផ្ដល់ជំនួយដល់​កម្ពុជា លើការអភិរក្សបេតិកភណ្ឌវប្បធម៌

​ឯកឧត្តម ទៀ សីហា ស្នើ​ឲ្យ​វិស័យ​ឯកជន ចូលរួម​ជាមួយ​អាជ្ញាធរ ក្នុង​ការស្តារ​ឡើង​វិញ​លើ​វិស័យ​ទេសចរណ៍​

​ដោយ ៖ គេហទំព័រ «កម្ពុជាអភិវឌ្ឍន៍ | Aphiwat Kampuchea» |

http://kehaktompor-aphivatkampuchea.com.kh

Tel: 077 79 79 52 / 088 77 97 952 | WhatsApp: 012 58 04 55

ខេត្តសៀមរាប ៖ កាលពី​ថ្ងៃ​ទី​០២ ខែ​មិថុនា​ម្សិលមិញ​នៅ​សាលាខេត្ត​សៀមរាប ឯកឧត្តម ទៀ សីហា អភិបាលខេត្ត​បាន​ស្នើ​ឲ្យ​វិស័យ​ឯកជន ចូលរួម​ជាមួយ អាជ្ញាធរ ក្នុង​ការស្តារ វិស័យ​ទេសចរណ៍ នៅ​ខេត្ត​សៀមរាប​
​ឡើងវិញ ។​

​ក្នុង​ពេល​លោក​បាន​អនុញ្ញាត​ឲ្យ​ប្រតិភូសមា​គម​សហគ្រិន​វ័យក្មេង​កម្ពុជា ដឹកនាំ​ដោយ​លោក ឡាយ គីម​សួរ ប្រធាន​សមាគម សហគ្រិន​វ័យក្មេង កម្ពុជា សាខា​ខេត្ត​សៀមរាប ចូលជួប​ពិភាក្សា ការងារ​ស្តារឡើងវិញ លើ​វិស័យ​ទេសចរណ៍ ក្នុងពេល​ដែល​នៅ​លើ​ពិភពលោក​បាន​កំពុង​ជួប​វិបត្តិ​ជម្ងឺ​កូវី​ដ​១៩​។​

​ក្នុង​ជំនួប​នេះ ឯកឧត្តម ទៀ សីហា បាន​គាំទ្រ​នូវ​គំនិត​ផ្តួចផ្តើម​របស់​សមាគម​សហគ្រិន​វ័យ ក្មេង​កម្ពុជា សាខា​ខេត្ត​សៀមរាប​ដែល​បាន​លើកឡើង ក្នុង​គោលបំណង​រួម​គ្នា​ស្តារឡើងវិញ​ក្នុង​វិស័យ​ទេសចរណ៍ និង​បង្កើន​ការ​ជម្រុញ​វិស័យ ក​សិ​ទេសចរណ៍​នៅតាម​បណ្តា​ភូមិ ស្រុក​ក្នុង​ខេត្តសៀមរាប​។​

​ឯកឧត្តម​បាន​បន្តថា រាល់​គំនិត ដែល​សមាគម​សហគ្រិន​វ័យក្មេង​កម្ពុជា លើកឡើង​នេះ គឺ​ស្ថិត​នៅក្នុង​គម្រោង​របស់​ខេត្ត ដែល​បាន​ដាក់​ទៅ​ក្រសួង ក្នុង គោលដៅ​អភិវឌ្ឍន៍​ខេត្ត​។

​សូមបញ្ជាក់​ថា ចំពោះ​រាល់​បញ្ហា​ដែល​សមាគម​សហគ្រិន​វ័យក្មេង​កម្ពុជា បាន​លើកឡើង​ទាំង​នោះ អភិបាលខេត្ត​នឹង​យកទៅ​ធ្វើការ​ពិភាក្សា​ជាមួយ​ក្រសួង​ពាក់ព័ន្ធ​ផងដែរ ។​

​ម្យ៉ាងទៀត​ក្នុង​ឱកាស​ដែល​ភ្ញៀវ​កំពុង​ធ្លាក់ចុះ និង​ជួប​នូវ​វិបត្តិកូ​វីដ​១៩ អាជ្ញាធរខេត្ត បាន កំពុង​ធ្វើការ​ស្តារ​ឡើងវិញ នូវ​ហេដ្ឋរចនាសម្ព័ន្ធ​ផ្លូវ​ថ្នល់​ក្នុងក្រុង និង​ជនបទ ព្រមទាំង​ធ្វើការ​ជម្រុញ​ដល់​គ្រប់​បណ្តា​ក្រុង ស្រុក ក្នុង​ការបង្កើត​នូវ​តំបន់​ទេសចរណ៍ធម្មជាតិ​ក្នុង​សហគមន៍​របស់​ខ្លួន ដើម្បី​លើកកម្ពស់​ជីវភាព​របស់​ប្រជាពលរដ្ឋ នៅតាម​មូលដ្ឋាន ឲ្យ​កាន់តែ​ប្រសើរ​ឡើង​ថែមទៀត​ផង​ដែរ​។​

​ឯកឧត្តម​ក៏បាន​ផ្តល់​នូវ​អនុសាសន៍​មួយ​ចំនួន ដោយ​បច្ចុប្បន្ននេះ​ប្រមុខ​រាជរដ្ឋាភិបាល និង ក្រសួង​សុខាភិបាល បានធ្វើការ​រឹតបន្តឹង​ក្នុង​ការអនុវត្ត​ប្រយុទ្ធប្រឆាំង​នឹង រលក​ទី​២​នៃ​ជម្ងឺ​កូវី​ដ​១៩ កុំឲ្យ​មាន​ការរីក​រាលដាល​នៅក្នុង​សហគមន៍ ។ ដោយ​កត្តា​នេះ​ហើយ អាជ្ញាធរខេត្ត បាន​កំពុង​យកចិត្តទុកដាក់​ខ្ពស់ ចំពោះ​បញ្ហា​ការប្រមូលផ្តុំ​របស់​ប្រជាពលរដ្ឋ នៅ​តាម​ភោជនីយដ្ឋាន តើ​គ្រប់​ម្ចាស់​ភោជនីយដ្ឋាន​ទាំងនោះ​បាន​អនុវត្ត​ទៅ​តាម​ការណែនាំ​របស់​ក្រសួង​សុខាភិបាល និង​ក្រសួង​ទេសចរណ៍ អំពី​គម្លាត​សុវត្ថិភាព ក្នុង​ការការពារ​នូវ​ជម្ងឺ​កូ​វិដ​១៩​នេះ​។​

​ឯកឧត្តម​បាន​បញ្ជាក់​ផងដែរ​អំពី​គម្រោងការ​ជិះ​កង់​ទេសចរណ៍ ដោយ​អាជ្ញាធរ​ខេត្ត និង​អាជ្ញាធរ​អប្សរា បាន​បង្កើត​ផ្លូវ​សម្រាប់​ជិះ​កង់ ប្រកប​ទៅ​ពណ៌​បៃតង​នៅក្នុង​តំបន់​ទេសចរណ៍​ប្រវត្តិសាស្ត្រ​សៀមរាប ៕

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.