ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
កម្លាំងក្រុមអន្តរាគមន៍ បង្ការ បង្ក្រប សហការជាមួយកម្លាំងអធិការដ្ឋាន នគរបាលក្រុងបាត់ដំបង ចុះប្រតិបត្តិការ បង្ក្រាប ករណី លួចដោយប្រើហិង្សា និងបង្ខាំងជនរងគ្រោះ នៅក្នុងផ្ទះសំណាក់... ==> អាវុធហត្ថរាជធានីភ្នំពេញ បញ្ចប់បេសកកម្មចូលរួមការពារសន្តិសុខ សុវត្ថិភាព រក្សាសណ្តាប់ធ្នាប់ជូន ថ្នាក់ដឹកនាំជាតិ-អន្តរជាតិ អញ្ជើញចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ ដោយជោគជ័យ! ==> ឯកឧត្តមអភិសន្តិបណ្ឌិត ស សុខា បង្ហើបពីការរកឃើញមន្រ្តីនគរបាល ២ ៣៣២នាក់ ខុសឈ្មោះ អក្ខរាវិរុទ្ធ និងភេទ ==> អាវុធហត្ថរាជធានីភ្នំពេញ ចុះអន្តរាគមន៍ឃាត់ខ្លួនបុរសបែកថ្នាំម្នាក់កាន់កាំបិតប៉័ងតោគំរាមកំហែងបង្កការភ័យខ្លាចដល់ប្រជាពលរដ្ឋ! ==> ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានគូសបញ្ជាក់ថា គិតចាប់តាំងពីថ្ងៃបើកសម្ពោធជាផ្លូវការនូវរូបសំណាក «បង្កងបាញ់ទឹក» នៅសួនច្បារមាត់បឹងតាកែវ ក្រុងដូនកែវកាលពីថ្ងៃទី៣០ ខែតុលា រហូតមកដល់ថ្ងៃទី១៥ ខែវិច្ឆិកា ឆ្នាំ២០២៦ កន្លងទៅនេះ ខេត្តតាកែវ បានទទួលស្វាគមន៍ភ្ញៀវទេសចរជាតិ និងអន្តរជាតិ សរុបប្រមាណជិត ៣លាននាក់ ដែលបានអញ្ជើញមកកម្សាន្ត និងទស្សនាសមិទ្ធផលទេសចរណ៍ ដ៏ទាក់ទាញថ្មីនេះ។ ==> ក្រសួងរៀបចំដែនដី និងរដ្ឋបាលខេត្តស្វាយរៀង រៀបចំសិក្ខាសាលាបំពាក់បំប៉នសមត្ថភាព ស្តីពី «ការងាររៀបចំដែនដី និងនគរូបនីយកម្ម» ដើម្បីជំរុញការអភិវឌ្ឍន៍ ==> ព្រះរាជសុន្ទរកថាទាំងស្រុងរបស់ ព្រះមហាក្សត្រកម្ពុជា ឱកាសយាងបើកកិច្ចប្រជុំកំពូលហ្វ្រង់កូហ្វូនីលើកទី២០ ដែលជាកិច្ចប្រជុំលើកដំបូងនៅកម្ពុជា ==> ប្រធានាធិបតីបារាំង និងភរិយា អញ្ជើញដល់ប្រទេសកម្ពុជា បើកទំព័រថ្មី នៃចំណងមេត្រី​ភាព​កម្ពុជា-បារាំង ==> សូមស្វាគមន៍ ឯកឧត្តម To Lam ប្រធានរដ្ឋវៀតណាម មកកាន់ព្រះរាជាណាចក្រកម្ពុជា ក្នុងឱកាសចូលរួមកិច្ចប្រជុំកំពូលហ្វ្រង់កូហ្វូនី លើកទី២០ ==> អង្គការយូណេស្កូបន្តគាំទ្រ និងផ្ដល់ជំនួយដល់​កម្ពុជា លើការអភិរក្សបេតិកភណ្ឌវប្បធម៌

​ទំនាស់​ដីធ្លី​ដ៏​រ៉ាំរ៉ៃ អ្នក​កាន់​ប្លង់​កម្មសិទ្ធិ ត្រូវ​មាន​គេ​រំលោភបំពាន ចំណែក​អាជ្ញាធរ​ក្រុង​បែរជា​រក​ដំណោះស្រាយ​មិន​ចេញ​

​ដោយ ៖ គេហទំព័រ «កម្ពុជាអភិវឌ្ឍន៍ | Aphiwat Kampuchea» |

http://kehaktompor-aphivatkampuchea.com.kh

Tel: 077 79 79 52 / 088 77 97 952 | WhatsApp: 012 58 04 55

(​ខេត្ត​កែប​)៖ ទំនាស់​ដីធ្លី​ដ៏​រ៉ាំរ៉ៃ​មួយ​កន្លែង​ត្រង់​ចំណុច​មុខ​សាលាក្រុង​កែប ស្ថិតក្នុង​ភូមិ​អូរ​ក្រ​សារ សង្កាត់​អូរ​ក្រ​សារ ក្រុងកែប ខេត្ត​កែប ត្រូវ​មជ្ឃដ្ឋាន​ក្នុង​តំបន់​លើកឡើងថា បាន​កើត​ឡើង​ជាង​មួយ​ឆ្នាំ​មកហើយ ប៉ុន្តែ​ករណី​វិវាទ​នេះ បែរជា​មិន​ទាន់​មាន​ដំណោះស្រាយ​ណាមួយ​ពី​អាជ្ញាធរ​ក្រុងកែប​នៅឡើយ​ទេ បើ​ទោះ​ជា​ចំណុច​ដី​ទំនាស់​ខាងលើនេះ មាន​ប័ណ្ណកម្មសិទ្ធិ​រួចរាល់​ទៅ​ហើយ​ក្តី​។​

​ប្រភព​ដដែល​បាន​បង្ហើប​ដែរ​ថា ដើមចម​នៃ​ការវិវាទ​ដ៏​ក្តៅគគុក​នេះ ផ្តើមឡើង​ដោយសារ​ភាគី ឈ្មោះ កាម នឿន ដែល​គាត់​អះអាងថា​បាន​អាស្រ័យ​ផល​នៅលើ​ដី​ចំណី​ផ្លូវ​របស់​រដ្ឋ​តាំងពី​យូរយារ​ណាស់​មកហើយ ទើប​ឈ្មោះ កាម នឿន បាន​ប្តឹង​ទៅ​អាជ្ញាធរ​ក្រុង​កែប ឱ្យ​ជួយ​ចាត់ការ គឺ​មិន​ឱ្យ​ម្ចាស់​ប្លង់​កម្មសិទ្ធិ ឈ្មោះ ហុង សារ៉េត ចាក់​ដី​ឬ​ដាក់លូ នៅ​ចំណុច​ដី​ចំណី​ផ្លូវ​ស្ថិត​ក្នុង​ប្លង់​កម្មសិទ្ធិ​ឡើយ​។​

​ទាក់ទិន​នឹង​ករណី​កម្រ​ក​លត​ឡើង​នេះ មហាជន​ជាច្រើន​កំពុង​ឆ្ងល់​ថា តើ​អាជ្ញាធរ​ក្រុងកែប គួរ​ដោះស្រាយ​បែបណា​? ខណៈ លោក កាម នឿន ត្រឹម​ជា​អ្នក​អាស្រ័យ​ផល នៅលើ​ប្លង់​កម្មសិទ្ធិ​របស់​គេ បែរ​ជា​ហ៊ាន​បញ្ជា​ទៅ​លោក​ស្រី អភិបាលក្រុង​កែប ឱ្យ​បង្អាក់ដំណើរ​ការចាក់ដី​-​ធ្វើ​លូ លើ​ទីតាំង ដែល​មាន​ប្លង់​កម្មសិទ្ធិ​ស្របច្បាប់​រួច​ទៅ​ហើយ​នោះ​។​

​មជ្ឈដ្ឋាន​ដដែល​បាន​បញ្ជាក់​ផង​ដែរ​ថា រឿង​បញ្ហា​ដីធ្លី កន្លងមក ប្រមុខ​ដឹកនាំ​ខេត្ត តែងតែ​លើកឡើង​នៅក្នុង​កិច្ចប្រជុំ​នានា​ថា ការធ្វើ​ប័ណ្ណកម្មសិទ្ធិ​ដីធ្លី​ជូន​ប្រជាពលរដ្ឋ​បាន​រួចរាល់ គឺ​បាន​បំបាត់​នូវ​ជម្លោះ​ផ្សេងៗ ពោល​គឺ​គ្មាន​អ្នកណា​បំពាន​អ្នកណា​នោះ​ទេ តែបើ​មាន​ភាគី​ណា​បង្កបញ្ហា ឬ​រំលោភ​បំពាន​លើ​ប្លង់​កម្មសិទ្ធិ​របស់​គេ ដាច់ខាត​អ្នក​ទាំងនោះ​ត្រូវតែ​មាន​ទោស​តាមច្បាប់​ជា​ធរមាន​។​

​ចំពោះ​ករណី​ទំនាស់​ដីធ្លី​មួយ​កន្លែង​ខាងលើ ចំណុច​(​ផ្លូវជាតិ​លេខ​33A) ស្ថិតក្នុង​ភូមិ​អូរ​ក្រ​សារ សង្កាត់​អូរ​ក្រ​សារ ក្រុងកែប ខេត្ត​កែប អ្នក​កាន់​ប្លង់​កម្មសិទ្ធិ ឈ្មោះ ហុង សារ៉េត បែរជា​ត្រូវ​រង​នូវ​ការបំពាន​ពី​ភាគី ឈ្មោះ កាម នឿន ដោយ​បុគ្គល​ខាងលើនេះ បាន​រារាំង​មិន​ឱ្យ​ម្ចាស់​ប្លង់​កម្មសិទ្ធិ​ប្រើប្រាស់​ដី​ស្ថិត​លើ​ចំណី​ផ្លូវ​ឡើយ ចុះបើ​មាន​ករណី​ទន្ទ្រាន​មកលើ​ប្លង់​កម្មសិទ្ធិ​បែបនេះ តើ​ត្រូវ​មានទោស​ដែរ​ទេ​? ។​

​ជុំវិញ​ករណី​វិវាទ​ដីធ្លី​ខាងលើនេះ លោកស្រី ទិត សុខា អភិបាលក្រុង​កែប បាន​ប្រាប់​កម្ពុជា​ថ្មី នៅ​រសៀល​ថ្ងៃ​ទី​១១ ខែ​មីនា ឆ្នាំ​២០២០​ថា ទំនាស់​វិវាទ​នេះ​បាន​កើតឡើង​ជា​យូរ​មក​ហើយ ដោយ​រដ្ឋបាល​ក្រុង​កែប បាន​រក​ដំណោះស្រាយ ៤ លើក​មក​ហើយ​ដែរ នៅតែ​មិន​បាន​សម្រេច ដោយ​ភាគី​ទាំងសងខាង​នៅតែ​ទាមទារ​ចង់បាន​ដី​ចំណី​ផ្លូវ​នេះ​ជា​កម្មសិទ្ធិ​ដូចគ្នា ។​ដូច្នេះ បើក​រដ្ឋបាល​ក្រុង​អស់​លទ្ធភាព​ដោះស្រាយ​ហើយ មានតែ​រុញ​បន្ត​ទៅ​ឱ្យ​រដ្ឋបាល​ខេត្ត​ចាត់ការ​វិញ​ចុះ​។​

​ទោះជា​បែប​នេះ​ក្តី មជ្ឈដ្ឋាន​ក្នុង​តំបន់ នៅតែ​បន្ត​លើកឡើងថា អាជ្ញាធរ​ក្រុង​កែប ពិតជា​មិន​ហ៊ាន​អារកាត់​រក​អ្នកឈ្នះ អ្នកចាញ់​នោះឡើយ មិន​ខុស​នឹង​ពាក្យ​ថា​”​ហា​ស្លាក់ ខ្ជាក់​ស្លែង​” ទើប​អ្នក​អាស្រ័យ​ផល​ដែល​គ្មាន​ប័ណ្ណកម្មសិទ្ធិ​អី​ផង ហ៊ាន​បំពាន​លើ​ប្លង់​កម្មសិទ្ធិ​របស់​គេ ដោយ​គ្មាន​ខ្លាចញញើត​នឹង​ច្បាប់​បែបនេះ​។​

​ទាក់ទិន​នឹង​រឿង​ដែល​មិន​គួរ​កើត​ឡើង​បែបនេះ ម្ចាស់​ប្លង់​កម្មសិទ្ធិ ឈ្មោះ ហុង សារ៉េត សំណូមពរ​យ៉ាងទទូច​ដល់​អាជ្ញាធរ​គ្រប់​ជាន់ថ្នាក់ ពិសេស លោក កែ​ន សត្ថា អភិបាល នៃ​គណៈ​អភិបាលខេត្ត​កែប មេត្តា​ជួយ​រក​យុត្តិធម៌​ជូន​ក្រុមគ្រួសារ​គាត់​ផង​៕ សេង ណា​រិទ្ធ​
​

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.