ខេត្តបាត់ដំបង ៖ ដោយអនុវត្តតាមការណែនាំបញ្ជាផ្ទាល់ពីឯកឧត្តម ឧត្តមសេនីយ៍ទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជាលោក ឧត្តមសេនីយ៍ត្រី ជេត វណ្ណនី ស្នងការរង ផែនការងារនគរបាលព្រហ្មទណ្ឌ និង មានការសម្របសម្រួលទៅលើនីតិវិធីពី លោក គឺ ប៊ុណ្ណារ៉ា ព្រះរាជអាជ្ញារងអមសាលាដំបូងខេត្តបាត់ដំបង នៅថ្ងៃទី ១២ ខែមីនា ឆ្នាំ ២0២0 វេលាម៉ោង ១0:៣0នាទី នៅចំណុចមុខសាលាក្រុងបាត់ដំបងស្ថិតក្នុងភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង លោកវរសេនីយ៍ទោ ឈឿង គឹមសុង ប្រធានការិយាល័យនគរបាលព្រហ្មទណ្ឌកំរិតស្រាល បានដឹកនាំកម្លាំង ក្រុមអន្តរាគមន៍ បង្ការបង្ក្រាប ចុះប្រតិបត្តិការបង្ក្រាប ករណី ប៉ុនប៉ងលួច ចំនួន 0១ ករណី ឃាត់ខ្លួនជនសង្ស័យចំនួន ២ នាក់ ៖
១-ឈ្មោះ ផុន វ៉ាន់និត ភេទប្រុស អាយុ ២៨ឆ្នាំមានទីលំនៅភូមិចំការឬស្សី សង្កាត់ព្រែកព្រះស្ដេចក្រុងបាត់ដំបង ខេត្តបាត់ដំបង។
២-ឈ្មោះ ជុំ សុខឃឿន ភេទប្រុស អាយុ ១៩ឆ្នាំមានទីលំនៅភូមិចំការឬស្សី សង្កាត់ព្រែកព្រះស្ដេចក្រុងបាត់ដំបង ខេត្តបាត់ដំបង ។
ក្នុងនោះ សមត្ថកិច្ចបានរឹបអូសសម្ភារៈវត្ថុតាង រួមមាន ៖
– ម៉ូតូម៉ាកហុងដាឌ្រីម សេ១២៥ ពណ៌ខ្មៅ ចំនួន0១ គ្រឿង
– កាំភ្លើងជ័រពណ៌ខ្មៅចំនួន ១ដើម
– ទូរស័ព្ទដៃចំនួន ២គ្រឿង
– កាបូបលុយពណ៌ខ្មៅចំនួន 1
– កាំបិតផ្លែឡាមពណ៌ក្រហមចំនួន 1 ដើម
– មួកសុវត្ថិភាពចំនួន ២
បច្ចុប្បន្ន ជនសង្ស័យរួមទាំងវត្ថុតាងខាងលើ ការិយាល័យសេនាញព្រហ្មទណ្ឌកំរិតស្រាលបានក៏សាងសុំណុំរឿងបញ្ជូនទៅសាលាដំបូង ដើម្បីអនុវត្តតាមនិតិវីធី ៕
