ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
កម្លាំងក្រុមអន្តរាគមន៍ បង្ការ បង្ក្រប សហការជាមួយកម្លាំងអធិការដ្ឋាន នគរបាលក្រុងបាត់ដំបង ចុះប្រតិបត្តិការ បង្ក្រាប ករណី លួចដោយប្រើហិង្សា និងបង្ខាំងជនរងគ្រោះ នៅក្នុងផ្ទះសំណាក់... ==> អាវុធហត្ថរាជធានីភ្នំពេញ បញ្ចប់បេសកកម្មចូលរួមការពារសន្តិសុខ សុវត្ថិភាព រក្សាសណ្តាប់ធ្នាប់ជូន ថ្នាក់ដឹកនាំជាតិ-អន្តរជាតិ អញ្ជើញចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ ដោយជោគជ័យ! ==> ឯកឧត្តមអភិសន្តិបណ្ឌិត ស សុខា បង្ហើបពីការរកឃើញមន្រ្តីនគរបាល ២ ៣៣២នាក់ ខុសឈ្មោះ អក្ខរាវិរុទ្ធ និងភេទ ==> អាវុធហត្ថរាជធានីភ្នំពេញ ចុះអន្តរាគមន៍ឃាត់ខ្លួនបុរសបែកថ្នាំម្នាក់កាន់កាំបិតប៉័ងតោគំរាមកំហែងបង្កការភ័យខ្លាចដល់ប្រជាពលរដ្ឋ! ==> ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានគូសបញ្ជាក់ថា គិតចាប់តាំងពីថ្ងៃបើកសម្ពោធជាផ្លូវការនូវរូបសំណាក «បង្កងបាញ់ទឹក» នៅសួនច្បារមាត់បឹងតាកែវ ក្រុងដូនកែវកាលពីថ្ងៃទី៣០ ខែតុលា រហូតមកដល់ថ្ងៃទី១៥ ខែវិច្ឆិកា ឆ្នាំ២០២៦ កន្លងទៅនេះ ខេត្តតាកែវ បានទទួលស្វាគមន៍ភ្ញៀវទេសចរជាតិ និងអន្តរជាតិ សរុបប្រមាណជិត ៣លាននាក់ ដែលបានអញ្ជើញមកកម្សាន្ត និងទស្សនាសមិទ្ធផលទេសចរណ៍ ដ៏ទាក់ទាញថ្មីនេះ។ ==> ក្រសួងរៀបចំដែនដី និងរដ្ឋបាលខេត្តស្វាយរៀង រៀបចំសិក្ខាសាលាបំពាក់បំប៉នសមត្ថភាព ស្តីពី «ការងាររៀបចំដែនដី និងនគរូបនីយកម្ម» ដើម្បីជំរុញការអភិវឌ្ឍន៍ ==> ព្រះរាជសុន្ទរកថាទាំងស្រុងរបស់ ព្រះមហាក្សត្រកម្ពុជា ឱកាសយាងបើកកិច្ចប្រជុំកំពូលហ្វ្រង់កូហ្វូនីលើកទី២០ ដែលជាកិច្ចប្រជុំលើកដំបូងនៅកម្ពុជា ==> ប្រធានាធិបតីបារាំង និងភរិយា អញ្ជើញដល់ប្រទេសកម្ពុជា បើកទំព័រថ្មី នៃចំណងមេត្រី​ភាព​កម្ពុជា-បារាំង ==> សូមស្វាគមន៍ ឯកឧត្តម To Lam ប្រធានរដ្ឋវៀតណាម មកកាន់ព្រះរាជាណាចក្រកម្ពុជា ក្នុងឱកាសចូលរួមកិច្ចប្រជុំកំពូលហ្វ្រង់កូហ្វូនី លើកទី២០ ==> អង្គការយូណេស្កូបន្តគាំទ្រ និងផ្ដល់ជំនួយដល់​កម្ពុជា លើការអភិរក្សបេតិកភណ្ឌវប្បធម៌

​ក្រុម​គ្រូពេទ្យ​ស្ម័គ្រចិត្ត ឯកឧត្តម ហ៊ុន ម៉ា​នី ចុះ​ពិនិត្យ​ព្យាបាល​ជំងឺ ជូន​ប្រជាពលរដ្ឋ ឥតគិតថ្លៃ​ក្នុងស្រុក​កំពង់ត្រាច ខេត្ត​កំពត​

​ដោយ ៖ គេហទំព័រ «កម្ពុជាអភិវឌ្ឍន៍ | Aphiwat Kampuchea» |

http://kehaktompor-aphivatkampuchea.com.kh

Tel: 077 79 79 52 / 088 77 97 952 | WhatsApp: 012 58 04 55

(​ខេត្ត​កំពត​)៖ នៅ​ព្រឹក​ថ្ងៃអាទិត្យ ១​កើត ខែ​ផល្គុន ឆ្នាំ​កុរ ឯ​កស័ក ពុទ្ធ​សករាជ ២៥៦៣ ត្រូវ​នឹង​ថ្ងៃទី​២៣ ខែ​កម្ភៈ ឆ្នាំ ២០២០ លោក ជាវ តា​យ អភិបាល​នៃ​គណៈ​អភិបាលខេត្ត លោក ជឹង ផល្លា ប្រធាន​ក្រុមប្រឹក្សា​ខេត្ត រួម​និង​ថ្នាក់ដឹកនាំ​ក្នុង​ខេត្ត មន្ទីរ​អង្គភាព​ជុំវិញ​ខេត្ត អាជ្ញាធរ​ក្រុង ស្រុក បាន​អញ្ជើញ​ចូលរួម​ជាមួយ​ក្រុម​គ្រូពេទ្យ​ស្ម័គ្រចិត្ត​ឯកឧត្តម ហ៊ុន ម៉ា​នី តំណាងរាស្ត្រ និង​ជា​ប្រធាន​គណៈកម្មការ​ទី​៧ រដ្ឋសភាជាតិ ក្នុង​កម្មវិធី​ពិនិត្យ​ព្យាបាល​ជម្ងឺ​ជូន​ប្រជាពលរដ្ឋ​ដោយ​ឥតគិតថ្លៃ​មាន​សរុប​ចំនួន ៦៨៧៩​នាក់ ដែល​កម្មវិធី​នេះ​បាន​ធ្វើឡើង​នៅ​វិទ្យាល័យ ព្រះបិតា​ជាតិ ស្ថិតនៅ​ភូមិ​អូរ​ច្រនៀង ឃុំ​កំពង់ត្រាច​ខាងលិច ស្រុក​កំពង់ត្រាច ខេត្ត​កំពត​។​

​ក្នុងឱកាស​នោះ​ដែរ លោក ជាវ តា​យ អភិបាលខេត្ត ក៏​បាន​មានប្រសាសន៍​សំណេះសំណាល​ទៅកាន់ ក្រុម​គ្រូពេទ្យ​ស្ម័គ្រចិត្ត ឯកឧត្តម ហ៊ុន ម៉ា​នី និង​ប្រជាពលរដ្ឋ ដោយ​បាន​ថ្លែងអំណរគុណ​ចំពោះ ឯកឧត្តម ហ៊ុន ម៉ា​នី ដែល តែងតែ​បាន​ចាត់​បញ្ជូន​ក្រុមការងារ​គ្រូពេទ្យ​ស្ម័គ្រចិត្ត​ចុះមក បំពេញ បេសកកម្ម​មនុស្សធម៌​ក្នុង​ការពិនិត្យ និង​ព្យាបាល​ជំងឺ​ជូន​ប្រជាពលរដ្ឋ​ដោយ​ឥតគិតថ្លៃ​។ ក្នុង​កម្មវិធី​នេះ​លោក​អភិបាលខេត្ត ក៏​បាន​ចាត់ទុក​ជា​សកម្មភាព​មនុស្សធម៌ ដ៏​ឧត្តុង្គឧត្តម ដែល​បាន​រួមចំណែក ជាមួយ​រាជរដ្ឋាភិបាល​កម្ពុជា​ក៏ដូចជា​អាជ្ញាធរ​ដែនដី​ក្នុង​ខេត្ត ដែល​បាននិងកំពុង​យកចិត្តទុកដាក់​យ៉ាង​ខ្លាំង ក្នុង​គោលដៅ​យុទ្ធសាស្ត្រ​នៃ​ការលើកកម្ពស់​សុខភាព​ប្រជាជន និង​អាហារូបត្ថម្ភ ដើម្បី​គាំទ្រ​ដល់​ការអភិវឌ្ឍ​ធនធានមនុស្ស កំណើនសេដ្ឋកិច្ច និង​វឌ្ឍនភាព​សង្គម​ប្រកបដោយ​ចីរភាព​។​

​ជាមួយ​ឱកាស​នោះ លោក ជាវ តា​យ​អភិបាលខេត្ត ក៏បាន​អំពាវនាវ​ដល់​បងប្អូន​ប្រជាពលរដ្ឋ​ទាំងអស់​សូម​បន្ត​ថែរក្សា​សុខភាព​ឱ្យបាន​ល្អ​ដោយ​ហូប​ស្អាត ផឹក​ស្អាត រស់នៅ​ស្អាត និង​សូម​បន្ត​យកចិត្តទុកដាក់ បង្ការ​នូវ​ជំងឺឆ្លង​ផ្សេងៗ ព្រមទាំង​បញ្ជូន​អ្នកជំងឺ​ទៅកាន់​មណ្ឌល​សុខភាព ឬ​មន្ទីរពេទ្យ​រដ្ឋ​ឱ្យបាន​ទាន់​ពេលវេលា​។​

​គួរ​បញ្ជាក់ដែរថា សម្រាប់​ខេត្ត​កំពត ក្នុង​រយៈពេល​ថ្មីៗ​នេះ ក្រុមការងារ​គ្រូពេទ្យ​ស្ម័គ្រចិត្ត​ឯកឧត្តម​ហ៊ុន ម៉ា​នី បាន​ចុះមក​ពិនិត្យ​ព្យាបាល​ជំងឺ​ដោយ​ឥតគិតថ្លៃ ជូន​ប្រជាពលរដ្ឋ មាន​ចំនួន ៦​លើក​មក​ហើយ នៅតាម​បណ្ដា​ស្រុក​ក្នុង​ខេត្ត​ចំនួន​៥ គឺ​ស្រុក​ដងទង់​ចំនួន​២​លើក ស្រុក​ឈូក​១​លើក ស្រុក​ទឹកឈូ ១​លើក ស្រុក​បន្ទាយមាស ១​លើក​និង​ស្រុក​កំពង់ត្រាច​១​លើក ដែល​មាន​ប្រជាពលរដ្ឋ​មក​ទទួល​ការពិនិត្យ​និង​ព្យាបាល​ជំងឺ​សរុប​ចំនួន ១៤.៦៥១​នាក់ ក្នុងនោះ​ស្រី​មាន​ចំនួន​១៣.១៦៣​នាក់​៕ សេង ណា​រិទ្ធ​
​

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.