(ខេត្តកំពត)៖ ថវិកាចំនួន២ម៉ឺន ដុល្លារ ដែលជាអំណោយដ៏ថ្លៃថ្លារបស់សម្ដេច តេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា
ត្រូវបានលោក ជាវ តាយ អភិបាលនៃគណៈអភិបាលខេត្តនិងសហការីបានយកទៅប្រគល់ជូននៅរសៀថ្ងៃទី០៦ខែមករា ឆ្នាំ២០២០ ដល់កម្មករសំណង់ចំនួន ២នាក់ដែលរងរបួសដោយគ្រោះហេតុការណ៍អាគាររលំបាក់សង្កត់លើនៅខេត្តកែបកាលពីថ្ងៃទី០៣ខែមករាឆ្នាំ២០២០កន្លងទៅថ្មីៗនេះ ដែលការប្រគល់និងទទួលនេះនៅមន្ទីរពេទ្យបង្អែកខេត្តកំពត ដោយក្នុងម្នាក់ៗទទួលបានថវិកាចំនួន១ ម៉ឺនដុល្លារអាមេរិក។
លោក ជាវ តាយ អភិបាលខេត្តកំពត បាននាំមកនូវប្រសាសន៍ផ្ដាំផ្ញើសួរសុខទុក្ខពីសំណាក់សម្ដេចតេជោហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនចំពោះ ជនរងគ្រោះ។ ដោយសម្ដេចទាំងទ្វេតែងមានការយកចិត្តទុកដាក់ខ្ពស់នូវក្ដីកង្វល់និងទុក្ខលំបាករបស់ប្រជាពលរដ្ឋគ្រប់ពេលវេលានៅទូទាំងប្រទេស ពិសេសនូវពេលមានជួបគ្រោះមហន្តរាយឬបញ្ហា ឧបត្តិវហេតុផ្សេងៗកើតឡើង។
ជាការជាក់ស្ដែងហេតុការណ៍កើតឡើងថ្មីៗនេះសម្ដេចតេជោហ៊ុនសែនបានអញ្ជើញចុះបញ្ជាផ្ទាល់ រួមសុខរួមទុក្ខជាមួយបងប្អូនកម្មករនិងក្រុមការងារ ក្នុងប្រតិបត្តិការជួយសង្គ្រោះ អាយុជីវិតបងប្អូនកម្មករដែលរងគ្រោះដោយរលំអគារនៅខេត្តកែប រហូតដល់ទីបញ្ចប់នៃប្រតិបត្តិការ។
លោក ជាវ តាយ ក៏បានផ្ដាំផ្ញើដល់ជនរងគ្រោះនិងគ្រួសារជនរងគ្រោះទាំងអស់ត្រូវបន្តខិតខំរក្សាសុខភាពក្នុងគ្រួសារឲ្យបានល្អ និង និងជូនពរឲ្យបានឆាប់ជាសះស្បើយ នូវមុខរបួសដើម្បីបានវិលត្រឡប់ទៅបន្តប្រកបមុខរបរបង្កើនជីវភាពគ្រួសារបន្ថែមទៀត។ ហើយសូមកុំអស់សង្ឃឹម ពោល ដរាបណាយើងមានជីវិតប្រទេសជាតិយើងមានសុខសន្តិភាព ដរាបនោះយើងត្រូវតែមានសង្ឃឹម ដើម្បីរួមគ្នាកសាងអភិវសេដ្ឋកិច្ចជីវភាពគ្រួសារនិងប្រទេសជាតិឲ្យបានកាន់តែសំបូររុងរឿងថែមទៀត។
ជាមួយឱកាសនោះ ប្រជាពលរដ្ឋកម្មករដែលរងរបួសនិងគ្រួសារក៏បានសម្ដែង
អំណរគុណ ព្រមទាំងប្រសិទ្ធិពរជ័យ បវរមហាប្រសើរ និងជូនចំពោះសម្ដេចតេជោ ហ៊ុន សែន និងសម្ដេចគតិព្រឹទ្ធបណ្ឌិតប៊ុនរ៉ានីហ៊ុនសែន ឱ្យ សម្ដេចទាំងទ្វេទទួលបាននូវសុខភាពល្អកម្លាំងប្រាជ្ញាវាងវៃ អាយុយឺនយូរ និងប្រកបដោយពុទ្ធពរទាំងបួនប្រការកុំបីឃ្លៀងឃ្លាត ដើម្បីបន្តដឹកនាំនិងអភិវឌ្ឍប្រទេសជាតិឱ្យបានកាន់តែរីកចម្រើន ថែមទៀតនិងមានសុខសន្តិភាពជារៀងរហូតតទៅអនាគត៕ សេង ណារិទ្ធ
