ខេត្តកំពង់ចាម ៖ សពកុមារាអាយុ៦ឆ្នាំជាកូនកំព្រា រស់នៅជាមួយជីដូនក្នុងខណះ ដែលឪពុកម្តាយបង្កើតនៅមានជីវិតរស់នៅឡើយ បានលង់ទឹកស្លាប់ត្រូវបានស្រង់ចេញពីទំនប់ទឹកមកធ្វើបុណ្យតាមប្រពៃណី។
ប៉ូលិសបានអោយដឹងថានៅថ្ងែទី២មករាឆ្នាំ២០២០វេលាម៉ោង១៤នាទីប៉ុស្តិ៍នគរបាលដងក្តារបានទទួលពត៌មានពីលោកប៉ាន់យានមេ ភូមិអូរពីរថា មានកុមារា ឈ្មោះ មានបញ្ញា អាយុ៦ឆ្នាំជាតិខ្មែរទីលំនៅភូមិអូរពីរឃុំដងក្តារស្រុកស្ទឹងត្រង់បានទៅលេងទឹកទំនប់ធំខាងលិចភូមិអូរពីរឃុំដងក្តារស្រុកស្ទឹងត្រង់ហើយធ្លាក់ក្នុងអន្លុងលង់ទឹកបណ្តាលអោយស្លាប់។
ប៉ូលិសបានអោយដឹងថា ក្រោយពីបានទទួលពត៌មានភ្លាមលោកវរសេនីយ៍ឯកអធិការនគរបាលស្រុកស្ទឹងត្រង់បានចាត់បញ្ជាកំលាំងជំនាញនៃអធិការដ្ឋាននគរបាលស្រុកស្ទឹងត្រង់ដោយសហការជាមួយកំលាំងប៉ុស្តិ៍ដងក្តារដឹកនាំដោយលោកវរសេនីយ៍ត្រី ពៅ លីមស៊ាង អធិការរងទទួលការងារព្រហ្មទណ្ឌបានចុទៅដល់កនលែងកើតហេតុធ្វើការពិនិត្យស្រាវ ជ្រាវ ឃើញសពកុមារាឈ្មោះ មានបញ្ញាស្លៀកខោខ្លីពណ៌ខៀវជើងខ្លីពាក់អាវយឺតដៃខ្លីពណ៌ក្រហម។
តាមការបំភ្លឺរបស់ឈ្មោះ ឆេង សុខចាន់ ភេទស្រីអាយុ៥៤ឆ្នាំជាតិខ្មែរ ត្រូវជាជីដូនបង្កើតបានបំភ្លឺថា ៖ កុមារាឈ្មោះមានបញ្ញាជាកូនកំព្រាដោយសារ ឳពុកម្តាយលែងលះគ្នា ហើយម្តាយទៅប្រទេសចិន។ រីឯឳពុកទៅប្រទេសថៃបាត់អស់ ដោយទុកចៅរស់នៅជាមួយគាត់ជាជីដូន។ ជីដូន របស់កុមារារងគ្រោះបានបានបន្តថានៅវេលាម៉ោង៩ថ្ងៃទី២មករាឆ្នាំ២០២០ចៅរបស់គាត់បានទៅលេងទឹកទំនប់នៅខាងលិចភូមិហើយក៍បាត់រហូត។
បន្ទាប់ពីដឹងថា បាត់ចៅគាត់និងអ្នកជិតខាងបាននាំគ្នាដើររកនឹងចុះរាវក្នុងទឹកទំនប់រហូតដល់វេលាម៉ោង១៤ថ្ងៃដែលទើបរកឃើញ ។ លោក ប៉ាក ជាតិ បានបន្តថាបន្ទាប់មកគណះកម្មការចំរុះធ្វើការត្រួតពិនិត្យ សព៖ នៅផ្នែកក្បាល.ផ្នែកក.ផ្នែកដងខ្លួននឹងផ្នែកអវះយវះគឺពុំមានស្លាកស្នាមអ្វីឡើយ។
ផ្អែកតាមលទ្ធផលនៃការស្រាវជ្រាវការបំភ្លឺនងការពិនិត្យសាកសពឃើញ ថា កុមារាឈ្មោះ មានបញ្ញា គឺពិតជាបានស្លាប់ដោយសារលង់ទឹកប្រាកដ មែនគឺពុំមានពាក់ពន្ធ័បទល្មើសព្រហ្មទណ្ឌ័អ្វីឡយ។ ក្រោយពីបានពិនិត្យចប់សព្វគ្រប់ហើយសមត្ថកិច្ចបានប្រគល់សាកសពជូនក្រុមគ្រួសារយកទៅធ្វើបុណ្យតាមប្រពៃណី៕
