ខេត្តបន្ទាយមានជ័យ ៖ ក្រោយពីធ្វើការប្រកួតកីឡាវាយសី អស់រយៈពេល២ថ្ងៃយ៉ាងស្វិតស្វាញ ចាប់ពីថ្ងៃទី១មករា ដល់ថ្ងៃទី២ មករា ឆ្នាំ២០១៦ នៅទីលានវាយសីក្នុងបវិវេនមន្ទីរពេទ្យបង្អែកក្រុងសិរីសោភ័ណ ស្ថិតក្នុងភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យរួចមកនោះ បានរកឃើញអ្នកដែលបានទទួលពានរង្វាន់ជាប់លេខ១ដល់លេខ៣ហើយ។
ការដណ្តើមពានវាយសីដើម្បីអបអរសាទបុណ្យថ្ងៃ ៧ មករា មានការអញើញចូលរួមដ៏ខ្ពង់ខ្ពស់ ឯកឧត្តម គោស៊ុំ សារឿត អភិបាលខេត្តបន្ទាយមានជ័យ ឯកឧត្តម រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវធហត្ថរាជធានីភ្នំពេញ ឯកឧត្តម អ៊ឺម ភាន់សុផល លោកលីសារី អភិបាលរងខេត្តបន្ទាយមានជ័យ ។
ឧត្តមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យនិងក្រុមកីឡា វាយសីចំនួន៨០នាក់បានចូលរួមលេងកីឡាវាយសីជាលក្ខណៈមិត្តភាពដើម្បីអបអរសាទរខួបលើកទី៣៧នៃទិវាជ័យជំនះថ្ងៃ៧មករា២០១៦ផងដែរ។
ឯកឧត្តម គោស៊ុំសារឿត អភិបាលខេត្ត បានមានប្រសាន៍ថា ក្នុងការបើកប្រគួតវាយសីអស់រយៈពេល២ថ្ងៃរួចមក យើងបានរកឃើញអ្នកដែលបានទទួលពានរង្វាន់ហើយ លេខ១ពូលAបានទៅលើ ឯកឧត្តម អ៊ឺម ភាន់សុផល ពានរង្វាន់លេខ២ពូលB បានទៅលើ ឧត្តមសេនីយ៍ទោ រ័ត្ន ស្រ៊ាង។
ឯកឧត្តម គោស៊ុំសារឿត បានបញ្ជាក់ថាក្នុងការប្រគួតវាយសីនេះប្រកួតជាលក្ខណៈមិត្តភាពនិងក៏ដើម្បីចូលរួមថ្ងៃជ័យជំនះ៧មករាផងដែរ ហើយការប្រគួតនេះគឺដើម្បីសុខភាពតែប៉ុណ្ណោះ ឯកឧត្តម គោស៊ុំ សារឿតបានបញ្ជាក់ទៀតថា ការចូលរួមលេងកីឡាគ្រប់ប្រភេទធ្វើឲ្យសុខភាពល្អ ហើយក៏ដើម្បីចូលរួមចំណែកលើកស្ទួយវិស័យកីឡាក្នុងខេត្តបន្ទាយមានជ័យរបស់យើងផង ឯកឧត្តម គោស៊ុំ សារឿត បានធ្វើការអំពាវនាវដល់ស្រទាប់យុវជនទាំងអស់ ឲ្យចូលរួមលេងកីឡាគ្រប់ប្រភេទឲ្យបានច្រើន ដើម្បីធ្វើការបណ្តុះបណ្តាលធនធានមនុស្សតាមរយៈការបំផុសដល់ស្រទាប់យុវវ័យគ្រប់មូលដ្ឋាន គ្រប់មជ្ឈដ្ឋានសិក្សា នុសិស្ស ឲ្យងាកមកចាប់អារម្មណ៍យកពេលទំនេពីការសិក្សា ចូលហ្វឹកហាត់បច្ចេកទេសកីឡានេះអោយបានច្រើន ឯកឧត្តម គោស៊ុំ សារឿត ក៏បានធ្វើការផ្តាំផ្ញើដល់ក្មួយៗនិងយុវជនទាំងអស់ សូមជៀសឲ្យឆ្ងាយពីគ្រឿងញៀនហើយត្រូវងាកមកចាប់អារម្មណ៍ចូលរួមជាមួយវិស័យកីឡា ជាពិសេសកីឡាគ្រប់ប្រភេទឲ្យបានគ្រប់ៗគ្នា ព្រោះកីឡានាំមកនូវមិត្តភាព សាមគ្គីភាព សុខភាព កេរ្តិ៍ឈ្មោះ កិត្តិយស របស់ប្រទេសជាតិមាតុភូមិរបស់យើងផងដែរ ៕
