ខេត្តមណ្ឌលគីរី៖ ប្រលប់ថ្ងៃទី២៩ធ្នូ ២០១៥ កំលាំងល្បាតនៃអធិការដ្ឋាននគរបាលស្រុកកោះញែក ដឹកនាំដោយលោក កាន់ ពេញ អធិការស្រុកនិងមានការចង្អុលបង្ហាញពីលោក តូច យ៉ុនស្នងការនគរបាលខេត្ត បានធ្វេីឃាត់ខ្លួនបុរស់ ៤នាក់ នៅចំណុចស្រែជ្រេសក្នុងភូមិក្បាលកោះ ឃុំស្រែសង្គម ស្រុកកោះញែកខេត្តមណ្ឌលគីរី។
ជនសង្ស័យខាងលើ ទី១ ឈ្មោះ យន់ ឌី អាយុ២៧ឆ្នាំស្រុកកំណើត ភូមិ សាម៉ ឃុំ គងជយ័ ស្រុក អូរាំងឪ ខេត្តត្បូងឃ្មុំទី២ឈ្មោះម៉ា ម៉ីអយុ១៦ឆ្នាំ ស្រុកកំណើត ភូមិក្បាលកោះឃុំស្រែសង្គម ស្រុកកោះញែក ខេត្តមណ្ឌលគីរី ទី៣ឈ្មោះឆាន់ ឈន់អាយុ២៥ឆ្នាំស្រុកកំណើត ភូមិចង្វារ ឃុំគងជយ័ស្រុកអូរាំងឪ ខេត្តត្បូងឃ្មុំ ទី៤ឈ្មោះ ឆុំ វិបុល អាយុ៣០ឆ្នាំស្រុកកំណើតភូមិ ស្ពាន មាស ឃុំលំពង់ ស្រុកបាទី ខេត្តតាកែវ និងដកហូតបានវត្ថុតាងដូចជា ៖ ម៉ូតូម៉ាកស៊ីរុស ០១គ្រឿង កាំភ្លើង AK បត់មួយដើម គ្រាប់២គ្រាប់ និងសំភារ:សេពគ្រឿងញៀនមួយចំនួនទៀត។
បច្ចុប្បន្ន សមត្ថកិច្ចកំពុងរៀបចំសំណុំបែបបទដើម្បីបញ្ជូនមនុស្សនិងវត្ថុតាងទៅស្នងការដ្ឋាន នគរបាលខេត្តមណ្ឌលគីរីចាត់ការបន្ត៕
