ខេត្តព្រៃវែង ៖ នៅព្រឹកថ្ងៃទី២៧ ខែធ្នូ ឆ្នាំ ២០១៥ នៅវិទ្យាល័យ ហ៊ុន សែន ស្វាយអន្ទរមានកម្មវិធី
ចែកមួកសុវត្ថិភាព ដែលជាអំណោយដ៍ខ្ពង់ខ្ពស់របស់ឯកឩត្តម នេត សារឿន អគ្គនាយកនគបាលជាតិ តាមរយ:ឯកឧត្តម យ៉ឹម ឈុន្មី រដ្ឋលេខាធិការក្រសួងមហាផ្ទៃ និងប្រមុខរាជរដ្ឋភិបាលជាច្រើន និងថ្នាក់ក្រោមជាតិ បានចូលរួមយ៉ាងច្រើនកុះករ ក្រោមការដឹកនាំរបស់លោក កែវ សែន អភិបាលនៃគណៈអភិបាលរងខេត្ត ព្រមទាំងវត្តមានលោកស្នងការរង រស់ វណ្ណា និងមន្ត្រីអ្នកមុខអ្នកការជាច្រើននាក់ទៀតដែល បានចូលរួមក្នុងកម្មវិធីនេះ។
ឯកឧត្តម យ៉ឹម ឈុន្នី បានមានប្រសាសន៍ទៅកាន់ប្អូនៗសិស្សានុសិស្សថា នេះជាលើកទីប្រាំហើយ ដែលឯកឧត្តមបានចុះចែកជូនមួកសុវត្តិភាពចំនួន ១២៥០០ មួកដល់សិស្សានុសិស្ស ក្នុងខេត្ត ។ តែដោយឡែក នៅក្នុងវិទ្យាល័យ ហ៊ុន សែន ស្វាយអន្ទរមានសិស្សចំនួន ១០០០ នាក់ តាមការបង្ហើបឲ្យដឹងពីលោកអភិបាលនៃគណៈអភិបាលស្រុក និងបើកមួកសុវត្តិភាពចំនួន ១០០០ មួកផងដែរ ដែលស្ថិតនៅភូមិពោធិចិន្ដាំ ឃុំ ស្វាយអន្ទរ ស្រុកស្វាយអន្ទរខេត្តព្រៃវែង។
នៅទីបញ្ចប់ឯកឧត្តមក៏បានមានទៅកាន់ប្អូនៗឲ្យខំរៀនយកចំណេះវិទ្យា នឹងគោរពច្បាប់ចរាចណ៍ មករៀន គឺពាក់មួកសុវត្ថិភាពឲ្យបានខ្ជាប់ខ្ជួន ។ បន្ទាប់ពីប្រទេសយើងបានចូលនិងធ្វើសមាហរណកម្មអាស៊ានហើយ ដូចនេះប្អូនៗ ជាសរសរទ្រូងនៃប្រទេស ថ្នាក់ដឹកនាំប្រទេស ត្រូវការអ្នកមានធនធានមនុស្ស ៕
