ពោធិ៍សាត់ ៖ គិតមកដល់ថ្ងៃទី២៦.ខែធ្នូ.ឆ្នាំ២០១៥ ករណីប្រជាពលរដ្ឋចូលរួម ក្នុងពិធីសែនព្រេនគូស្វាមីភរិយា ០១ គូ កាលវេលាម៉ោង១១និង ៣០នាទីព្រឹក ថ្ងៃទី២៤ ខែធ្នូ ឆ្នាំ២០១៥ កន្លងទៅថ្មីៗនេះ បានកើនឡើងដល់៣៦នាក់ហើយ ដោយសារពួកគាត់បានហូមទឹកក្រូចកូការកូឡា។
លោក សារុន ចាន់ធី ស្នងការដ្ឋាននគបាលខេត្តពោធិសាត់បានឲ្យដឺងថា កាលពីព្រឹកថ្ងៃទី២៤ ខែធ្នូ ឆ្នាំ២០១៥ នៅក្នុងភូមិតាំងគោក ឃុំតាលោ ស្រុកបាកាន ខេត្តពោធិ៍សាត់ មានពិធីសែនព្រេនប្ដីប្រពន្ធវ័យចំណាស់មួយគូ ដែលប្ដីឈ្មោះ ហុន ហន អាយុ៤៦ឆ្នាំ និងប្រពន្ធឈ្មោះ វិន ភឿន អាយុ៣៨ឆ្នាំ។
បន្ទាប់ពីពិធីសែនព្រេនតាមប្រពៃណីរួចសាមីដើមការបានអញ្ជើញភ្ញៀវ០៤.០៥តុកដើម្បីចូលរួមពិសារអាហារអបអរសាទរ និងទទួលដឹងឮគូស្វាមីភរិយាថ្មី ។
លោកអធិការដ្ឋាននគបាលស្រុកបាកានបានបន្តឲ្យដឹងថា ម្ហូបអាហារមាន០២.០៣.មុខ មានស្រា និងទឹកក្រូចកូកាកូឡាផងដែរ ។ ពេលដែលហូបភ្លាមៗនោះ មិនទាន់មានអ្នកណា ពុលនោះទេ លុះត្រឡប់ទៅដល់ផ្ទះវិញ ស្រាប់តែមានអ្នខ្លះក្អួត អ្នកខ្លះវិលមុខ ទន់ដៃទន់ជើង និងនោមចេញឈាម ទើបដឹងថាពុលអាហារក្នុងពិធីសែនប្ដីប្រពន្ធនោះ ក៏បញ្ជូនទៅមន្ទីរពេទ្យសុខភាពឃុំ ខ្លះទៅមន្ទីរពេទ្យបង្អែកបឹងខ្នារ ខ្លះទៅមន្ទីរពេទ្យបង្អែកខេត្តពោធិសាត់ហើយនៅថ្ងៃទី២៥ ខែធ្នូ ឆ្នាំ២០១៥ ដោយសារស្ថានភាពអ្នកជំងឺមួយចំនួនមានសភាពធ្ងន់ធ្ងរខ្លាំងពេក ក៏បានបញ្ជូនទៅព្យាបាលនៅមន្ទីរពេទ្យឯភ្នំពេញចំនួន ០៧នាក់ហើយ ។
លោកស្នងការនគរបាលខេត្តពោធិសាត់ បានបញ្ជាក់បន្ថែមថា ចំពោះករណី ខាងអាជ្ញាធរខេត្តពោធិ៍សាត់ និងមន្ត្រីសុខាភិបាលខេត្តពោធិសាត់បានបញ្ជូនមន្ត្រីជំនាញ ដើម្បីចុះទៅកាន់ភូមិតាំងគោកឃុំកើតហេតុខាងលើ ដើម្បីបញ្ជាក់ឲ្យច្បាស់អំពីមូលហេតុពិតប្រាកដ ៕
