(ខេត្តកំពត)៖ ក្រោយពេលទណ្ឌិត សម រង្សុី បានធ្វើការអំពាវឲ្យមានការបះបោរ និងជេរប្រមាថ ព្រះជេស្តារបស់ព្រះមហាក្សត្រ ហើយថែមទាំងបានអះអាងថា នឹងវិលត្រឡប់មកកាន់មាតុភូមិកម្ពុជាវិញ នៅថ្ងៃទី ៩វិច្ឆិការ ឆ្នាំ ២០១៩ ខាងមុខនេះ ក្នុងគោលបំណងដឹកនាំចលនាផ្តួលរំលំរាជរដ្ឋាភិបាលនោះ សិស្សានុសិស្ស ប្រជាពលរដ្ឋ និង មន្ត្រីរាជការខេត្តកំពត បានបដិសេធមិនគ្រាំទ្រទង្វើរបស់ ទណ្ឌិតសម រង្ស៊ី នោះឡើយ។
ជាមួយនឹងទង្វើដ៏ខុសច្បាប់របស់ ទណ្ឌិត សម រង្សុី មហាជនក្នុងខេត្តកំពត បានបញ្ជាក់អះអាងថានឹងធ្វើការប្រឆាំងយ៉ាងដាច់ខាត ចំពោះវត្តមានលោកសម រង្សុី នៅកម្ពុជា ព្រោះពួកគេចាត់ទុកថា សម រង្សុី វិលត្រឡប់មកស្រុកខ្មែរដើម្បីបំផ្លាញខ្មែរ បំផ្លាញសន្តិភាព បំផ្លាញ់សេចក្តីសុខ និងការរីកចម្រើនរបស់ប្រទេសកម្ពុជា។
នេះជាការលើកឡើងពីសំណាក់មាតា បិតាសិស្ស ក្រោយបញ្ចប់ពិធីផ្តល់រង្វាន់ជ័យលាភីដល់សិស្សប្រឡងជាប់សញ្ញាបត្រ ធម្យមសិក្សាទុតិយភូមិ ឆ្នាំ ២០១៩ កាលពីព្រឹកថ្ងៃទី ៣ ខែតុលា ឆ្នាំ ២០១៩ នៅក្នុងបរិវេណសាលសន្និសីទខេត្តកំពត។
ជាមួយគ្នានេះ ប្រជាពលរដ្ឋ សិស្សានុសិស្ស និងគ្រូបង្រៀន នៅក្នុងខេត្តកំពត បានលើកឡើងថា ទណ្ឌិតសម រង្ស៊ី ជាមនុស្សចង្រៃ ទង្វើរបស់គេមិនអាចទទួលយកបានទេ ហើយវត្តមានរបស់ទណ្ឌិត សម រង្ស៊ី ពិតជាវិលមកបំផ្លាញ សន្តិភាព សេចក្តីសុខរបស់ប្រជាពលរដ្ឋកម្ពុជា តាមរយៈការញុះញង់ ឲ្យមានការបះបោរ បង្កចលាចល និងអស្ថេរភាពនៅក្នុងសង្គម ពិសេសរាំងស្ទះដល់ដំណើរការអភិវឌ្ឍន៍ប្រទេសជាតិ ដោយសារអ្នកវិនិយោគទុនយល់ច្រឡំថា កម្ពុជាគ្មានសន្តិភាព និងស្ថេរភាពនយោបាយ ហើយនាំគ្នាត្រឡប់ និងមិនមកបណ្តាក់ទុនរកស៊ីនៅកម្ពុជាទៀតទេ។
ម្យ៉ាងវិញទៀតប្រជាពលរដ្ឋបានលើកឡើងថា ការអនុញ្ញាតឲ្យបុគ្គរូបនេះចូលស្រុក ដូចអនុញ្ញាតឲ្យប្រទេសកើតសង្គ្រាម ហើយវិលទៅរកអតីតកាលដ៏សែនជូរជត់ នាសម័យប៉ុល ពត ដូច្នោះដែរ។
អំឡុងពេលនេះ មហាជន ពិសេសពលរដ្ឋក្នុងខេត្តកំពត សូមអំពាវនាវឲ្យប្រជាពលរដ្ឋទូទាំងប្រទេស ប្រឆាំងដាច់ខាត កុំអនុញ្ញាតឲ្យទណ្ឌិតសម រង្ស៊ីត្រឡប់ចូលស្រុកបានឲ្យសោះ៕ សេង ណារិទ្ធ
