កាលពីថ្ងៃអាទិត្យទី៩ ខែមិថុនា ឆ្នាំ២០១៩ កន្លងទៅសម្តេចតេជោ ហ៊ុន សែន បានអំពាវនាវដល់បងប្អូនប្រជាពលរដ្ឋ សមាជិក សមាជិការមកពីគ្រប់គណបក្សនយោបាយ និងកូនក្មួយយុវជន កម្មករ កម្មការនី ចូលរួមហូបនំបញ្ចុកខ្មែរ ដើម្បីបង្ហាញពីសាមគ្គីភាព មិត្តភាព ក្តីស្រឡាញ់ និងឯកភាពជាតិ។ នៅពេលនោះ សម្តេចតេជោ បានថ្លែងថានំបញ្ចុកមិនមែនជាកម្មសិទ្ធិរបស់បក្សនយោបាយណាមួយ ប៉ុន្តែជារបស់ជាតិខ្មែរទាំងមូល។
ដោយឡែក នៅព្រឹកថ្ងៃទី០២ ខែតុលា ឆ្នាំ២០១៩ នេះក្នុងពេលមានប្រសាសន៍នៅក្នុងពិធីប្រគល់សញ្ញាបត្រដល់និស្សិតនៅសាលាប៊ែលធីនៅកោះពេជ្រ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសយក ថ្ងៃសៅរ៍ ទី៩ ខែវិច្ឆិកា ឆ្នាំ២០១៩ ដែលជាថ្ងៃបុណ្យឯករាជ្យជាតិ ហើយបន្តដោយបុណ្យអុំទូក អកអំបុក និងសំពះព្រះខែ គឺជាថ្ងៃកម្ពុជាត្រូវទទួលទានអំបុកនៅទូទាំងប្រទេស “ហូបអំបុកការពារជាតិ, សាសនា,ព្រះមហាក្សត្រ”។
ទន្ទឹមនឹងនេះដែរ សម្តេចតេជោ ហ៊ុន សែន បានអំពាវនាវដល់ថ្នាក់ដឹកនាំនិងសកម្មជនគណបក្សប្រជាជនកម្ពុជា ទូទាំងប្រទេសត្រូវរៀបចំអំបុកអោយបានហូបគ្រប់ៗគ្នា នៅថ្ងៃទី ៩ ដល់ថ្ងៃទី ១២ ខែ វិច្ឆិកា ឆ្នាំ ២០១៩ ខាងមុខនេះ៕
(ដោយ គេហទំព័រ កម្ពុជាអភិវឌ្ឍន៍)
www.Kap-news.com
077797952/0887797952
WhatsApp=012580455
