(ភ្នំពេញ)៖ លោក សុខ ពេញវុធ អភិបាលខណ្ឌដូនពេញ បានដឹកនាំមន្ត្រីរាជការ និងប្រជាពលរដ្ឋក្នុងមូលដ្ឋាន ចូលរួមកាន់បិណ្ឌវេនទី៨ នៅវត្តវត្តព្រះពុទ្ធឃោសាចារ្យ ហៅវត្តចិនដំដែក ដែលមានព្រះចៅអធិការ ព្រះនាមវិសុទ្ធិសីលាចារ្យ ជឹម ជោត គង់ចាំព្រះវស្សារ នៅពេលល្ងាចថ្ងៃទី២០ ខែកញ្ញា ឆ្នាំ២០១៩នេះ ដែលជាពិធីបុណ្យជាតិដ៏សំខាន់បំផុត របស់ប្រពៃណីរបស់ខ្មែរដែលកាន់ សាសនាព្រះពុទ្ធ។
ពិធីបុណ្យកាន់បិណ្ឌ វេនទី៨ នាវត្តទាំង៦ ក្នុងមូលដ្ឋានខណ្ឌដូនពេញ នាព្រឹក ថ្ងៃសៅរ៍ ០៨រោច ខែភទ្របទ ឆ្នាំកុរ ឯកស័ក ព.ស.២៥៦៣ ត្ត្រូវនឹងថ្ងៃទី២១ ខែកញ្ញា ឆ្នាំ២០១៩នេះ លោក ហែម អាន ប្រធានក្រុមប្រឹក្សាខណ្ឌដូនពេញ និងភរិយា និង លោក សុខ ពេញវុធ អភិបាល នៃគណៈអភិបាល ខណ្ឌដូនពេញ និងភរិយា ព្រមទាំងក្រុមគ្រួសារ និងសមាជិកក្រុមប្រឹក្សាខណ្ឌ មន្ត្រីរាជការរដ្ឋបាលខណ្ឌ ព្រមទាំងពុទ្ធបរិស័ទចំណុះជើងវត្ត បានអញ្ជើញចូលរួមពិធីបុណ្យកាន់បិណ្ឌវេនទី០៨ និងរាប់បាត្រ ប្រគេនទេយ្យទាន និងបច្ច័យចំពោះព្រះសង្ឃដែលគង់ចាំព្រះវស្សា និងសម្រាប់ការសាងសង់សមិទ្ធផលនានា នៅវត្តទាំង៦ ក្នុងមូលដ្ឋានខណ្ឌដូនពេញ រួមមាន : វត្តព្រះពុទ្ធឃោសាចារ្យ (ហៅវត្តចិនដំដែកខាងត្បូង) វត្តវិមានតេជះ(ហៅវត្តស្រះចក) វត្តបទុមវតី វត្តឧណាលោម វត្តសារាវ័ន្តតេជោ និង វត្តកោះ ។
បច្ច័យកាន់បិណ្ឌ វេនទី៨ សំរាប់វត្តព្រះពុទ្ធឃោសាចារ្យ (ហៅវត្តចិនដំដែកខាងត្បូង) សរុបចំនួន ៣៦,៣៤៥,២០០៛ ក្នុងនោះមាន បច្ច័យលោក អភិបាលខណ្ឌ និង ភរិយា ចំណាយក្នុងពិធីបុណ្យ ចំនួន ២៤,០៤៨,០០០រៀល បច្ច័យ របស់មន្ត្រីរាជការ និង ប្រជាពលរដ្ឋក្នុងមូលដ្ឋានខណ្ឌដូនពេញ សំរាប់តំកល់កសាងក្នុងវត្តចំនួន ១៣,២៩៧,២០០៛ ។
បច្ច័យ សំរាប់វត្តទាំង៥រួមមាន: ក្នុងមួយវត្ត ថវិកាចំនួន៥០ម៉ឺនរៀល អង្ករ២បាវស្មើ ១០០គីឡូក្រាម ទឹកក្រូច០២កេស ទឹកសុទ្ធ០២កេស និង មីចំនួន០២ កេស ។
សូមឧទ្ទិសមគ្គផលជូនបងប្អូនប្រជាពលរដ្ឋ និងពុទ្ធបរិស័ទទូទាំងខណ្ឌដូនពេញ ទទួលបាននូវបុណ្យកុសល និងជួបតែសេចក្តីសុខ សេចក្តីចម្រើន ព្រមទាំងពរ៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។
លោក សុខ ពេញវុធ បានបញ្ជាក់ថា ÷ ក្នុងឱកាសនេះផងដែរ លោកសូមផ្តាំដល់ប្រជាពលរដ្ឋសូមប្រុងប្រយត្ន័ នៅក្នុងលំនៅដ្ឋានដែលអុចទានធូកបើកទឹកប្រើប្រាស់ភ្លើងអគី្គសនី ត្រូវប្រុងប្រយត្ន័បំផុត មុននិងចាកចេញពីផ្ទះនិងពេលចេញដំណើ ធ្វើត្រូវគោរពច្បាប់ចរាចរណ៍ ពាក់មួក មើលគំនូរសញ្ញាផ្លូវ មើលលើភ្លើងស្តុបចរាចរណ៍ ត្រូវប្រុងប្រយត្ន័ និងចេះអធ្យាស្រ័យយល់យោគគ្នា ជាពិសេស សំរាមនៅតាមគេហដ្ឋានដោយខាងក្រុមហ៊ុនស៊ីនទ្រីជាប់រវល់ឈប់សំរាក. ៕
(ដោយ គេហទំព័រ កម្ពុជាអភិវឌ្ឍន៍)
www.Kap-news.com
077797952/0887797952
WhatsApp=012580455
