ភ្នំពេញ ៖ លោក កង វង ចៅសង្កាត់ចោមចៅទី១ បានដឹកនាំក្រុមការងារ មេភូមិ អនុភូមិ រួមនឹងសមាជិកភូមិត្រពាំងថ្លឹងទី៤ នៅរសៀលថ្ងៃព្រហស្បតិ៍ ១៤រោច ខែស្រាពណ៌ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៩ ខែសីហា ឆ្នាំ២០១៩ បានចូលរួមរំលែកទុក្ខ ដ៏ក្រៀមក្រំ ក្នុងពិធីបុណ្យសពបងប្អូនប្រជាពលរដ្ឋ ដែលរស់នៅ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
បើតាមមន្រ្តីសង្កាត់ចោមចៅទី១ បានឲ្យដឹងថា ការចូលរួមរំលែកទុក្ខដ៏ក្រៀមក្រំថ្ងៃនេះ គឺចំពោះសព លោក អម សុធនមុន្នី ដែលជាប្រជាពលរដ្ឋ រស់នៅភូមិត្រពាំងថ្លឹង៤ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ដែលបានទទួលមរណៈភាព ដោយរោគាពាធិ ក្នុងជន្មាយុ៦៦ឆ្នាំ ។
ក្នុងការចូលរួមរំលែកទុក្ខដ៏ក្រៀមក្រំបំផុតនេះ លោក កង វង ចៅសង្កាត់ចោមចៅទី១ បាននាំយកនាំលិខិតបញ្ជាក់មរណះភាព និងលិខិតចូលរួមរំលែកទុក្ខ ហើយបាននាំយកបច្ច័យចំនួន ១០ម៉ឺនរៀល និងអង្ករ១បាវ ដើម្បីយកដោះស្រាយ ក្នុងពិធីបុណ្យនេះផងដែរ៕
(ដោយ គេហទំព័រ កម្ពុជា អភិវឌ្ឍន៍)
www.Kap-news.com
077797952/0887797952
WhatsApp=012680455
