ខេត្តរតនគិរី ៖ នារសៀលថ្ងៃទី០៦ ខែធ្នូ ឆ្នាំ២០១៥នេះ មន្ត្រីដែលបានមកកាន់តួនាទីថ្មីនោះបានដឹកនាំកំលាំងចុះបង្ក្រាបទីតាំងស្តុបឈើប្រណិតស្ថិតក្នុងស្រុកវើនសៃដោយមានការចូលរួមពីកំលាំងនគបាលប្រឆាំងបទល្មើសដេដ្ឋកិច្ចខេត្តផងដែរ។
តាមប្រភពបានបង្ហើបឱ្យដឹងថា ឈើប្រណីតដែលរឹបអូសបាននោះមានសុក្រមនិងធ្នុងដែលស្តុបទុកនៅមាត់កំពង់ចំលងឈើតាស្វានស្ថិតក្នុងភូមិហ្វាំងឃុំប៉ុងស្រុកវើនសៃ។
ឈើប្រណិតប្រមូលបានចំនួន២គោយន្តឆ្នៃហើយយកមករក្សារទុកនៅទីធ្លាបរិវេណខណ្ឌ័រដ្ឋបាលព្រៃឈើខេត្តនាល្ងាចថ្ងៃដរដែលនោះ។
ប្រភពបានបន្តទៀតថា ឈើប្រណិតដែលបង្ក្រាប់បាននោះត្រូវបានគេបង្ហើបថាជាឈើរបស់ឈ្មួញជាមន្ត្រីនគបាលគ្រឿងញៀនខេត្តម្នាក់ចូលភាគហ៊ុនជមួយនិងឈ្មួញម្នាក់ទៀតដែលអះអាងថាខ្លួនជានគបាលមកពីក្រសួងមហាផ្ទៃ។
ឈ្មួញទាំងពីរនាក់ទទួលលុយពីឈ្មួញយួនឃុបឃិតគ្នាដើរប្រម៉ូលទិញតាមបណ្តាព្រៃនិងតាមភូមិហើយបង្កើតជាឃ្លាំងស្តុបជាច្រើនកន្លែងក្នុងស្រុកវើនសៃ គ្មានសមត្ថកិច្ចណាហ៊ានបង្ក្រាបនោះទេនាពេលបន្លងមក ។
ទើបតែពេលនេះ មានមន្ត្រីថ្មីមកកាន់តួរនាទីថី្មបង្ក្រាបតែម្តងដើម្បីយកស្នារដៃផងនិងចង់ឱ្យឈ្មួញស្គាល់ពីកណ្តាប់ដៃនិងអំណាចផង។
ក្នុងពេលចុះបង្ក្រាបនោះ មានក្រុមនគបាលដែលជាដៃជើងរបស់ក្រុមនគបាលជាឈ្មួួញនោះបាននិយាយថាលោកជាកុណារា(ហៅរ៉ាទួរ)អតិតជានាយសង្កាត់បានលុងហើយធ្លាប់ឃុបឃិតឈ្មួញរត់ការរថយន្តយីឌុបឱ្យឈ្មួញជាច្រើនគ្រឿងទៅប្រទេស់វៀតណាមសោះនោះក៏ស្រាប់តែឥឡូវបានឡើងជានាយផ្នែកបែរជាមកបង្ក្រាបគ្នាឯងយកស្នាដៃតែម្តង។
មន្ត្រីនគបាលបក្សពួកឈ្មួញនោះបានបន្តទៀតថា ការបង្ក្រាបនេះប្រហែលជាលោកជាកុណារាដឹកនាំកំលាំងមកបង្ក្រាបទាំងបង្ខំចិត្តទេព្រោះខ្លួនក៏ដឹងថានេះសុទ្ធតែជាឈ្មួញគ្នាឯងប៉ណ្ណោះតែធ្វើមេចបើមានលោកកែបកត់ជានាយខ័ណ្ឌផ្លាស់មកថ្មីពីមណ្ឌលគិរីបញ្ជាទៅហើយនោះព្រោះលោកកែបកត់គាត់មកថ្មីក៏ចង់បង្ហាញកណ្តាប់ដៃដែរដើម្បីឱ្យឈ្មួញក្នុងតំបន់បានស្គាល់ផង។
មជ្ឈដ្ឋានជុំវិញក្នុងខេត្តបានធ្វើការិះគន់ថា លោកកែបកត់គ្មានឆន្ទៈបង្ក្រាបបទល្មើសព្រៃឈើនោះទេព្រោះរូបលោកកាលពីនៅមណ្ឌលគិរីក៏ធ្លាប់បង្ករលក្ខណះឱ្យឈ្មួញដឹកជញ្ជូនឈើយ៉ាងគគ្រឹកគគ្រេងដែរគឺបើកដៃឱ្យឈ្មួញដឹកជញ្ជូនខ្លះបង្ក្រាបខ្លះយកស្នារដៃមកដល់ខេត្តរតនគិរីក៏លោកនៅតែធ្វើទំលាប់ចាស់ដរដែលនិងដូចជាករណីបង្ក្រាប់លើកនេះជាដើម។
ទាក់ទឹននិងករណីបង្ក្រាបឈើខាងលើនេះនៅមិនទាន់ដឹងចំនួនទូរលេខពិតប្រាកដនៅឡើយទេព្រោះមិនអាចសុំការបំភ្លឺពីសមត្ថកិច្ចពាក់ពន្ធ័នោះបានទេ៕
ណាត ពៅ
