ខេត្តតាកែវៈ កន្លងមកនេះក្រោម ការដឹកនំរបស់លោក អ៊ុក សំណាង ស្នងការនគរបាលខេត្តតាកែវ បាន ខិតខំអនុវត្តគោល នយោបាយភូមិ- ឃុំមានសុវត្ថិភាពរបស់រាជរដ្ឋាភិបាលយ៉ាងសកម្ម ក្នុងការទប់ស្កាត់ និងការបង្ក្រាបនូវរាល់បទល្មើស ផ្សេងៗ ដើម្បីថែរក្សានូវសន្តិសុខ សណ្តាប់ធ្នាប់ជូនប្រជាពលរដ្ឋក្នុង សង្គមទទួលបានលទ្ធផលល្អប្រសើរ គួរឱ្យកត់សម្គាល់ ។
ពាក់ព័ន្ធទៅនឹងបទល្មើសកើត ឡើងកន្លងមកនេះ មានចំនួន ៤៩ លើក ក្នុងនោះបទល្មើសឧក្រិដ្ឋមាន ចំនួន ២០លើក, បទល្មើសមជ្ឈឹម ចំនួន ២៩លើក ។
លទ្ធផលនៃការបង្ក្រាបបទ ល្មើសឧក្រិដ្ឋមានដូចជា លួចមាន ស្ថានទម្ងន់ប្រើអាវុធ និងជះទឹក អាស៊ីតជាដើម កម្លាំងនគរបាល យើង បង្ក្រាបបានចំនួន ១៧ករណី, នៅសល់ ៣ករណី គឺ(ជះទឹកអាស៊ីត)១ករណី, រំលោភសេពសន្ថវៈ ១លើក និងលួចមានស្ថានទម្ងន់ប្រើ ប្រាស់អាវុធខុសច្បាប់ ០១ករណី កំពុងស្រាវជ្រាវបន្ត ។ ចំពោះបទ ល្មើសមជ្ឈឹមទាំង ២៩ករណី មាន ដូចជា ករណីលួច និងប្រើប្រាស់ អាវុធខុសច្បាប់ជាដើមកម្លាំងនគរ បាលយើងបង្ក្រាបបានទាំង ២៩ ករណី ។
ពាក់ព័ន្ធនឹងបទល្មើសគ្រឿង ញៀនវិញ មានដូចជា ផលិតជួញ ដូរចែកចាយនិងប្រើប្រាស់ខុសច្បាប់ មាន ១២ករណី (ចែកចាយ ១២ ករណីនេះ)កម្លាំងនគរបាលយើង ឃាត់ខ្លួនជនសង្ស័យចំនួន ១៧នាក់ បានកសាងសំណុំរឿងបញ្ជូនទៅ សាលាដំបូងខេត្តតាកែវចាត់ការ បន្តតាមផ្លូវច្បាប់រួចហើយ ។
ចំពោះបទល្មើសការជូញដូរ មនុស្ស និងជួញដូរផ្លូវភេទ មាន ៣ ករណី ក្នុងនោះអាជីវកម្មផ្លូវភេទ ២ករណី និងជូញដូរមនុស្សឆ្លងដែន ១ករណី ។ ករណីទាំងអស់នេះ កម្លាំងនគរបាលយើង ឃាត់ខ្លួន ជនសង្ស័យបាន ៣នាក់ ហើយបាន កសាងសំណុំរឿងបញ្ជូនទៅសាលា ដំបូងខេត្តចាត់ការបន្តរួចហើយ ។
ដោយឡែកសភាពការណ៍ គ្រោះថ្នាក់ចរាចរណ៍កើតមាន ឡើងចំនួន ១៦៦លើក បណ្តាលឱ្យ មនុស្សស្លាប់ចំនួន ៧៩នាក់, រង របួសចំនួន ២៧៧នាក់ (របួសធ្ងន់ ១៥៥នាក់)ខូចខាតមធ្យោបាយ សរុប ២៥៩គ្រឿង ក្នុងនោះរថយន្ត ៧០គ្រឿង ។ វិធានការដោះស្រាយ ការិយាល័យកណ្តាលសណ្តាប់ធ្នាប់ បានជម្រុញដឹកនាំកម្លាំងជំនាញ ចរាចរណ៍សហការជាមួយអធិការ ដ្ឋាននគរបាលស្រុក-ក្រុង ធ្វើការ ត្រួតពិនិត្យជាតិស្រវឹង ទន្ទឹមនឹង នោះដែរ ក៏បានធ្វើការអប់រំអំពី ច្បាប់ចរាចរណ៍ផ្លូវគោកដល់អាជ្ញា ធរមូលដ្ឋាន ៖
ក្នុងនោះ មានប៉ុស្តិ៍នគរបាល រដ្ឋបាលឃុំ-សង្កាត់ ដើម្បីអប់រំ បញ្ជ្រាបតាមរយៈវិទ្យុ F.M92,5MH2 គោកធ្លកតាកែវ សាសនា អង្គការនានា សាលារៀនគ្រប់គ្រឹះ ស្ថានសិក្សាដើម្បីធ្វើឱ្យជនគ្រប់រូប កាន់តែយល់ជ្រួតជ្រាបនិងអនុវត្តឱ្យ កាន់តែល្អត្រឹមត្រូវតាមច្បាប់ចរាចរណ៍ផ្លូវគោក ។ ក្នុងនោះដែរ កម្លាំងនគរបាលខេត្តបានប្រមូល គ្រាប់យុទ្ធភ័ណ្ឌ មិនទាន់ផ្ទុះខូច គុណភាពជូនមជ្ឈមណ្ឌលសកម្មភាពកំចាត់មីនស៊ីម៉ាក់ បានចំនួន ១៨៣៤គ្រាប់(គ្រាប់ចម្រុះ) ៕
