ខេត្តព្រះសីហនុ ៖ ឯកឧត្តម គួច ចំរើនអភិបាលខេត្តព្រះសីហនុដោយមានការចូលរួមពីព្រះរាជអាជ្ញាអមសាលាដំបូងខេត្ត ស្នងការនគរបាលខេត្ត បានដឹកនាំកម្លាំងចម្រុះ ចុះបង្ក្រាបក្លឹបមួយកន្លែងដែលមានឈ្មោះថា អូប៉ាម៉ា kTV ដែលបានលួចលាក់និងប្រើប្រាស់គ្រឿងញៀន ហើយឃាត់ខ្លួនមនុស្សប្រហែល 100 នាក់ ។
សូមបញ្ជាក់ផងដែរថា ក្នុងចំណោមជនដែលពាក់ព័ន្ធជាមួយនឹងគ្រឿងញៀនទាំងនោះ មានជនជាតិខ្មែរនិងបរទេសលាយឡំគ្នា។
ឥឡូវនេះ ខាងកម្លាំងសមត្ថកិច្ចជំនាញកំពុងតែកសាងសំណុំរឿងបញ្ជូនទៅតុលាការ ក្នុងនោះផងដែរមតិមហាជនជាតិនិងអន្តរជាតិ មានការស្ងប់ស្ងែងចំពោះអភិបាលខេត្តថ្មីម្នាក់នេះ ដល់បំពេញមុខងារ ភារកិច្ចទាំងយប់ទាំងថ្ងៃដោយមិនខ្លាចនឿយហត់សូម្បីតែបន្តិច ប្រជាពលរដ្ឋជាច្រើននៅក្នុងក្រុងកំពង់សោមខេត្តព្រះសីហនុ បានសាទរយ៉ាងខ្លាំងចំពោះឯកឧត្តម គួច ចំរើន ហើយប្រជាពលរដ្ឋលើការសំណូមពរថា ចង់ឲ្យក្នុងប្រទេសកម្ពុជារបស់យើងមានមន្ត្រីគំរូល្អដូចជា ឯកឧត្តម គួច ចំរើនឲ្យបានច្រើន ទើបប្រទេសយើងមានសុខសន្តិភាពល្អ។
សូមបងប្អូន សាធារណជនគ្រប់មជ្ឈដ្ឋាន មេត្តារង់ចាំ មើលថា តើចំណាត់ការ នៃការអនុវត្តន៏ច្បាប់ទៅលើជនសង្ស័យជាង ១០០ នាក់ ពាក់ព័ន្ធនឹងគ្រឿងញៀននេះ ទៅជាយ៉ាងណា ៕
