(ប៉ៃលិន) មួយរយះនេះគេសង្កេតឃើញក្រុមឈ្មួញដឹកឈើយ៉ាងគគ្រឹកគគ្រែងនៅចំណុចភ្នំដំបងក្នុងភូមិភ្នំដំបងសង្កាត់អូរតាវ៉ៅក្រុងប៉ៃលិន ដោយមិនដែលឃើញមានសមត្ថកិច្ចឬមន្ត្រីជំនាញចុះទៅបង្ក្រាបឡើយ។
ប្រភពពីសមត្ថកិច្ចនគរបាលសេដ្ឋកិច្ចបានប្រាប់ភ្នាក់ងារយើងថានៅ វេលម៉ោង៤និងនឹង៣០នាទី ទៀបភ្លឺ ថ្ងៃទី២០ខែកក្កដាឆ្នាំ ២០១៩នេះ នៅចំណុចភូមិភ្នំដំបងសង្កាត់អូរតាវ៉ៅក្រុងប៉ៃលិន។ កំលាំងនគរបាលការិយាល័យសេដ្ឋកិច្ចខេត្តប៉ៃលិន បានចុះឃាត់រថយន្តឆ្នៃ១គ្រឿងឈើប្រណីតចំនួន ២៨ ដុំ រួមនឹងឃាត់ខ្លួនអ្នកបើកបរម្នាក់មានឈ្មោះរឿនសំណាងអាយុ៤៣ឆ្នាំរស់នៅភូមិភ្នំស្ពង់ឃុំសាលាក្រៅស្រុកសាលាក្រៅខេត្តប៉ៃលិន។
បច្ចុប្បន្ន ទាំងមនុស្សនិងវត្ថុតាងកំពុង រក្សាទុកនៅស្នងការដ្ឋាននគរបាលខេត្តប៉ៃលិនរងចាំមន្ត្រីជំនាញធ្វើការត្រួតពិនិត្យបញ្ជូនបន្តទៅតុលាការចាត់ការតាមផ្លូវច្បាប់៕
