កំពង់ចាម ៖នារសៀលថ្ងៃសុក្រ ទី២៨ ខែមិថុនា ឆ្នាំ២០១៩ នៅសាលាខេត្តកំពង់ចាម សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បាន អញ្ជើញជាអធិបតី ដ៏ខ្ពង់ខ្ពស់ ក្នុងពិធីប្រកាសចូលកាន់មុខតំណែងអភិបាល នៃគណៈអភិបាលខេត្តកំពង់ចាម ថ្មី។
សូមបញ្ជាក់ថា ឯកឧត្តម អ៊ុន ចាន់ដា អតីតអភិបាលខេត្តព្រះវិហារ ត្រូវបានផ្ទេរភារកិច្ច មកកាន់មុខតំណែងជាអភិបាល នៃគណៈអភិបាលខេត្តកំពង់ចាម រីឯលោក គួច ចំរើន នឹងផ្ទេរភារកិច្ចចូលកាន់មុខតំណែងជាអភិបាលខេត្តព្រះសីហនុ នៅថ្ងៃទី២៩ ខែមិថុនា ឆ្នាំ២០១៩ នេះ៕
