ខេត្តបន្ទាយមានជ័យ ៖ ដោយសារតែក្រុមគ្រួរសារសពលោកយាយ ណយ មុន ភេទ ស្រី អាយុ ៨៧ឆ្នាំ បានទទួលមរណៈភាពដោយជរាពាធ ស្ថិតនៅភូមិព្រៃវែង ឃុំគំរូ ស្រុកថ្មពួក ខេត្តបន្ទាយមានជ័យ ក្រីក្រពេកទើបអង្គភាពអាវុធហត្ថខេត្តបន្ទាយមានជ័យដឹកនាំដោយលោកវរសេនីយ៍ឯក ជា តារា មេបញ្ជាការរងកងរាជអាាវុធហត្ថខេត្តតំណាងឲ្យលោកឧត្តមសេនីយ៍ត្រីបោនប៊ិន មេបញ្ជាការ កងរាជអាវុធហត្ថខេត្តបន្ទាយមានជ័យនិងសហការីជាច្រើននាក់ទៀតបាននាំយកឋវិការួមមាន៥០០.០០០រៀល និងសម្ភារះមានដូចជា អង្ករ ២ការ៉ុង ស្មេី ១០០គីឡូក្រាម មី ៤កេះ ទឹកត្រី ២យួរ ទឹកស៊ីអ៊ីវ ២យួរ និងទឹកបរិសុទ្ធ ៥០យួរ យកទៅចូលបុណ្យសពលោកយាយ ណយ មុន ដើម្បីយកទៅចាត់ចែងធ្វើបុណ្យសពតាមការគួរនៅព្រឹក ថ្ងៃទី៦ ខែមិថុនា ឆ្នាំ២០១៩នេះ។
ក្នុងពិធីបុណ្យសពនោះលោកវរសេនីយ៍ឯក ជា តារា បានមានប្រសាសន៍ថាតាមបទបញ្ជារបស់លោកនាយឧត្តមសេនីយ៌សៅសុខាអគ្គមេបញ្ជារងនៃកងយោធពលខមរភូមិន្ទនិងជាមេបញ្ជាការកងរាជអាវុធហត្ថលើផ្ទៃកន្លងមកលោកតែងតែឲ្យមេបញ្ជាការខេត្ត ក្រុងទាំងអស់ត្រូវបន្តចុះជួយឧបត្ថម្ភជាឋវកានិងសម្ភារះដល់ គ្រួសារទុរគ្គតជន គ្រួសារផ្ទុកមេរោគអេដ៍ និងកុមារកំព្រាឲ្យបានជាប្រចាំដែលជួបទុក្ខលំបាកផ្សេងៗជាយថាហេតុ ដោយមិនប្រកាន់និន្នាការនយោបាយអ្វីនោះឡេីយ ។
ក្នុងនោះក្រុមគ្រួសារសពបានលើកម្រាមដៃដប់សូមសួងសួងដល់វត្ថុក្នុងលោកសូមជួយបីបាច់និងថែរក្សាដល់ថ្នាក់ដឹកនាំមន្ត្រីកងរាជអាវុធហត្ថខេត្តបន្ទាយមានជ័យជាពិសេសគឺលោកឧត្តមសេនីយ៍ត្រីបោនប៊ិន និងមន្ត្រីក្រោមឱវាទទាំងអស់ដែលបានជួយដល់ការងារសង្គម និងការពារសន្តិសុខដល់ប្រជាពលរដ្ឋដោយ មិនគិតពីការនឿយហត់ ដើម្បីប្រជាពលរដ្ឋក្នុងតំបន់មានសុវត្ថិភាព សូមឲ្យលោកទាំងអស់មានសេចក្តីសុខក្នុងក្រុមគ្រួសារ និងមានសុខភាពល្អគ្រប់ៗគ្នាផងដែរ៕គង្គា
