ខេត្តកំពង់ធំ ៖ លោក តែម ធន គឺជាមេឃុំ កកោះ ស្ថិតនៅក្នុងស្រុកសន្ទុក ខេត្តកំពង់ធំ គឺជាសភាថ្នាក់មូលដ្ឋាន ដែលបានជាប់ឆ្នោតជាប្រធានក្រុម ប្រឹក្សាឃុំជាច្រើនអាណត្តិមកហើយ ដោយសារប្រជាពលរដ្ឋក្នុងមូលដ្ឋាន មានទំនុកចិត្តលើការដឹកនាំរបស់ លោកមេឃុំ ចេះជួយទុក្ខធុរៈធ្ងន់ ស្រាលរបស់ពួកគាត់ ជាពិសេស លោកមេឃុំតែងតែចុះសាកសួរសុខ ទុក្ខពីក្តីកង្វល់របស់ប្រជាពលរដ្ឋ ។
លោកមេឃុំបានឱ្យដឹងថា កន្លង មកនេះ ឃុំបានជីកប្រឡាយចំនួន ១ខ្សែ ដែលមានប្រវែង ៣៥០០ ម៉ែត្រ បានសាងសង់ផ្លូវលំ ៤ខ្សែ ប្រវែង ៣៨៨០ម៉ែត្រ និងលូ ១៨ កន្លែង, ក្នុងនោះដែរឃុំក៏បានជួស ជុលផ្លូវលំ ១ខ្សែប្រវែង ៣២០០ ម៉ែត្រ ។ ក្រៅពីនេះ ឃុំក៏បានយក ចិត្តទុកដាក់ផងដែរ ក្នុងការជួយ ឧបត្ថម្ភជាថវិកាដល់គ្រូមត្តេយ្យ សហគមន៍ចំនួន ៦សាលា រួមជាមួយ និងអង្គការ (យូនីសេហ្វ)ចំនួន ១០ ម៉ឺនរៀល ក្នុងគ្រូម្នាក់ៗ ។
លោកមេឃុំក៏បានឱ្យដឹងផងដែរ ថា សភាពការណ៍បង្កបង្កើនផលនា ឆ្នាំ២០១៥ នេះ បានភ្ជួររាស់ ដក ស្ទូង និងស្រូវពង្រោះ បានរួចរាល់ជា ស្ថាពរ ក៏ប៉ុន្តែដោយសារជួបនឹង គ្រោះធម្មជាតិ រីឯរាំងស្ងួតធ្វើឱ្យ ដំណាំស្រូវមិនសូវលូតលាស់បានល្អ ភោគផលអាចនឹងធ្លាក់ចុះហើយនៅ តំបន់នោះ ក៏នៅខ្វះខាតប្រភពទឹក មិនទាន់មានគ្រប់គ្រាន់តាមតម្រូវ ការរបស់ប្រជាពលរដ្ឋនៅឡើយ ៕
